បណ្ណសារ
បោះតង់គេងនៅលើកោះក្នុងបឹងធម្មជាតិពារាំង
ខ្ញុំនិងយុវជនក្រុមសមាគមន៍ YEAC បានសម្រេចយកថ្ងៃទី ៣០ ខែធ្នូ ២០១៩ ដើម្បីធ្វើការបោះតង់គេងនៅទីកន្លែងតំបន់អេកូទេសចរណ៍ធម្មជាតិនៃបឹងទន្លេសាបគឺបឹងពារាំងស្ថិតក្នុងសង្កាត់ជ្រាវព្រំប្រទល់សង្កាត់ ចុងឈ្នាស់ចម្ងាយពីទីរួមខេត្តសៀមរាប ១២ គីឡូម៉ែត្រ។ កម្មវិធីរួមមានម៉ោងប្រហែល ៤ៈ០០នាទីរសៀលជួបជុំគ្នានៅមុខសាលាសង្កាត់ជា្រវចេញដំណើរទៅបឹងពារាំងហើយបន្ទាប់មកជិៈទូកដរកំសាន្តមើលសត្វនិងស្វែងយល់ពីជីវៈចម្រុះនៃធម្មជាតិ ទស្សនកោះទាំង ២០ដែលមាននៅជុំវិញមាត់បឹងនឹងធ្វើដំណើរទៅកោះលោកយាយដើម្បីបោះតង់និងរៀបចំជុំរុំតង់ និងកន្លែង ដុតភ្លើងជំរុំរួមនិងការធ្វើម្ហូបរួមគ្នាអាហារពេលល្ងាចរួមគ្នានិងបន្តការពិភាក្សាចែករំលែកបទពិសោធន៍ ( ដំណើរជីវិត ) ។ យើងមានកងម្លាំងរក្សាសុវត្ថិភាព ការជិៈទូកកំសាន្តក្នុងតំបន់ទស្សនាសត្វជម្រកសត្វ ជម្រកត្រី ការអប់រំពីធម្មជាតិ ទស្សនៈគំនិត ការរួមចំណែកក្នុងការថែរទាំ នូវធនធានធម្មជាតិ ស្វែងយល់ពីប្រវត្តិនិងការលះបង់ពលីរបស់សហគមមូលដ្ឋាន ថែរក្សាបាន នូវសម្បត្តិធម្មជាតិទុក្ខអោយអ្នកជំនាន់ក្រោយនិងបានរួមចំណែកយ៉ាងសំខាន់នៃក្នុងផ្សព្វផ្សាយពីតំបន់ដ៏មានសក្កានុពលនៃធម្មជាតិទៅកាន់ភ្ញៀវជាតិ និង អន្តរជាតិ ។ល។
លុះស្អែកព្រឹកថ្ងៃទី ៣១ ខែធ្នូ ២០១៩ ខ្ញុំបានភ្ញាក់ពីក្នុងតង់ម៉ោងប្រហែលជា ៥ៈ៣០នាទីព្រឹកព្រលឹម ដើម្បីមកអង្គុយមើលថ្ងៃរះនាមាត់បឹង ហើយទស្សនាវ៉ូងបក្សាបក្សីហោះហើរស្វែងរកចំណីនិងបំលាស់ទីនាពេលព្រឹក។
បន្ទាប់ពីព្រឹកម៉ោងប្រហែលជិត ៨ៈ០០នាទី ពួកយើងក៏បានរៀបចំរាប់របស់របរដាក់ទូកដើម្បីធ្វើដំណើរទៅទស្សនាសត្វស្លាបនៅឯក្នុងបឹង និងនៅតាមកោះផ្សេងៗដែរនៅបឹងធម្មជាតិពារាំង។ បឹងពារាំង ស្ថិតក្រោមការគ្រប់គ្រងដោយសហគមន៍ជ្រាវ។ បើគិតពីផ្ទៃទឹក បឹងពារាំងមានទំហំ ២៧០ហិកតា និងជាង ៣០០០ហិកតា បើគេគិតទាំងផ្ទៃព្រៃលិចទឹក។ បឹងនេះសម្បូរដោយព្រៃលិចទឹក សត្វស្លាបជាច្រើនប្រភេទ រួមនិងត្រីពូជផងដែរ ដែលបច្ចុប្បន្ន បាននិងកំពុងអភិរក្សដោយសហគមន៍ជ្រាវ ឫសហគមន៍ការពារអភិរក្សបឹងពារាំង។ តំបន់អភិរក្សជីវចម្រុះបឹងពារាំង គឺមានសក្កានុពលទេសចរណ៍ខ្ពស់ ដោយសារមានជម្រកសត្វស្លាបជាច្រើនប្រភេទនៅទីនោះ។
សូមមើលផងដែរ៖
- ដំណើរជិះម៉ូតូផ្សងព្រេងថ្ងៃបញ្ចប់ទៅដល់ថ្មរូង និងគិរីរម្យ
- មកដល់ឆ្នេរនេសាទ
- ដំណើរកំសាន្តនៅខេត្តកោះកុងថ្ងៃទី២ ទឹកធ្លាក់សិលាមានជ័យ និងទឹកធ្លាក់តាតៃ
- ដំណើរមកដល់ខេត្តកោះកុងថ្ងៃទី១
- ដំណើរកំសាន្តដោយការជិះម៉ូតូពីបាត់ដំបង ទៅដល់ខេត្តពោធិ៍សាត់
- ថ្ងៃទី១៖ ដំណើរកំសាន្តដោយការជិះម៉ូតូពីសៀមរាបទៅបាត់ដំបង
ដំណើរកំសាន្តដោយការជិះម៉ូតូពីសៀមរាបទៅបាត់ដំបង
ថ្ងៃទី៣១ ខែតុលា ២០១៩ ខ្ញុំបានធ្វើដំណើរដោយការជិះម៉ូតូចេញពីខេត្តសៀមរាបនាម៉ោង ៥.៣០នាទីព្រឹកព្រលឹមតាមផ្លូវជាតិលេខ៥ឆ្ពោះទៅកាន់ខេត្តបាត់ដំបង។ មកដល់បាត់ដំបងខ្ញុំក៏បានស្នាក់នៅមួយយប់ហើយក៏បានទៅទស្សនាកន្លែងកំសាន្តមួយចំនួនដូចជា៖
១. ប្រាសាទឯកភ្នំ
«ប្រាសាទឯកភ្នំ»ជាប្រាសាទដែលមានវ័យចំណាស់មួយ ក្នុងចំណោមប្រាសាទជាច្រើន ដែលត្រូវបានកសាងឡើងក្នុងរជ្ជកាលព្រះបាទសូរ្យវរ្ម័នទី១ នាសត្សវត្តទី១១ អំឡុងឆ្នាំ(១០០២_១០៥០)ក្នុងសម័យមហានគរនៅតាមតំបន់វាលទំនាបស្រែមាត់បឹងនៃទឹកទន្លេសាបក្នុងភូមិចាស់ធម្មជាតិ ដែលមានប្រជាជនរស់នៅពីយូរលង់ណាស់មកហើយ ។
ប្រាសាទឯកភ្នំ ធ្វើឡើងដើម្បីឧទិ្ទសថ្វាយដល់អាទិទេពនៃសាសនាព្រាហ្ម ឬព្រហ្មញសាសនា (លទ្ធិទេវរាជ) ហើយប្រាសាទនេះដែរ ត្រូវបានបាក់បែក និងស្រុតចុះខ្លះដោយសារបាតុភូតិធម្មជាតិរួមនិងអាយុៈកាលដល់ចំណាស់ផង រួមទាំងកត្តាសង្គ្រាម ជនទុច្ចរិតផង ប្រាសាទឯកភ្នំសាងសង់អំពីថ្មភក់ និងថ្មបាយក្រៀម អមដោយរចនាបថចម្លាក់ផ្សេង បែរមុខទៅទិសខាងកើតនិងទទឹងទៅទិសខាងលិចប្រវែង២៥ម៉ែត្រ មានបណ្តោយពីខាងជើងទៅទិសខាងត្រូងប្រវែង៤៩ម៉ែត្រ ក្នុងបរិវេណវត្តឯកភ្នំ មានចម្ងាយពីទីរួមខេត្តបាត់ដំបង១១គីឡូមែត្រ ស្ថិតនៅក្នុងភូមិតាគម ឃុំពាមឯក ស្រុកឯកភ្នំ ខេត្តបាត់ដំបង។
២. ទៅជិះឡូរី ទឹកធា្លក់ចំការស្វាយ និងសេកសក
សូមមើលផងដែរ៖
ដំណើរកំសាន្តរបស់ខ្ញុំទៅកាន់ខេត្តប៉ៃលិន ភ្នំយ៉ាត នឹងទឹកធ្លាក់ភ្នំខៀវ
ព្រឹកថ្ងៃទី ២១ ខែតុលា ឆ្នាំ ២០១៩ ខ្ញុំបានធ្វើដំណើរចេញពីសៀមរាបកាត់តាមបន្ទាយមានជ័យម៉ោងប្រហែល ១២ថ្ងៃត្រង់ហើយក៏ឆ្លៀតចូលលេងនៅអាងត្រពាំងថ្មដល់ម៉ោងប្រហែលជិត ២រសៀលទើបបន្តដំណើរទៅដល់ខេត្តប៉ៃលិន។ មកដល់ខេត្តនេះពេលយប់ ហើយក៏រកអីញ៉ាំនិងរកកន្លែងដើម្បីស្នាក់ លុះព្រឹកឡើងថ្ងៃទី២២ ខ្ញុំក៏បានទៅទស្សនានៅរមណីយដ្ឋានវប្បធម៌ប្រវត្តសាស្រ្តភ្នំយ៉ាត។
ភ្នំយ៉ាត គឺជារមណីយដ្ឋានវប្បធម៌ប្រវត្តសាស្រ្តមួយនៅក្នុងខេត្តប៉ៃលិន ស្ថិតនៅជាប់ផ្លូវជាតិលេខ៥៧ និងនៅជិតវត្តរតនសោភ័ណ ហៅវត្តកោងកាង, គឺជាបេះដូងខេត្តប៉ៃលិន ។ ប្រជាពលរដ្ឋ, អ្នកដំណើរទាំងឡាយដែលចេញ-ចូលមកខេត្តប៉ៃលិនតែងតែឆ្លងកាត់តាមជើងភ្នំយ៉ាត និងគយគន់សំណង់ប្រវត្តសាស្រ្តមួយចំនួន ដែលនៅជាប់ជើងភ្នំយ៉ាត។
ដីនៅលើភ្នំនេះ គឺជាដីរ៉ែធម្មជតិ មានត្បូងពេជ្រមានតម្លៃយ៉ាងច្រើនផងដែរ។ នៅលើកំពូលភ្នំយ៉ាត មានវត្តអារាមមួយឈ្មោះថា វត្តគិរីរតនារាមភ្នំយ៉ាត ឬហៅថា វត្តភ្នំយ៉ាត និងមានសំណង់បូរាណ, សំណង់ថ្មីៗ និងអាស្រមជាច្រើន ដូចជាព្រះចូឡាមុនីចេតីយ៍តូច-ធំ, អាស្រមលោកយាយ យ៉ាត រូបសំណាកព្រះពុទ្ធផ្ចាញ់មារកំពស់២១ម៉ែត្រ សំណង់ប្រាសាទ៨ទិស-ព្រះសិអាមេតី អាស្រមព្រះគោ-ព្រះកែវ ជាដើម។ នៅនឹងជើងភ្នំយ៉ាតក៏មានអាស្រមលោកយាយយ៉ាតផងដែរ ពិសេសអាស្រមធំរបស់លោកយាយយ៉ាត នៅភាគខាងកើតនៃភ្នំយ៉ាត ដែលមានរូបសំណាកលោកយាយយ៉ាត ធ្វើអំពីថ្មភ្នំព្រះវិហារ ឆ្លាក់ដោយវិចិត្រករខ្មែរនៅស្រុកសន្ទុក ខេត្តកំពង់ធំ មានទំងន់ជាង៣៣តោន។ ប្រជាពលរដ្ឋ អ្នកដំណើរ និងភ្ញៀវទេសចរណ៍ទាំងឡាយដែលមកលែងកំសាន្តនៅក្នុងខេត្តប៉ៃលិន តែងតែចូលមកអុជធូប បួងសួងសុំសេចក្តីសុខ សប្បាយ ពីលោកយាយយ៉ាត ដោយពួកគាត់យល់ថា លោកយាយយ៉ាតមានបារីសាកសិទ្ធ។ ខាងក្រោមនេះជារូបភាពរបស់ខ្ញុំដែលបានទៅទស្សនានៅរមណីយដ្ឋានភ្នំយ៉ាត៖
បន្ទាប់ពីចាក់ចេញពីរមណីយដ្ឋានវប្បធម៌ប្រវត្តសាស្រ្តភ្នំយ៉ាតហើយ ខ្ញុំក៏បានបន្តដំណើរទៅលេងទឹកធ្លាក់នៅលើភ្នំខៀវ។ តំបន់ទឹកធ្លាក់ធម្មជាតិភ្នំខៀវ ឬទឹកធ្លាក់អូរតាវ៉ៅមានទីតាំងស្ថិតនៅក្នុងភូមិខ្លុង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន និងមានចម្ងាយចេញពីផ្លូវជាតិ ប្រមាណ ៦ ឬ ៧ គីឡូម៉ែត្រ បន្ទាប់ពីចេញដំណើរពីតំបន់ ភ្នំយ៉ាត ដែលជាបេះដូងនៃក្រុងប៉ៃលិនមានចម្ងាយ ២ ឬ ៣ គីឡូម៉ែត្រមកនោះ។ ខាងក្រោមនេះជារូបភាពរបស់ខ្ញុំដែលបានទៅទស្សនានៅទឹកធ្លាក់ភ្នំខៀវ៖
សូមមើលផងដែរ៖
ដំណើរកំសាន្តនៅលើភ្នំខ្នារ ខេត្តឧត្តរមានជ័យ
តំបន់ទេសចរណ៍ប្រាសាទបាក់បែកនេះមានទីតាំងស្ថិតនៅក្នុងភូមិសាស្ត្រឃុំបន្សាយរ៉ាក់ ក្រុងសំរោង ស្ថិតទិសខាងជើង នៃទីរួមខេត្តឧត្តរមានជ័យ មានទីតាំងនៅលើជួរភ្នំដងរ៉ែកជាប់ព្រំដែនកម្ពុជាថៃ។ ប្រាសាទនេះមានឈ្មោះថា ប្រាសាទខ្នារ បច្ចុប្បន្នមិនសូវមានភ្ញៀវមកពីចម្ងាយទៅលេងច្រើននៅឡើយទេ ពោលគឺសម្បូរតែអ្នករស់នៅក្នុងស្រុកទៅលេងនារដូវបុណ្យទាននានាម្តងៗតែប៉ុណ្ណោះ។
បន្ទាប់មានការអភិវឌ្ឍន៍ផ្លូវឡើងនៅជណ្តើរធ្វើអំពីឈើជិតចំនួនពីរពាន់កាំ បត់បែនតាមចន្លោះផ្ទាំងថ្មតូចធំ ប្រាសាទបុរាណមានវ័យចំណាស់មួយនេះបានក្លាយទៅជាតំបន់ទេសចរមួយកន្លែងទៀត និងមានការទាក់ទាញអ្នករស់នៅក្រៅ និងក្នុងតំបន់ទៅដើរលេងកម្សាន្ត ទោះនៅមានចំនួនតិចតួចក្តី តែប្រាសាទបាក់បែកមួយនេះលែងនៅឯកកោទៀតហើយ ។ពេលបានទៅដល់លើភ្នំអ្នកធ្វើដំណើរដៃកាន់ដបទឹក និងចំណីអាហារកាន់ឡើងទៅកំពូលភ្នំអស់កម្លាំងបន្តិចបន្ទួចមែនតែទៅដល់ហាក់មានអារម្មណ៍ស្រស់ស្រាយនិងស្រូបយកខ្យល់បរិសុទ្ធ រួមឈរគយគន់នូវទេសភាពព្រៃឈើខៀវខ្ចីនៅផ្នែកខាងក្រោមក្បែរជើងភ្នំ មានវាលស្រែ និងដំណាំចម្ការចម្រុះពណ៌បៃតង។
ខាងក្រោមនេះជារូបភាពខ្លះៗរបស់ខ្ញុំនៅលើភ្នំខ្នារ៖
សូមមើលផងដែរ៖
- ដំណើរទៅកាន់ខេត្តស្ទឹងត្រែងនឹងខេត្តក្រចេះ
- ដំណើរទៅកាន់ប្រាសាទបាកាន (ព្រះខ័នកំពង់ស្វាយ) ខេត្តព្រះវិហារ
- ដំណើរពីសៀមរាបទៅកាន់ភ្នំត្បែងមានជ័យខេត្តព្រះវិហារ
- ដំណើរកំសាន្តប្រាសាទកោះកេរ្ដិ៍ជាលើកទីបី
- មកលេងនៅក្រុង Pattaya
- មកដើរលេងកណ្តាលទីក្រុងបាងកក
- សំណាងហើយបានជិះណូវីមុននឹងត្រូវគេបិទ
- ដំណើរកំសាន្តនៅប្រាសាទសម្បូរព្រៃគុកថ្ងៃទី០៤ ខែមករា ឆ្នាំ២០១៨៕
- ដំណើរកំសាន្តភ្នំគូលែនថ្ងៃទី១៨ ខែមករា ឆ្នាំ២០១៨
- កម្រងរូបភាពដំណើរកំសាន្តឆ្នេរសមុទ្រក្រុងព្រះសីហនុថ្ងៃទី៣ដល់៥ ខែ២ ឆ្នាំ២០១៨
- កម្រងរូបភាពដំណើរកំសាន្តភ្នំបូកគោ និងឆ្នេរសមុទ្រកែបថ្ងៃទី ៥ ដល់ ៦ ខែកុម្ភះឆ្នាំ២០១៨
- ទៅជិះឡូរី (Bamboo Train)
ដំណើរទៅកាន់ប្រាសាទបាកាន (ព្រះខ័នកំពង់ស្វាយ) ខេត្តព្រះវិហារ
បើទោះបីនាពេលបច្ចុប្បន្ននេះផ្លូវឆ្ពោះទៅតំបន់រមណីយដ្ឋានប្រាសាទបុរាណ ដែលមានសភាពស្រួលបួលគ្រាន់បើ អាចឲ្យរថយន្តគ្រប់ប្រភេទបើកចូលទៅដល់បានក្តី ក៏គេកម្រឃើញមានក្រុមទេសចរក្នុងស្រុកពីចម្ងាយបានមកទស្សនា ឬស្គាល់ទីប្រាសាទ ដែលមានទំហំធំធេងកណ្តាលព្រៃស្ទើរដួលរលំអស់នេះទេ។
ប្រាសាទបាកាន ឬ ប្រាសាទព្រះខ័នកំពង់ស្វាយ មានទីតាំងនៅក្នុងភូមិបាកាន ឃុំរណសិរ្ស ស្រុកសង្គមថ្មី ខេត្តព្រះវិហារមានចម្ងាយប្រហែលជា ១០៥ គីឡូម៉ែត្រពីក្រុងព្រះវិហារ ឬក៏អាចចូលតាមផ្លូវក្រួសក្រហមចំពីមុខសាលាស្រុកប្រាសាទបល្ល័ង្ក ខេត្តកំពង់ធំ បែកចេញពីផ្លូវជាតិលេខ ៦ ចម្ងាយ ៧៥ គីឡូម៉ែត្រ ខណៈប្រាសាទនេះ ស្ថិតនៅខាងកើតតំបន់អង្គរគឺ មានចម្ងាយ ១០០ គីឡូម៉ែត្រ។
តាមឯកសារក្រសួងវប្បធម៌ និងវិចិត្រសិល្បៈ បានឲ្យដឹងថា ប្រាសាទព្រះខ័នកំពង់ស្វាយ កសាងឡើងនៅសម័យអង្គរ នាពាក់កណ្តាលសតវត្សរ៍ទី ១១ និងដើមសតវត្សរ៍ទី ១២ ក្នុងរាជព្រះបាទសូរ្យវរ្ម័នទី ១-(គ.ស ១០០២-១០៥០)។
ប្រាសាទនេះមានកំពែងពីរជាន់ បើយោងតាមប្រវត្តិវិទូឲ្យដឹងថា ប្រាសាទបាកានក៏ជាទីកន្លែងលាក់ខ្លួនរបស់ព្រះបាទជ័យវរ្ម័នទី ៧ មុនពេលព្រះអង្គឡើងគ្រងរាជ្យនៅឆ្នាំ ១១៨១ នេះបើតាមរចនាប័ទ្មនៃសំណង់ស្ថាបត្យកម្មខ្លះស្រដៀងគ្នាទៅនឹងរចនាប័ទ្មប្រាសាទបាយ័ន និងប្រាសាទតាព្រហ្មនោះ៕
ខាងក្រោមនេះជារូបភាពខ្លះៗរបស់ខ្ញុំនៅឯប្រាសាទបាកាន (ព្រះខ័នកំពង់ស្វាយ) ៖
សូមមើលផងដែរ៖
- ដំណើរពីសៀមរាបទៅកាន់ភ្នំត្បែងមានជ័យខេត្តព្រះវិហារ
- ដំណើរកំសាន្តប្រាសាទកោះកេរ្ដិ៍ជាលើកទីបី
- មកលេងនៅក្រុង Pattaya
- មកដើរលេងកណ្តាលទីក្រុងបាងកក
- សំណាងហើយបានជិះណូវីមុននឹងត្រូវគេបិទ
- ដំណើរកំសាន្តនៅប្រាសាទសម្បូរព្រៃគុកថ្ងៃទី០៤ ខែមករា ឆ្នាំ២០១៨៕
- ដំណើរកំសាន្តភ្នំគូលែនថ្ងៃទី១៨ ខែមករា ឆ្នាំ២០១៨
- កម្រងរូបភាពដំណើរកំសាន្តឆ្នេរសមុទ្រក្រុងព្រះសីហនុថ្ងៃទី៣ដល់៥ ខែ២ ឆ្នាំ២០១៨
- កម្រងរូបភាពដំណើរកំសាន្តភ្នំបូកគោ និងឆ្នេរសមុទ្រកែបថ្ងៃទី ៥ ដល់ ៦ ខែកុម្ភះឆ្នាំ២០១៨
- ទៅជិះឡូរី (Bamboo Train)
ឡាយ ឡង់ឌី PERSONAL BLOG 
ការបញ្ចេញមតិរបស់អ្នកទស្សនា