បណ្ណសារ
មេដូរឡានស៊េរីថ្មី!
ធ្វើការងារច្រើនឆ្នាំសម្រាប់បង្កើតទ្រព្យសម្បតិ្តអោយខ្លួនឯងគឺជារឿងមួយប្រសើរជាងការចំណាយពេលវេលានៃជីវិតរបស់អ្នក ធ្វើការយ៉ាងលំបាកដើម្បីលុយហើយបង្កើតតែទ្រព្យសម្បត្តិអោយតែអ្នកដទៃនោះអ្នកនឹងមិនអាចក្លាយជាអ្នកមានបានឡើយ។
ដូច្នេះឈប់ត្អូញត្អែរហើយផ្តោតលើការស្ថាបនាជីវិតរបស់អ្នកវិញទៅ។ សូមចាប់ផ្តើមធ្វើអ្វីមួយសម្រាប់ខ្លួនអ្នកមិនថាវាតូចយ៉ាងណាក៏ដោយក៏វាប្រសើរជាងធ្វើជាទាសកររបស់នរណាម្នាក់ពេញមួយជីវិតដែរ។
ណាប៉ូឡេអុងហ៊ីលបាននិយាយថាៈ ពេលវេលានិងមិនសមប្រកបត្រឹមត្រូវនោះទេ សូមចាប់ផ្តើមពីកន្លែងដែលអ្នកកំពុងឈរហើយធ្វើការជាមួយនិងអ្វីដែលអ្នកកំពុងតែមានស្រាប់ តាមការចង់បានរបស់អ្នក។ ដំណោះស្រាយផ្សេងៗទៀតនិងត្រូវបានរកឃើញពេលដែលអ្នកបានធ្វើវាជារឿយៗ និងជាបន្តបន្ទាប់។
ឡើងទៅកាន់ប្រាសាទព្រះវិហារ តាមជណ្តើរឈើសង់អមជណ្តើរថ្មបុរាណ
សូមមើលផងដែរ៖
ឡើងភ្នំហប់ឬភ្នំកំណប់នៅ ស្រុកបន្ទាយស្រី ខេត្តសៀមរាប
ចង់រកកន្លែងដែលមានបរិយាកាសល្អ ខ្យល់បរិសុទ្ធ ជាមួយនឹងទេសភាពពីលើកំពូលភ្នំ( កន្លែងពើងថ្ម) ដែលស្ថិតនៅ ចំរាក់ប្រជុំជួរភ្នំគូលែនផ្នែកខាងជើង ។ចម្ងាយប្រមាណ50km ពីទីរួមខេត្តសៀមរាបតាមបណ្ដោយផ្លូវស្រុកបន្ទាយស្រី ហួសប្រាសាទបន្ទាយស្រី តាមផ្លូវ Highway នៅក្បែរក្បាលស្ពានផ្លូវចូលវត្តអារាមមួយឈ្មោះថា វត្តភ្នំហប់រឺវត្តកំណប់ នៅជើងភ្នំដ៏ស្ងប់ស្ងាត់ រងចាំពុទ្ធបរិស័ទចាប់កុសលផលបុណ្យ និង គោរពប្រតិបត្តិតាមប្រពៃណីសាសនាផងដែរ ។មិនតែប៉ុណ្ណោះនៅលើកំពូលភ្នំក៏មាន ប៉មប្រាសាទតូចមួយដែលមានចម្លាក់ព្រះ សិវះលិង្គ របស់សាសនាហិណ្ឌូចំកណ្ដាលប្រាសាទដ៏ចំណាស់នាសម័យបុរេប្រវត្តិទៀតសោតបើយើងដើរទៅប៉ែកក្រោយប្រាសាទស្ដាំដៃនិងបានឃើញពើយថ្មមួយដែលយើងអាចអង្គុយទស្សនាទេសភាពស្អាតប្លែកដែលមានដើមឈើដ៏ចំណាស់មួយនៅទីនោះផងដែរ ។
ទីតាំង៖ https://goo.gl/maps/ZP7DywAeFEQcn9kq9
សូមមើលផងដែរ៖
សារមន្ទីរវិមានសុខា នៅខេត្តសៀមរាប
កាលពីថ្ងៃទី ២៧ ខែ សីហា ឆ្នាំ ២០២០ ខ្ញុំបានទៅទស្សនានៅឯសារមន្ទីរ វិមានសុខា ដែលប្រមូលផ្តុំ ទៅដោយយានជំនិះ ឧបករណ៍ភ្លេង និងគ្រឿងអេឡិចត្រូនិកចាស់ៗ គឺជាផលិតផលទេសចរណ៍ថ្មី នៅក្នុងខេត្តសៀមរាប។ មានសម្ភារខ្លះផលិតតាំងពី ៥០-៦០ឆ្នាំមុនទៀតផង។ សារមន្ទីរ វិមានសុខាគឺជាសារមន្ទីរ ខុសប្លែកពីសារមន្ទីរដទៃក្នុងស្រុកខ្មែរដែលមិនធ្លាប់មានពីមុនមក ដែលប្រមូលផ្តុំដោយ សំភារៈប្រើប្រាស់បុរាណចាស់ៗរបស់ខ្មែរ និង មកពីបណ្តាក្រៅប្រទេសមួយចំនួន ដែលយើង មួយចំនួនមិនដែលបានឃើញពីមុនមក។ ចំពោះសំបុត្រសម្រាប់ចូលទស្សនាវិញគឺតម្លៃម្នាក់ ៤០០០រៀល និង ២០០០០រៀលសម្រាប់ជនបរទេស។
មកដាំកូនឈើនិងដើរកំសាន្តក្នុងព្រៃសហគមន៍ទឹកធ្លាក់ចង្រ្កានរយ
កាលពីថ្ងៃទី ១៥ ខែសីហា ឆ្នាំ ២០២០ កន្លងទៅនេះខ្ញុំបានជិះម៉ូតូធ្វើដំណើរកំសាន្តពីក្រុងសៀមរាបឆ្ពោះមកកាន់តំបន់ព្រៃសហគមន៍ទឹកធ្លាក់ចង្រ្កានរយដែលមានទីតាំងស្ថិតនៅ ភូមិបាយដុត ឃុំស្វាយស ស្រុកវ៉ារិន ខេត្តសៀមរាប។ ទីនេះគ្របដណ្ដប់ដោយព្រៃឈើ និងជម្រកសត្វព្រៃច្រើនប្រភេទផងដែរ។ តំបន់ទេសចរណ៍មានទឹកធ្លាក់ស្អាតនេះ ត្រូវបានគេតំណាលថាដាក់ឈ្មោះ ភ្នំចង្ក្រាន ដោយសារសំបូរមុំចង្ក្រានជាច្រើនដែលអាចដាក់គម្របគ្រប់ទំហំឆ្នាំង និងត្រូវបានគេនិយាយតគ្នាថាជាកន្លែងដាំថ្នាំរបស់ស្ដេចគំលង់។
ដោយសារចង្ក្រានរយស្ថិតក្នុងសហគមន៍មានផ្ទៃដីរហូតដល់ ៩៥៥៤ ហិកតា លោកអ្នកដែលមកលេងទីនេះ អាចឆ្លៀតលំហែកម្សាន្តនៅតំបន់ដាលរហាល ចានក្រហម ពើងតាក្អែក ដានទូកផងដែរ។ បន្ទាប់ពីជិះម៉ូតូទៅដល់ច្រក់ចូលគេតំរូវអោយទិញសំបុត្រចូលម៉ូតូមួយ ២០០០រៀល ចំពោះរថយន្តតម្លៃ ៤០០០រៀល បន្ទាប់ពីបង់ប្រាក់សំរាប់សំបុត្រចូលយើងត្រូវជិះឡើងភ្នំប្រហែលជា ៥-១០នាទីទៀតដើម្បីទៅដល់សហគមន៍។ បើមានបំណងចង់ទៅបោះតង់ឬជិះគោយន្តទៅទស្សនាព្រៃសហគមន៍យើងត្រូវប្រាប់ខាងអ្នករៀបចំឲ្យបានមុនមួយថ្ងៃឬពីរថ្ងៃដើម្បីគេរៀបចំអាហារ តង់ គោយន្តនិងអ្នកនាំផ្លូវជាមុនសិន។
ចំពោះគោយន្តតម្លៃ ១៥ដុល្លារ អ្នកនាំផ្លូវ ១០ដុល្លារ តង់គេងមួយ ៥ដុល្លារ និងអាហាររបស់សហគមន៍គឺមានតម្លៃសមរម្យអាចទទួលយកបាន (មិនថ្លៃ)។
ខ្ញុំបានជិះគោយន្តទៅដាំកូនឈើនៅវាលដាលរហាល ដែលជាវាលត្រូវគេកាប់ឆ្ការព្រៃជាប់មាត់អូរ ពួកខ្ញុំបានទៅដាំកូនឈើនៅទីនោះឡើងវិញ។ រូបខាងក្រោមនេះ៖
បន្ទាប់ពីដាំកូនឈើរួចហើយ ខ្ញុំក៏បានឡើងជិះគោយន្តបន្តដំណើរទៅឡើងភ្នំចានក្រហមនិងពើងតាក្អែកទៀត ដោយត្រូវដើរក្នុងព្រៃកាត់អូរ កាត់វាលថ្មស្អាតៗជាច្រើនកន្លែង សូមមើលរូបខាងក្រោម៖
ពេលធ្វើដំណើរដើរក្នុងព្រៃប្រហែលជាកន្លះម៉ោងរួចមកយើងក៏បានមកដល់វាលចានក្រហម ហើយក៏បាននាំគ្នាបរិភោគអាហារថ្ងៃត្រង់នៅទីនោះ បន្ទាប់មកទៀតក៏បានត្រលប់ទៅសហគមន៍ដើម្បីរៀបចំកន្លែងសំរាក ហើយលេងទឹកធ្លាក់នៅទីនោះ ចំពោះអាហារខាងសហគមន៍គឺជាអ្នករៀបចំចម្អិនឲ្យដោយគិតក្នុងតម្លៃសមរម្យ។ ពួកយើងក៏បានបោះតង់គេងនៅទីនោះមួយយប់ លុះព្រឹកឡើងថ្ងៃទី ១៦ ខែសីហា ឆ្នាំ ២០២០ ក៏បានធ្វើដំណើរត្រលប់មកសៀមរាបវិញ៕
សូមមើលផងដែរ៖
- ខ្ញុំឡើងភ្នំឱរ៉ាល់បានសម្រេច
- ដំណើរបែបផ្សងព្រេង រុកព្រៃ ឡើងភ្នំ បោះតង់ នៅលើភ្នំ ខ្នងផ្សា
- មកដល់ខេត្តស្ទឹងត្រែង
- ដំណើរកំសាន្តមកដល់ក្រុងបានលុងខេត្តរតនគិរី
- រូបភាពរបស់ខ្ញុំតាមដងផ្លូវពីខេត្តមណ្ឌលគិរីទៅកាន់ខេត្តរតនគិរី
- ដំណើរកំសាន្តនៅមណ្ឌលគិរីថ្ងៃចុងក្រោយមុនចាកចេញទៅកាន់ខេត្តរតនគិរី
- ដំណើរមកដល់ក្រុងសែនមនោរម្យខេត្តមណ្ឌលគិរីថ្ងៃទី១
- ដំណើរកំសាន្តដោយការជិះម៉ូតូចេញពីសៀមរាប ភ្នំពេញ ព្រៃវែង ស្វាយរៀង
ឡាយ ឡង់ឌី PERSONAL BLOG 
ការបញ្ចេញមតិរបស់អ្នកទស្សនា