រារាំង Ads ដែលពុំត្រូវការដើម្បីបង្កើនល្បឿនបើកផ្ទាំងវែបសាយ
នៅពេលដែលយើងធ្វើការរុករកនៅលើអ៊ីនធ័រណិត យើងឃើញមានផ្ទាំផ្សព្វផ្សាយ (Ads) ដែលនៅក្នុងវែបសាយជាច្រើន ។ Ads ទាំងនោះធ្វើឱ្យការភ្ជាប់អ៊ីនធ័រណិតរបស់យើងយឺត ហើយក៏ធ្វើឱ្យយើងក្តៅក្រហាយផងដែរ ប៉ុន្តែឥឡូវនេះគឺមានវិធីមួយដើម្បីរារាំងរាល់ Ads ទាំងអស់ដែលយើងពុំត្រូវការសម្រាប់គ្រប់កម្មវិធីរុករកទាំងអស់ (គ្រប់ browser) ។ គឺមានកម្មវិធីបន្ថែមមួយដែលគេហៅថា “Adblock Plus” ដែលអាចរារាំងរាល់ Ads ដែលមាននៅគ្រប់វែបសាយទាំងអស់ ។ វាគឺកម្មវិធីបន្ថែមពេញនិយមខ្លាំងណាស់ដែលអាចប្រើប្រាស់បានជាមួយ Chrome ហើយនឹង Firefox ។
រារាំង Ads ទាំងអស់:
- មុនដំបូងសូមចូលទៅកាន់វែបសាយ: Adblock Plus
- បន្ទាប់មកទៀតសូមទាញយកកម្មវិធីបន្ថែមសម្រាប់កម្មវិធីរុករករបស់អ្នកហើយតំឡើងវា ។ បន្ទាប់ពីការតំឡើងវាហើយរូបតំណាងមួយនឹងបង្ហាញក្នុងរបាអាសយដ្ឋានកម្មវិធីរុករករបស់អ្នកជាមិនខាន ។
- ឥឡូវនេះរួចរាល់ហើយ!! គ្មាន Ads ណាមួយដែលបង្ហាញក្នុងវែបសាយដែលអ្នកបើកនោះទៀតទេ ។ 🙂
Adblock plus គឺជាកម្មវិធីបន្ថែមដែលមានប្រជាប្រិយភាពបំផុតសម្រាប់ការរារាំង Ads វាគឺបានឈ្នះពានរង្វាន់នៅ 2011 សម្រាប់ការរារាំង Ads ។ សូមសាកល្បងប្រើប្រាស់វានៅក្នុងកម្មវិធីរុករករបស់អ្នក ហើយរារាំងគ្រប់ Ads ទាំងអស់ដែលពុំត្រូវការដើម្បីបង្កើនល្បឿននៃការបើកវែបសាយរបស់អ្នក ៕
លេង AngryBirds HD ក្នុង IE និង Firefox
Online Version នៃហ្គេម Angry Birds ត្រូវបានបង្ហាញដោយឡែកពីគ្នាក្នុងកម្មវិធីរុករក Google Chrome ហើយគ្មានការដាក់ចេញជាផ្លូវការសម្រាប់លេងក្នុង Firefox និង Internet Explorer នោះទេ ។ ប្រសិនបើអ្នកមិនមានកម្មវិធីរុករករបស់ Google Chrome ប៉ុន្តែមានចំណាប់អារម្មណ៍ចង់លេងហ្គេម Angry Birds ដែលមាន ៦៣ Level នេះ សូមមើលតាមការបង្ហាញខាងក្រោម៖
- របៀបលេងហ្គេម Angry Birds ក្នុង Internet Explorer (IE)
ដើម្បីលេងហ្គេម Angry Birds ក្នុង Internet Explorer 6,7,8,9 បាន អ្នកត្រូវការដំឡើង Google Chrome Frame Plugin ។ វានិងបន្ថែមនូវការលេងក្នុង Internet Explorer ដើម្បីឱ្យស្គាល់ javascript ដែលអាចដំណើរការកម្មវិធីដោយរលូន វាដំណើរក្នុង background ហើយអាចប្រើបានជាមួយ Windows 7 / Vista / XP SP2 ។
បន្ទាប់ពីការដំឡើង Google Chrome Frame ហើយ សូមចុចទីនេះដើម្បីលេងហ្គេម Angry Birds HD
- របៀបលេងហ្គេម Angry Birds ក្នុង Firefox
Firefox ពុំចាំបាច់ត្រូវការការបន្ថែម plugin ដូច Internet Explorer នោះទេ អ្នកអាចលេងហ្គេម Angry Bird នៅលើវាដោយផ្ទាល់តែម្តង សូមចុចទីនេះដើម្បីលេង ។
Angry birds មានជាលក្ខណៈ SD និង HD:
Related articles:
Firefox 8.0 beta
កញ្រ្ជោងភ្លើង ៧.០ ប៊ែតា (Firefox 7.0 beta)
យើងដឹងហើយថាកាលពីថ្ងៃទី ១៦ ខែ សីហានេះ Mozilla ទើបតែដាក់ឱ្យទាញយក Firefox 6.0 beta តែប៉ុណ្ណោះ ។ តែពេលនេះស្រាប់តែចេញ Firefox 7.0 beta មកទៀត ហើយអ្វីដែលប្លែកនោះគឺ Firefox 7.0 beta គឺអាចកាត់បន្ថយការប្រើប្រាស់មែម៉ូរីបានរហូតដល់ទៅ ៥០ភាគរយ ។
Firefox មានសម្រាប់ Windows, Mac និង Linux ពេលនេះអាចទាញយកបានហើយ ចំពោះអ្នកដែលបានកំពុងនឹងដំណើរការ Firefox beta និងត្រូវបានបន្ទាន់សម័យវាដោយស្វ័យប្រវត្តិ ។ Mozilla ក៏បានចេញផ្សាយនូវជំនាន់ beta សម្រាប់ប្រព័ន្ធទូរស័ព្ទ Android ផងដែរ ។ Firefox និងចេញផ្សាយជាផ្លូវការនូវ Firefox 7 beta នៅថ្ងៃទី 27 ខែ កញ្ញាខាងមុខនេះ ។
ការប្រើមែម៉ូរីត្រូវបាននៅខាងក្នុង firefox ដូចជំនាន់ beta ថ្មីនេះអាចជាជម្រើសដ៏ល្អសម្រាប់អ្នកប្រើប្រាស់ទាំងអស់ ។ beta ថ្មីគឺជាលើកដំបូងនៃការប្រើ Memshrink ។
“Firefox 7 ប្រើមែម៉ូរីតិចជាង Firefox 6 (និង 5, 4): ជាធម្មតាតិចជាងពី 20% ទៅ 30% , ហើយពេលខ្លះអាចតិចជាងរហូតដល់ទៅ 50%” ។
ខ្ញុំបានបន្ទាន់សម័យ Firefox របស់ខ្ញុំយប់មិញនេះ ហើយការប្រើប្រាស់ឃើញថាវាពិតជាមានល្បឿនលឿនជាងមុនឆ្ងាយណាស់ បើចាប់អារម្មណ៍អាចទាញយកនៅទីនេះបាន http://www.mozilla.com/firefox/channel/
សូមមើលផងដែរ៖
https://llundi.wordpress.com/category/គ.អ៊ីនធ័រណិត/firefox/
កញ្ជ្រោងភ្លើង (Firefox 6 Beta)
Mozilla Firefox គឺជាកម្មវិធីសម្រាប់បើកគេហទំព័រមួយដែលមានការពេញនិយមយ៉ាងខ្លាំង ក៏ព្រោះតែកម្មវិធីបើកវែបសាយមួយនេះមានលក្ខណៈពិសេសៗជាច្រើន និងភាពងាយស្រួលដល់អ្នកប្រើប្រាស់ ។ កាលពីខែមុននេះ Firefox ទើបតែចេញដាក់ឱ្យប្រើប្រាស់នូវ Firefox 5.0 Beta ។ ប៉ុន្តែពេលនេះគឺបានចេញជំនាន់ថ្មីមួយទៀត ដែលវាគ្រាន់តែជាលក្ខណៈសាកល្បង និងមិនទាន់ប្រកាស់ដាក់ឱ្យទាញយកជាផ្លូវការនៅឡើយនោះទេ ។ លក្ខណៈពិសេសនៅក្នុងជំនាន់ Firefox 6 Beta នេះ គឺវាមានលក្ខណៈបង្ហាញច្បាស់តែឈ្មោះ Domian របស់អាសយដ្ឋានវែបសាយតែប៉ុណ្ណោះ ចំពោះឈ្មោះដែលមិនមែនជាលក្ខណៈ Domian គឺវាបង្ហាញក្នុងពណ៌ស្រអាប់ៗ ។ អានបន្ថែម…
ការបញ្ចេញមតិរបស់អ្នកទស្សនា