ក្មេងអាយុជាងពីរឆ្នាំ ប៉ៅទឹកដោះពីគោ ជំនួសទឹកដោះម្តាយ
គួរឱ្យអាណិតក្មេងប្រុសម្នាក់នេះណាស់ដែលត្រូវពឹងពាក់អាស្រ័យលើទឹកដោះដែលប៉ៅចេញពីដោះគោ ពេលដែលឪពុកម្តាយរបស់ក្មេងប្រុសនេះបានចាកចោលគេ ទៅរកការងារធ្វើនៅឯប្រទេសសៀម ។ ក្មេងប្រុសឈ្មោះ ថា សុផាត មានអាយុ ២០ខែ បានចាប់ផ្តើមប៉ៅទឹកដោះពីគោ បន្ទាប់ពីឃើញកូនគោប៉ៅដោះបែបនេះ ហើយគេក៏ធ្វើតាម ។
លោក អ៊ុំ អឿង ដែលត្រូវជាតារបស់ក្មេងម្នាក់នេះនិយាយថា គាត់ព្យាយាមយកក្មេងនេះចេញឱ្យឆ្ងាយពីមេគោដែរ តែចៅរបស់គាត់មិនព្រម ហើយបានស្រែកយំ គាត់ក៏សុខចិត្តឱ្យគេបន្តប៉ៅទឹកដោះគោបែបនេះបន្តទៀតទៅ ។
ក្មេងប្រុស ថា សុផាត នេះបានរស់នៅជាមួយតានិងយាយរបស់គេក្នុងខេត្តសៀមរាប ពេលដែលឪពុកម្តាយរបស់់វាទៅប្រទេសសៀមដើម្បីស្វែងរកកាងារ ។ ជីតារបស់វានិយាយថាមេគោនោះវាមិនខ្វល់ពីកូនក្មេងនេះប៉ៅទឹកដោះវាឡើយ ប៉ុន្តែគាត់បារម្មណ៍អំពីសុខភាពចៅរបស់គាត់ ប្រសិនបើវានៅតែបន្តប៉ៅទឹកដោះគោបែបនេះបន្តទៀត ៕
ប្រភព៖ http://www.sfexaminer.com/news/2011/09/cambodian-boy-suckles-cow-after-parents-leave
ឡាយ ឡង់ឌី PERSONAL BLOG 
គិតថាអត់មានអីប៉ះពាល់ដល់សុខភាពផង ល្អទៅវិញទេ… បើទោះជាមិនល្អដល់ម្សៅទឹកដោះគោ…
បើតាមខ្ញុំដឹង គឺវាល្អជាងម្សៅទឹកដោះគោ ។ នៅស្រុកខ្លះគេផឹកទឹកដោះចៀម ទឹកដោះក្របីទៀតផង ។
បាទ ធាតុពិតវាល្អជាង តែក៏គេយកទៅបន្សុទ្ធ សម្លាប់មេរោគដែរ ឯក្មេងនេះវាបោះពីក្បាលដោះរបស់គោតែម្តង វាងាយនឹងឆ្លងមេរោគ ព្រោះកូនគោក៏អាចប្រើក្បាលដោះរួមជាមួយដែរ។
ទោះជាយ៉ាងណាក៏វាមិនដូចទឹកដោះម្តាយដែរ ម្យ៉ាងវិញទៀតគឺក្បាល់ដោះគោគឺវាគ្មានអនាម័យ ធ្វើឱ្យងាយឆ្លងជំងឺ និងអាចបណ្តាលឱ្យរាករួស ឈឺពោះ … ៕