*****ពាក្យ​ស្លោក​ប្រចាំ​ថ្ងៃ*****


អ្វី​​ដែល​​ខ្ញុំ​​ចង់​​និយាយ​​សម្រាប់​​ថ្ងៃ​នេះ៖ មនុស្ស​ដែល​មាន​តម្លៃ​បំផុត​សំរាប់​ខ្ញុំ​គឺ​ជា​មនុស្ស​ដែរ​មិន​ទៅ​ណា​ចោល​ខ្ញុំ​ពេល​មាន​បញ្ហា ។

ខ្ញុំបានចាក់វ៉ាក់សាំងកាពារមេរោគកូវីត-១៩ រួចរាល់ទាំង២លើក

បាន​ដាក់​ប្រកាស​នៅ ថ្ងៃទី 28 ខែ​មីនា ឆ្នាំ 2021 បញ្ចេញមតិ

IMG_20210409_093945

កាល​ពី​ថ្ងៃ​ទី 11 ខែ​មិនា​ ឆ្នាំ 2021 ខ្ញុំ​បាន​ទៅ​ចាក់​វ៉ាក់​សាំង​កាពារ​កូវីត-19 នៅ​មន្ទីរពេទ្យ​កុមារជាតិតាមគោលការណ៍​ស្ម័គ្រចិត្ត។ ហើយ​បន្ទាប់​មកពី​សប្តាហ៍​បន្ទាប់​ទៀត​គឺ​នៅ​ថ្ងៃ​ទី 26 ខែមិនា ឆ្នាំ 2021។ ចំពោះ​ការ​ចាក់​វ៉ាក់សាំងទាំង​2លើក​​នេះ​ដែរ​ខ្ញុំសូមចូលរួមចែករំលែកបទពិសោធន៍របស់ខ្ញុំផ្ទាល់ដូចតទៅ៖

១. ខ្ញុំបានចាក់វ៉ាក់សាំងកូវីតឈ្មោះ ស៊ីណូហ្វាម ផលិតនៅប្រទេសចិន ទាំងដូសទី1​ និងទី2 ដែលផ្តល់ដោយរដ្ឋាភិបាល តែមុនទៅចាក់ត្រូវ​ញ៉ាំអាហារអោយ​មាន​កំលាំងសិន​។

២. ក្រោយពីរង់ចាំរហូតដល់វេនចាក់ គ្រូពេទ្យបានវាស់កំដៅ ចង្វាក់បេះដូង និងសំពាធឈាម បន្ទាប់មកឱ្យចូលពិគ្រោះយោបល់ថាយើងអាចចាក់បានទេ។ គ្រូពេទ្យជំនាញបានសួរនាំអំពីប្រវត្តិជំងឺនិងប្រវត្តិប្រតិកម្មនឹងវ៉ាក់សាំង ថ្នាំ ឬចំណីអាហារពីមុនមក ធ្លាប់មានជំងឺប្រចាំកាយធ្ងន់ធ្ងរឬទេ។

៣. វគ្គបន្ទាប់គឺធ្វើកាតចាក់វ៉ាក់សាំង ថតរូប​។

៤. ចូលដល់បន្ទប់ចាក់វ៉ាក់សាំង គ្រូពេទ្យឱ្យ​យើង​អង្គុយ​យក​ដៃស្តាំ​ច្រត់​ចង្កេះ​និង​លាត់​ដៃ​អាវ​ឱ្យ​ផុត​ស្មារឱ្យហើយ។ ត្រូវ​ចាក់​ស្មារខាង​ស្តាំ​ជាកំហិត។ គ្រូពេទ្យចាក់រួច មិនឱ្យប៉ះញី​ឬ​បិតបង់នៅមុខម្ជុល និងមិនឱ្យត្រូវទឹករយៈពេល១២ម៉ោង។

៥. ពេលចាក់រួចត្រូវអង្គុយនៅបន្ទប់សម្រាករយៈពេល៣០នាទីសិនដើម្បីរង់ចាំមើលក្រែងមានអាការៈមិនស្រួល ដោយមានគ្រូពេទ្យមកសួរនាំរាល់៥-១០នាទីម្តង ចាំជួយសង្គ្រោះ និងប្រាប់ពីអ្វីដែលត្រូវធ្វើនិងតមក្រោយចាក់វ៉ាក់សាំងដូចជា ហាមធ្វើការធ្ងន់ និងញាំគ្រឿងស្រវឹងដាច់ខាត គួរតមរបស់ហិរ/ជូរខ្លាំង គួរញាំអាហារមានប្រូតេអ៊ីនខ្ពស់ ញាំទឹកនិងគេងឱ្យបានច្រើន។ ត្រូវតាមដានអាការៈរយៈពេល៧២ម៉ោង ករណីក្តៅខ្លួនខ្លាំងអាចញាំថ្នាំបញ្ចុះកំដៅជួយ បើធ្ងន់ធ្ងរត្រូវរកគ្រូពេទ្យ។ បន្ទាប់ពីគ្រប់៣០នាទីហើយមិនមានបញ្ហាអី និងទទួលបានកាតវ៉ាក់សាំង ខ្ញុំត្រឡប់មកផ្ទះវិញម៉ោងជាង១០ព្រឹក។ គ្រូពេទ្យប្រាប់ថាត្រូវមកចាក់ដូសទី២ក្នុងរយៈពេលពី ២-៣សប្តាហ៍ជាកំហិតទើបវ៉ាក់សាំងមានប្រសិទ្ធភាពពេញលេញ។

៦. សម្រាប់អាការៈនិងផលរំខានប៉ុន្មានម៉ោងក្រោយមកចេញអស់កម្លាំង ងងុយគេង និងឃ្លានខ្លាំង។ អាការៈនេះមិនមានអីធ្ងន់ធ្ងរទេ ការពិតគ្រូពេទ្យតម្រូវឱ្យយើងសម្រាកយ៉ាងហោចណាស់មួយថ្ងៃ។ អាការៈគឺខុសៗគ្នាអាស្រ័យលើស្ថានភាពសុខភាពម្នាក់ៗ។

ជាយោបល់របស់ខ្ញុំ ការមិនចាក់វ៉ាក់សាំងមានគ្រោះថ្នាក់ធ្ងន់ធ្ងរខ្លាំងជាង ដល់អាយុជីវិត និងអាចប្រឈមនឹងការបាត់បង់សិទិ្ធមូយចំនួនមិនអាចធ្វើអ្វីបានច្រើនទៅថ្ងៃក្រោយដូចជាការធ្វើដំណើរ ក្នុងប្រទេស ក្រៅប្រទេស ការធ្វើការ ឬចូលក្នុងស្ថាប័នណាមួយ ។ ល។ ក្នុងចំណោមវ៉ាក់សាំងឈានមុខលើពិភពលោកទាំង១២ វ៉ាក់សាំងនេះមានប្រសិទ្ធភាពស្មើឬខ្ពស់ជាង Astra Zeneca និង Johnson Johnson។ បើយើងរង់ចាំវ៉ាក់សាំងប្រសិទ្ធភាពល្អជាងនេះដូចជា Pfizer និង Moderna របស់អាមេរិក និងអាឡឺម៉ង វាអាចយូរខ្លាំងដល់ឆ្នាំក្រោយ ព្រោះប្រទេសអ្នកមានកំពុងសម្រុកដណ្តើមគ្នាទិញ រោងចក្រផលិតមិនទាន់ ហើយយើងគ្មានសម្ភារៈគ្រប់គ្រាន់រក្សាថ្នាំនេះបានដែលត្រូវការកន្លែងត្រជាក់ដល់ -70អង្សារ។

ដូចនេះបងប្អូនគួរពិចារណា និងចូលរួមចាក់វ៉ាក់សាំង ដែលមិនគិតថ្លៃ ហើយទោះបីមានលុយកច្រើនក៏ដើររកទិញមិនបាននេះ ដើម្បីការពារអាយុជីវិតខ្លួនឯង ក្រុមគ្រួសារ និង ជួយឱ្យប្រទេសយើងត្រឡប់ទៅដំណើរការប្រក្រតីឡើងវិញ។

ដំណើររបស់ខ្ញុំទៅកាន់​រមណីដ្ឋានភ្នំដា ស្រុកអង្គរបូរី ខេត្តតាកែវ

បាន​ដាក់​ប្រកាស​នៅ ថ្ងៃទី 9 ខែ​មីនា ឆ្នាំ 2021 បញ្ចេញមតិ

ឡើង​ទៅ​កាន់​ប្រាសាទ​ព្រះវិហារ តាម​ជណ្តើរ​ឈើ​សង់​អម​ជណ្តើរ​ថ្ម​បុរាណ​

បាន​ដាក់​ប្រកាស​នៅ ថ្ងៃទី 16 ខែវិច្ឆិកា ឆ្នាំ 2020 បញ្ចេញមតិ

ឡើងភ្នំហប់ឬភ្នំកំណប់នៅ ស្រុកបន្ទាយស្រី ខេត្តសៀមរាប

បាន​ដាក់​ប្រកាស​នៅ ថ្ងៃទី 15 ខែវិច្ឆិកា ឆ្នាំ 2020 បញ្ចេញមតិ

ចង់រកកន្លែងដែលមានបរិយាកាសល្អ ខ្យល់បរិសុទ្ធ ជាមួយនឹងទេសភាពពីលើកំពូលភ្នំ( កន្លែងពើងថ្ម) ដែលស្ថិតនៅ ចំរាក់ប្រជុំជួរភ្នំគូលែនផ្នែកខាងជើង ។ចម្ងាយប្រមាណ50km ពីទីរួមខេត្តសៀមរាបតាមបណ្ដោយផ្លូវស្រុកបន្ទាយស្រី ហួសប្រាសាទបន្ទាយស្រី តាមផ្លូវ Highway នៅក្បែរក្បាលស្ពានផ្លូវចូលវត្តអារាមមួយឈ្មោះថា វត្តភ្នំហប់រឺវត្តកំណប់ នៅជើងភ្នំដ៏ស្ងប់ស្ងាត់ រងចាំពុទ្ធបរិស័ទចាប់កុសលផលបុណ្យ និង គោរពប្រតិបត្តិតាមប្រពៃណីសាសនាផងដែរ ។មិនតែប៉ុណ្ណោះនៅលើកំពូលភ្នំក៏មាន ប៉មប្រាសាទតូចមួយដែលមានចម្លាក់ព្រះ សិវះលិង្គ របស់សាសនាហិណ្ឌូចំកណ្ដាលប្រាសាទដ៏ចំណាស់នាសម័យបុរេប្រវត្តិទៀតសោតបើយើងដើរទៅប៉ែកក្រោយប្រាសាទស្ដាំដៃនិងបានឃើញពើយថ្មមួយដែលយើងអាចអង្គុយទស្សនាទេសភាពស្អាតប្លែកដែលមានដើមឈើដ៏ចំណាស់មួយនៅទីនោះផងដែរ ។
ទីតាំង៖ https://goo.gl/maps/ZP7DywAeFEQcn9kq9

សូមមើលផងដែរ៖

ដំណើរ​ទៅកាន់ជណ្តើរបុរាណឡើង​ភ្នំប្រាសាទព្រះវិហារ

បាន​ដាក់​ប្រកាស​នៅ ថ្ងៃទី 30 ខែតុលា ឆ្នាំ 2020 បញ្ចេញមតិ

<span>%d</span> bloggers like this: