បណ្ណសារ

Archive for the ‘សុខភាពនឹងជីវិត’ Category

ថ្នាំ​ផ្សះ

បាន​ដាក់​ប្រកាស​នៅ ថ្ងៃទី 21 ខែ​ឧសភា ឆ្នាំ 2015 បញ្ចេញមតិ

ថ្នាំ​ផ្សះ

“ថ្នាំ​ផ្សះ” ឈ្មោះ​នេះ​ទើប​តែ​ឃើញ​ប្រើ​ក្នុង​បច្ចុប្បន្ន​នេះ​ឯង សម្រាប់​សម្គាល់​គ្រប់​ប្រភេទ Antibiotic ។ បក​ប្រែ​មិន​ចំ​អត្ថន័យ ធ្វើ​ឲ្យ​មាន​ការ​បក​ស្រាយ​ខុស​ហើយ​យើង​នឹង​ប្រើប្រាស់​ខុស ។

“Anti” មាន​ន័យ​ថា​ ​ប្រឆាំង នឹង “Biotic” មាន​ន័យថា ដែល​មាន​ជីវិត ។ បើ​តាម​វេជ្ជសាស្រ្ត​គឺ​ជា​សារជាតិ​ដែលមាន​សក​ម្មភាព​ប្រឆាំង​នឹង​ពួក​មីក្រុប “Microbe” ។ ត្រឡប់​មក​ពាក្យ​ខ្មែរ “ថ្នាំ​ផ្សះ” ធ្វើ​ឲ្យ​អ្នក​ដែល​ជា​មិន​មែន​ពេទ្យ យល់​ថាថ្នាំ​នេះ​សម្រាប់​ធ្វើ​ឲ្យ​ជា​សះ ដំបៅ ឬ​រលាក​ក្នុង​សារពាង្គកាយ ឬ​ក៏​ធ្វើឲ្យ​មុខ​របួស​ឆាប់​ជា​សះ ទៅវិញ ។ យល់​បែប​នេះ​ បង្ក​ឲ្យ​មាន​ការ​ប្រើប្រាស់​វា​សឹង​តែ​គ្រប់​មុខ​ជម្ងឺ ។​ នេះ​គឺ​ជា​គ្រោះ​ថ្នាក់​ធ្ងន់ធ្ងរ​ដល់​សង្គម​ទាំង​មូល និយាយ​ក្នុង​ន័យ​សុខភាព​សាធារណៈ ។

Antibiotic “ថ្នាំផ្សះ” ប្រសិន​បើ​លេប​វា​ចូល​ វា​នឹង​ទៅ​កម្ទេច​ពួក​មីក្រុបមាន​ប្រយោជន៍​ដែល​នៅ​ក្នុង​ពោះវៀន​យើង នោះ​អាច​នឹង​បង្ក​ឲ្យ​ រាគឬ​ទល់​លាមក​ ឬ​អាច​ក្លាយ​ទៅ​ជា​រោគ​រាគ​ធ្ងន់ធ្ងរ​ ។ ម្យ៉ាង​ទៀត​​អាច​ធ្វើ​ឲ្យ​ពួក​មីក្រុប​ដែល​នៅ​ក្នុង​ពោះ​វៀន​នោះ​ទៅ​ជា​កាច ឬ​ស៊ាំ​នឹង Antibiotic នេះ​តែ​ម្តង (Résistance) ។

ត្រូវ​ចង់ចាំ៖ ពេល​យើង​មាន ដាច់​មុតសាច់ដោយ​របស់​មុត​ស្រួច អ្នក​ត្រូវ​លាង​មុខ​របួស​​ជាមួយ​​អាល់កុល ហើយ​យក​ស្បៃ​ស្ងួត (Compresse sterile) ដែល​លក់​នៅ​ ឱសថស្ថាន មក​បិទ​ពី​លើ​ឲ្យ​ជិត ដោយ​ប្រើ​បង់​ស្អិត ។

ចំណាំ៖ ការ​លាង​​ អាល់កុល គឺ​ដើម្បី​សម្លាប់​មេរោគ​ដែល​ទុំលើ​មុខ​របួស​ភ្លាមៗ ហើយ​ពេល​បិទ​ស្បៃ​ស្ងួត​ជិត គឺ​ដើម្បី​ការពារ​កុំ​ឲ្យ​មេរោគ​ផ្សេងៗ​ទៀត​ចូល​បាន ដោយ​ពុំ​ចាំ​បាច់​ប្រើ “ថ្នាំ​ផ្សះ​” ទេ ។

11147580_890003391066765_2738379161877666926_n

>>> គ្មាន​ហេតុ​ផល​អ្វីដែល​ត្រូវ​ប្រើ​ “ថ្នាំ​ផ្សះ” ហើយ​ទុក​មុខ​របួស​ចំហរនោះ​ទេ <<<

ប្រភព​ពី Facebook

Advertisements

ទម្លាប់ដែល​ធ្វើ​ឲ្យ​ប៉ះពាល់​ដល់​ខួរក្បាល

បាន​ដាក់​ប្រកាស​នៅ ថ្ងៃទី 19 ខែធ្នូ ឆ្នាំ 2013 បញ្ចេញមតិ

BRAIN DAMAGING HABITS

. អត់​ទទួល​ទានអាហារពេល​ព្រឹក
អ្នក​ដែល​មិន​ទទួល​អាហារពេល​ព្រឹក​គឺ​ធ្វើ​ឲ្យ​កម្រិត​ជាតិ​ស្ករ​ក្នុង​ឈាម​ចុះ​ទាប ​បណ្តាល​ឲ្យ​​ការ​ផ្តត់ផ្តង់​សារធាតុ​ចិញ្ចឹម​ដល់​ខួល​ក្បាល​មិន​គ្រប់​គ្រាន់ដែល​ជា​ហេតុ​ធ្វើ​ឲ្យ​ខួរ​ក្បាល​ខូចខាតថមថយ ។

. ទទួល​ទាន​ហួស​កម្រិត
ការ​ទទួល​ទាន​ហួស​កម្រិត​ធ្វើ​ឲ្យ​​ប៉ះពាល់​ដល់​សរសៃ​ឈាម​ក្រហម​របស់​ខួរ​ក្បាល ជាហេតុ​បណ្តាល​ឲ្យអានុភាព​នៃ​ខួរក្បាល​ថយចុះ ។

. ការជក់បារី
ការជក់​បារី​គឺ​ធ្វើ​ឲ្យ​បាត់​បង់​កោសិកា​ក្នុង​ខួរ​ក្បាល​យ៉ាង​ច្រើនសន្ធឹក​សន្ធាប់​ រហូត​បណ្តាល់​ឲ្យ​កើត​ជម្ងឺ Alzheimer ។

. កម្រិត​ជាតិ​ស្ករ​ខ្ពស់
ជាតិ​ស្ករ​ច្រើន​ពេក​អាច​នឹង​បង្អាក់​ការ​ស្រូប​យក​ប្រូតេអ៊ីន នឹងសារធាតុ​ចិញ្ចឹម​ផ្សេង​ៗ​ ដែលជាហេតុ​បណ្តាល​ឲ្យខួរ​ក្បាល​ខ្វះ​សារធាតុ​ចិញ្ចិម​ហើយ​អាច​ឈាន​ដល់​ការ​បង្អាក់​ការ​វិវឌ្ឍន៍​នៃ​ខួរ​ក្បាល​ទៀត​ផង ។

. ការបំពុល​បរិយាកាស
ខួរក្បាល​គឺ​ជាកន្លែង​ដែល​ប្រើប្រាស់​អ៊ុកស៊ីសែន​ច្រើន​ជាង​គេក្នុង​ខ្លួន​របស់​មនុស្ស ។ ការ​ស្រូបយកខ្យល់​ដែលមាន​ជាតិ​ពុល​​គឺ​អាច​ធ្វើ​ឲ្យ​ប៉ះពាល់​ដល់ការ​ផ្គត់ផ្គង់​អ៊ុកស៊ីសែន​ដល់​ខួរ​ក្បាល នឹង​អាច​កាត់​បន្ថយ​ឥទ្ធិពល​របស់​ខួរក្បាល ។

. ការ​ដេក​មិន​គ្រប់​គ្រាន់
ដំណេក​គឺ​អាច​ធ្វើ​ឲ្យ​ខួរក្បាល​របស់​យើង​បានសម្រាក ការ​ដែល​មិន​បាន​ទទួល​ទាន​ដំណេក​គ្រប់​គ្រាន់​ជាប្រចាំ អាច​នឹងជម្រុញ​​ធ្វើ​ឲ្យ​កោសិកា​របស់​ខួរក្បាល​ងាប់ ។

. គ្របក្បាល​ពេល​កំពុងដេក
ការ​ដេក​ដោយ​គ្របក្បាល​គឺ​ធ្វើ​ឲ្យ​ថមថយ​កាបូន​ឌីអុកស៊ីត ហើយ​នឹងបណ្តុំ​នៃ​អ៊ុកស៊ីសែន ដែល​អាច​បណ្តាល​ឲ្យ​​មាន​ការ​ប៉ះពាល់​ខួរក្បាលកើតមាន​ឡើង ។

. ការ​ដំណើរ​ការ​ខួរក្បាល​ពេល​កំពុង​មាន​ជម្ងឺ
ការ​ខំ​ធ្វើ​ការ​ ឬ​ខំរៀន​ពេល​កំពុង​មាន​ជម្ងឺ អាច​បណ្តាល​ឲ្យប្រសិទ្ធភាព​នៃ​ខួរក្បាល​ចុះ​ថមថយ​​ ក៏​ដូច​ជា​ធ្វើ​ឲ្យ​ខូច​ខាត​ដល់​ខួរ​ក្បាល​​របស់​យើង​ផង​ដែរ ។

. កង្វះ​ខាត​នៃ​ការ​គិត
ការ​គិត​គឺ​ជាវិធី​ដ៏ល្អ​ដើម្បី​ហ្វឹកហាត់​ខួរក្បាល​របស់​យើង កង្វះខាត​ការ​​គិត​ភ្ញោច​ខួរក្បល​ ជាហេតុ​បណ្តាល​ឲ្យខួរ​ក្បាល​ចុះ​ថមថយ និយាយ​ឲ្យ​ចំគឺ​គិត​មិន​សូវ​រហ័ស ខួរក្បាល​ស្ទគ់!!

១០. អត់​សូវ​និយាយ​ស្តី
ការ​និយាយ​ស្តី​ច្រើន គឺ​អាច​នឹង​ធ្វើ​ឲ្យ​ខួរ​ក្បាល​រស់​រវើក និង​រហ័ស​រហួសបាន​យ៉ាង​ប្រសើរ!

ប្រទេស​ក្រី​ក្រ​ជាង​គេ​ក្នុង​ពិភព​លោក

បាន​ដាក់​ប្រកាស​នៅ ថ្ងៃទី 12 ខែមករា ឆ្នាំ 2013 មតិ 7

ដោយ​​យោង​​តាម​​ការ​​ប៉ាន់​​ប្រមាណ​​មួយ​​របស់​​អង្គ​ការ​​សហ​​ប្រជា​ជាតិ​​បាន​​បញ្ជាក់​​ថា​​មនុស្ស​​ប្រហែល ២៥,០០០នាក់​ បាន​​ស្លាប់​​ដោយ​​សារ​​ការ​​អត់​​ឃ្លាន​​ជា​​រៀង​​រាល់​​ថ្ងៃ! មនុស្ស​ប្រហែល​ ១​ពាន់​​លាន​​នាក់​ កំពុង​​រស់​​នៅ​​ក្នុង​​ចំណូល​​ក្រោម​ ១​ដុល្លា​​ក្នុង​មួយ​​ថ្ងៃ និង​២ពាន់​លាន​​នាក់​​ផ្សេង​​ទៀត​​រស់​​នៅ​​ដោយ​​មាន​​ចំណូល​​ត្រឹម​​តែ ២​ដុល្លា​​ក្នុង​​មួយ​​ថ្ងៃ​​ប៉ុណ្ណោះ ។ ដូច្នេះ​​ហើយ​​គឺ​​មាន​​ប្រជា​ជន​​ចំនួន​​ប្រមាណ​​ពាក់​​កណ្តាល​នៃ​​ប្រជា​ជន​​សរុប​​របស់​​ពិភព​​លោក​ ដែល​​កំពុង​​រស់​​នៅ​​ក្នុង​​សភាព​​ក្រី​ក្រ ។

ខាង​ក្រោម​នេះ​គឺ​ជា​ការ​រៀប​រាប់​អំពី​បណ្តា​ប្រទេស​ដែល​មាន​ភាព​ក្រីក្រ​ជាង​គេ​ក្នុង​ពិភពលោក៖

១. សាធារណ​រដ្ឋប្រជាធិបតេយ្យ​កុង​ហ្គូ (Democratic Republic of Congo)

សាធារណៈ​រដ្ឋ​កុង​ហ្គូ

ចំនួន​ប្រជា​ជន: 71.7 លាននាក់
ជីឌីភី: 25 ពាន់លាន​ដុល្លារ
ជីឌី​ភី ក្នុងប្រជាជន​ម្នាក់: 348 ដុល្លា

សង្រ្គាម​​កុង​​ហ្គូ​​លើក​​ទី​​២​​បាន​​ចាប់​​ផ្តើម​​នៅ​​ក្នុង​​ឆ្នាំ​១៩៩៨ បាន​​បង្ហិន​​បង្ហោច​​ប្រទេស​​មួយ​​នេះ​​យ៉ាង​​ដំណំ​​និង​​បាន​​អូស​ទាញ​ប្រទេស​នេះ​ឲ្យ​​ធ្លាក់​​ចូល​​ទៅ​​ក្នុង​​សង្គ្រាម​​នៅ​​អាហ្វ្រិក​​ផង​​ដែរ ​ព្រោះ​​មាន​​ការ​​ចូល​​រួម​​ពី​​ប្រទេស​​ចំនួន​៩​នៃ​​តំបន់​​អាហ្វ្រិក និង​​មាន​​ក្រុម​​ទាហាន​​ចំនួន​២០​ក្រុម​​វាយ​​ប្រយុទ្ធ​​គ្នា ។ បើ​​ទោះ​​បី​​ជា​​មាន​​ការ​​ចុះ​​សន្ធិ​​សញ្ញា​​សន្តិ​ភាព​​នៅ​​ក្នុង​​ឆ្នាំ​២០០៣ ក៏​​ដោយ ក៏​​ប្រទេស​​មួយ​​នេះ​​នៅ​​តែ​​មាន​​ការ​​វាយ​ប្រយុទ្ធ​​គ្នា​​នៅ​​ភាគ​​ខាង​​កើត​​ប្រទេស ។ ​ភាគ​​ខាង​​កើត​​នៃ​​សាធាណ​រដ្ឋ​​កុង​ហ្គូ ការ​​សាយ​​ភាយ​​នៃ​​បទ​​រំលោភ​​សេព​​សន្ថវៈហើយ​​និង​​អំពើ​​ហឹង្សា​​ផ្លូវ​​ភេទ​​គឺ​​ជា​​បញ្ហា​​ដ៏​​អាក្រក់​មួយ​​ក្នុង​​លោក ។

២. ប្រទេសឡៃ​បៀររៀរ (Liberia)

កុមារ​ក្នុង​ប្រទេស​ឡៃ​បៀរ​រៀរ

ចំនួន​ប្រជាជន: 3.8 លាននាក់
ជីឌីភី: 1.7 ពាន់​លានដុល្លា
ជីឌី​ភី ក្នុងប្រជាជន​ម្នាក់: 456 ដុល្លា

ប្រទេស​នេះ​បាន​ធ្វើ​ទំនើប​កម្ម​នៅ​ក្នុង​ឆ្នាំ ១៩៤០ ដោយ​រៀប​ចំ​តាម​ការបណ្ដាក់ទុន​របស់​សហរដ្ឋ​អាមេរិក ក្នុង​អំឡុង​សង្រ្គាម​លោក​លើក​ទី២ ហើយ​សេដ្ឋកិច្ចប្រទេស​នេះ​ស្ថិត​នៅ​ក្រោម​សេរីភាវូបនីយកម្ម​របស់​ប្រធានា​ធិបតី ​William Tubman ។ ប្រទេស​ ឡៃ​បៀរ​រៀរ ត្រូវ​បាន​បង្កើត​ឡើងដោយ​សមាជិក​អង្គការ​សហប្រជាជាតិ ហើយ​និងអង្គការ​ឯកភាពជាតិ​អាហ្វ្រិក ។ រដ្ឋប្រហារយោធាផ្តួលរំលំសម្ព័ន​ភាព​អាមេរិក​និង​ឡៃ​បៀររៀរ​ក្នុង​ឆ្នាំ ១៩៨០ ជា​ដើម​ហេតុ​ធ្វើ​ឲ្យ​នយោបាយ និង​សេដ្ឋ​កិច្ច​ប្រទេស​មួយ​នេះអស្ថិរភាព ហើយនិង​សង្រ្គាម​ស៊ីវីល​​ពីរដែល​បន្សល់​ទុក​ប្រជាជន​ប្រមាណ​ជាង​ ២៥០,០០០នាក់ស្លាប់​បាត់​បង់​ជីវិត និង​ធ្វើ​ឲ្យ​សេដ្ឋ​កិច្ច​របស់​ប្រទេស​ខ្ទេចខ្ទី​ងើប​ទៅ​មុខ​លែង​រួច ។ កិច្ច​ព្រម​ព្រៀង​សន្តិភាពមួយ​ត្រូវ​បាន​ធ្វើ​ឡើង​​ក្នុង​ឆ្នាំ ២០០៣ ហើយ​បាន​រៀប​ចំ​ឲ្យ​មាន​ការ​បោះ​ឆ្នោត​ប្រជាធិបតេយ្យ​មួយនៅ​ក្នុង​ឆ្នាំ ២០០៥ ។ សព្វ​ថ្ងៃ​ប្រទេស​ឡៃបៀររៀរ​បាន​បញ្ចប់​​នូវ​ឥទ្ធិពល​សង្រ្គាម​ស៊ីវីល​ដែល​បាន​អូសបន្លាយពេល​យ៉ាង​យូរ និងបានស្តារ​ឡើង​វិញ​នូវ​​ស្ថាន​ភាព​សេដ្ឋកិច្ច​ដ៏​យ៉ាប់យឺនរបស់​ខ្លួន ហើយ​ប្រជាជន​ក្នុង​ប្រទេស​នេះ​ប្រមាណ​ជាង ៨៥ភាគរយ​កំពុង​រស់​នៅ​ក្រោម​បន្ទាត់​នៃ​ភាព​ក្រី​ក្រ​នៅ​ឡើយ ។ អាន​បន្ថែម…

អ្នក​​ស្អប់​​ជីវិត​​របស់​​អ្នក ខណៈពេល​ដែល​មនុស្ស​ខ្លះត្រូវ​ការ​ជីវិត​ដើម្បី​រស់

បាន​ដាក់​ប្រកាស​នៅ ថ្ងៃទី 16 ខែវិច្ឆិកា ឆ្នាំ 2012 បញ្ចេញមតិ

ជីវិត​​គឺ​​ពិបាក​​ណាស់ ប៉ុន្តែ​​យ៉ាង​​ហោច​​ណាស់​​យើង​​មាន​​ចំណី​​អាហារ​​សម្រាប់​​ញ៉ាំ​​គ្រប់​​គ្រាន់​ តើ​​ត្រូវ​​ទេ? មាន​​ចំណី​​អាហារ​​ល្អ​​ៗ ហើយ​​មាន​​ច្រើន​​ទៀត​​ផង ។ យើង​​មាន​​ផ្ទះ​​សម្រាប់​​ស្នាក់​​អាស្រ័យ​​ តើ​​ត្រូវ​​ទេ​? មាន​​គ្រែ​​ដ៏​​កក់​​ក្តៅ​ មាន​​ភួយ​ និង​​ពួក​​សម្រាប់​​ដេក​​យ៉ាង​​សុខ​​ស្រួល ។ យើង​​មាន​​សម្លៀក​​បំពាក់​​សម្រាប់​​ការ​​ស្លៀក​​ពាក់​​ប្រចាំ​​ថ្ងៃ តើ​​ត្រូវ​​ទេ? សម្លៀក​​បំពាក់​​ជា​​ច្រើន​​កំផ្លេ​សម្រាប់​ផ្លាស់​ប្តូរ​ ។ យើង​​​មាន​​​ឪពុក​​ម្តាយ​ បង​ប្អូន​​ មនុស្ស​​ដែល​​ជា​​ទី​​ស្រឡាញ់​​របស់​​យើង​ ការ​ពារ​​យើង​ ថែរក្សា​យើង តើ​ត្រូវ​ទេ?

ប្រសិន​​បើ​​ចំណី​​អាហារ​​នៅ​​ក្នុង​​ទូរ​ទឹក​កក​របស់​​អ្នក សម្លៀក​បំពាក់​នៅ​លើ​តួរ​ខ្លួន​របស់​អ្នក ដំបូល​ផ្ទះ​នៅ​ពី​លើ​ក្បាល​របស់​អ្នក​ ហើយ​និង​មាន​កន្លែង​សម្រាប់​ដេក​ ។ អ្នក​គឺ​ជា​មនុស្ស​ដែល​មាន​ទ្រព្យ​ច្រើន​ជាងមនុស្ស​ ៧៥ភាគរយ នៅ​លើ​លោក​នេះ​ហើយ ។

ប្រសិន​បើ​អ្នក​មាន​លុយ​ក្នុង​ធានា​គា ក្នុង​ការបូប​ដាក់​លុយ ហើយ​មាន​របស់​សម្រាប់​បម្រុង​ទុក​ដើម្បី​ផ្លាស់​ប្តូរ អ្នក​គឺ​នៅ​ក្នុង​ចំណោម​នៃ​អ្នក​ដែល​មានស្តុក​ស្តម្ភ​ជាង​គេ​លើ​ពិភព​លោក ៨ភាគរយ​​ឯណោះ ។

ប្រសិន​បើ​អ្នក​ក្រោក​ឡើង​នៅ​ពេល​ព្រឹក​នេះ​ជា​មួយ​និង​ភាព​មាន​សុខភាព​បរិបូរ​ណ៍ ដែល​អាច​ជៀស​ឆ្ងាយ​ពី​ជំងឺ​ដង្កាត់​ផ្សេងៗ​បាន អ្នក​គឺ​មាន​បុណ្យ​វាសនា​ច្រើន​ជាងមនុស្ស​រាប់​សិប​លាន​អ្នក​ទៀត​ដែល​មិន​អាច​រស់​នៅ​បន្ត​ទៀត​សម្រាប់​អាទិត្យ​នេះ ។

ប្រសិន​បើ​អ្នក​មិន​ដែល​មាន​បទ​ពិសោធន៍​ជួប​នូវ​គ្រោះ​ថ្នាក់​ក្នុង​សង្រ្គាម​, ការ​ឈឺ​ចាប់​យ៉ាង​ខ្លាំង​នៃ​ការ​ឃុំ​ឃាំង​ ឬ​ការ​ធ្វើ​​ទារុណ​​កម្ម ឬ​​ក៏​​ភាព​​នៃ​​សេចក្តី​​អត់​​ឃ្លាន​​ហួស​​ប្រមាណ​​នោះ​​ទេ អ្នក​​គឺ​ជា​មនុស្ស​ដែល​មាន​​សំណាង​​ល្អ​​ជា​ង​មនុស្ស​​ ៥០០​​លាន​​នាក់​​ទៀត​​ដែល​​នៅ​រស់​​ជា​​មួយ​​ការ​​ឈឺ​​ចាប់​​ទាំង​​អស់​​នេះ ។

ប្រសិន​បើ​អ្នក​អាច​អាន​អត្ថបទ​នេះ​បាន អ្នក​គឺ​ជា​ម​នុស្ស​ដែល​មាន​ភព្វ​សំណាង​ខ្លាំង​ណាស់​ គឺ​សំណាង​ជាងមនុស្ស​ជាង ៣ពាន់​លាន​អ្នក​ទៀត​នៅ​ក្នុង​ពិភព​លោក​នេះ​ដែល​មិន​ចេះ​អក្សរ​ សូម្បី​តែ​មួយ​តួរ​អក្សរ​ក៏​ពួក​គេ​មិន​អាច​អាន​បាន​ដែរ ។

យើង​គួរតែ​ដឹង​​គុណ​សម្រាប់​អ្វី​ដែល​យើង​មាន​ និង​កំពុង​តែ​មាន​សព្វ​ថ្ងៃ​នេះ ហើយ​យើង​ត្រូវ​តែ​ចែក​រំលែក​អ្វី​ដែល​យើង​មាន​នោះ​ ឬ​ក៏​ផ្តល់​ជូន​ជា​ចាំ​បាច់​ទៅ​មនុស្ស​ជាតិ​ទាំង​ឡាយ​ដទៃ​ទៀត​ ៕

 

តើ​រាល់ថ្ងៃនេះប្រជាជន​​ខ្មែរ​កំពុង​តែ​សម្លាប់ប្រជាជន​​ខ្មែរ​គ្នា​ឯងមែនទេ?

បាន​ដាក់​ប្រកាស​នៅ ថ្ងៃទី 27 ខែ​កុម្ភៈ ឆ្នាំ 2012 មតិ ១

កាល​ពីមុន​ខ្មែរ​យើង​នាំ​ចូល​បន្លែ​ផ្លែ​ឈើ​ពី​ប្រទេស​ជិត​ខាង ដោយ​បន្លែ​ផ្លែឈើ​ទាំង​នោះ​ផ្ទុក​ទៅ​ដោយ​សារធាតុ​គីមី​ដែល​ធ្វើ​ឱ្យ​ប៉ះពាល់​ដល់​សុខភាព​ប្រជាជន​​កម្ពុជា​យ៉ាង​ខ្លាំង ។ ដោយ​ឡែក​ការ​ដាំដុះ​ផលិត​ផល​ខ្មែរ​ គឺ​និយម​ដាំ​ទៅ​តាម​ធម្មជាតិ​មិន​ប្រើប្រាស់​ជីគីមី​នោះ​ទេ ប៉ុន្តែ​សព្វ​ថ្ងៃ​នេះ​គេ​បង្រៀន​ខ្មែរ​យើង​ឱ្យ​ចេះ​ប្រើប្រាស់​ថ្នាំ​គីមី​នេះ​ហើយ គឺ​ថា​ប្រើប្រាស់​ស្ទើរគ្រប់​មុខ មិន​ថា​ក្នុង​ ​បន្លែ​ ត្រី សាច់ ចំណីអាហារ​ នោះ​ទេ គឺ​សុទ្ធ​តែ​គីមី​ទាំង​អស់ គេ​កំពុង​បង្រៀន​ឱ្យ​ខ្មែរ​សម្លាប់​ខ្មែរ​គ្នាឯង? សង្គម​យើង​បច្ចុប្បន្ន​នេះ​ គឺ​គិត​ពី​បញ្ហា​សុវត្ថិ​ភាព​សង្គម​ច្រើន​ដូច​ជា​​ ឃាត​កម្ម​ លួច​​ ឆក់​ ​ប្លន់ ​និង​គ្រោះ​ថ្នាក់​ចរា​ចរណ៍​ ជា​ដើម​ ។ ​តែ​មនុស្ស​​មួយ​​ចំនួន​មាន​ការ​ព្រួយ​​បារម្ភ​ចំពោះ​បញ្ហា​សុវត្ថិភាព​ អាហារ​​ផង​ដែរ​ ពេល​ខ្លះ​បាន​​​ត្រឹម​តែ​​រអ៊ូថា​​​អាហារ​ឥឡូវ​សុទ្ធ​តែ​ជាតិ​គី​មី​​ដែល​ជា ​អាវុធ​សម្លាប់​មនុស្ស​​ តែ​មិន​ដឹង​ថា​​ត្រូវ​ធ្វើ​ដូច​ម្តេច​ដើម្បី​ចៀស​ឲ្យ​ផុត​​ ។​​

សារធាតុ​គីមី​មួយ​ចំនួន​​ដែល​ត្រូវ​បាន​ហាមឃាត់​ក្នុង​វិស័យ​កសិកម្ម​នៅ​តែ​មាន​ការ​ប្រើប្រាស់​ពី​សំណាក់​ប្រជា​កសិករ​ខ្មែរ​យ៉ាង​ច្រើន​ ។ យើង​ក៏​ឃើញ​មាន​សារធាតុ​គីមី​មួយ​ចំនួន​ត្រូវ​បាន​ប្រើ​ប្រាស់​ដាក់​នៅ​ក្នុង​អាហារ ។ សារធាតុ​គីមី​ជាច្រើន​ប្រភេទ​ត្រូវ​បាន​ហាមឃាត់​ដូចជា​ថ្នាំ​សម្លាប់​សត្វល្អិត​នៅ​តែ​មាន​ការ​ប្រើប្រាស់​ និង​នាំ​ចូល​យក​មក​លក់​នៅក្នុង​ប្រទេស​កម្ពុជា បើ​ទោះ​បី​ជា​មាន​ការ​ហាម​ឃាត់​យ៉ាង​ណា​ក៏​ដោយ ។ នៅ​ក្នុង​អាហារ​ត្រូវ​បាន​​គេ​​រក​ឃើញ​​មាន​​សារធាតុ​​គីមី​​ដែល​​បង្ក​គ្រោះ​ថ្នាក់​​ដល់​​សុខភាព​ជាច្រើន​​ប្រភេទ ដូច​ជា​សារធាតុ​​ ប៉ូ​​រ៉ាក់​ដឺ​សូ​ដ្យូ​ម ឬ​គេ​​ហៅ​​ថា​​ទឹក​អន្សា ថ្នាំ​​បាញ់​​សម្លាប់​សត្វ​ល្អិត​​ផ្សេងៗ អ៊ី​ដ្រូ​​ស៊ុល​​​ហ្វ៊ី​ត ដឺ​សូ​ដ្យូ​ម ដែល​​គេ​ស្គាល់​​ថា ម្សៅ​ស អាស៊ី​ត​ស៊ុល​​​​​ហ្វួ​​រិច អាស៊ីត​​បង់​​ហ្សូ​​អ៊ិច មីក្រូ និង​ល័​ក្ខ ជាដើម ។ សារធាតុ​​ទាំង​អស់​​នោះ​​​ត្រូវ​​បាន​គេ​​ប្រើប្រាស់​​ដើម្បី​​រក្សា​​ឱ្យ​​អាហារ​​មាន​ភាព​ស្រស់ ទុក​​បាន​​យូរ មាន​​សោ​ភ័ណ្ឌ​​ភាព ប៉ុន្តែ​​វា​​ធ្វើ​ឱ្យ​​មនុស្ស​​ខូច​សុខភាព​ ​ដូចជា​​បណ្តាល​ឱ្យ​​កើត​​ជំងឺ​​តំរង​​នោម រលាក​​បំពង់​រំលាយ​​អាហារ ជំងឺ​​វិលមុខ ហ៊ឹង​ត្រចៀក រវើ​​រវាយ ក្អួត ដង្ហើម​​ញាប់ ដង្ហក់ ឈឺ​ក្រពះ រាគ ជាដើម ។

ឧទាហរណ៍៖

១. ការ​បញ្ចូល​ជាតិ​គីមី​ទៅ​ក្នុង​រុក្ខ​ជាតិ​​ និង​សត្វ​​ដើម្បី​ឲ្យ​ឆាប់​ធំ​ធាត់៖​ យើង​ឃើញ​ហើយ​ថា​​ចេក​ពង​មាន់​កាល​ពី​មុន​ធំ​ប៉ុន​មេ​ដៃ​ តែ​​ឥឡូវ​ប៉ុន​កដៃ​ ឯ​ឪឡឹក​វិញ​ក៏​ក្រហម​ច្រាល​ ហើយ​ផ្អែម​ដូច​ស្ករ​អ៊ីចឹង​។​​ មាន​បន្លែ ​ផ្លែ​ឈើ​ផ្សេងៗ​ទៀត​​ក៏​ដូច​គ្នា​ដែរ​ ដូច​ជា​ត្រសក់​ ត្រឡាច​ ឬ​ខ្នុរ​ជា​ដើម​ ។​ ចំណែក​ឯ​សត្វ​មាន់​វិញ​ចិញ្ចឹមតែ​៣​ខែ​គឺ​បាន​លក់ ​ហើយ​ធំ​ៗ​ទៀត​ ជ្រូក​ក៏​ធំ​ៗ​ដូច​គ្នា​ដែរ​ ។

២. សាច់​សត្វ​ បន្លែ​ផ្លែ​ឈើ​ដែល​ដាក់​ជាតិ​គី​មី​ហ្វក​ម៉ុល​ធ្វើ​ឲ្យ​ស​ស្អាត រក្សា​ទុក​បាន​យូរ​​ និង​ការ​ផលិត​​វេច​ខ្ចប់៖​​ បើ​មាន​ពេល​យើង​​ដើរ​លេង​ផ្សារ​ម្តង​មើល​ ថា​តើ​មាន​អ្វី​ខ្លះ​ដែល​កើត​ឡើង​នៅ​លើ​របស់​ដែល​យើង​នឹង​ទិញ​ គឺ​ភាគ​ច្រើន​សុទ្ធ​តែ​ដាក់​ថ្នាំ​ស្ទើរ​តែ​​ទាំង​អស់​​ ​ដូច​ជា​ សាច់​ ប្រហុក​ ត្រី​​ងៀត​​ ស្ករ ​ស​ក្បុស​​ដែល​ធ្លាប់​តែ​រុយ​​ទុំ​ ឥឡូវ​រុយ​ខ្ពើម​ទុំ​ផង​ ។ ​ត្រយូង​ចេក​ដែល​ធ្លាប់​តែ​បន្ទាប់​ពី​ហាន់​​ភ្លាម​មិន​ទាន់​ផង​គឺ​ចេញ​ជ័រ​ ខ្មៅ​រោល ​ឥឡូវ​នេះ​សស្គុស​។ ​បើ​និយាយ​ពី​តៅហ៊ូ ​តៅគ័រ​ ទឹកត្រី​ ទឹក​ស៊ីវអ៊ីវ​ ទឹក​ប៉េង​ប៉ោះ ​ទឹក​ម្ទេ​ស​​វិញ​ មិន​ដឹង​ជា​ឆ្លង​កា​ត់​ការ​​ត្រួត​ពិនិត្យ​បទ​ដ្ឋាន​ត្រឹម​ត្រូវ​ទេ ។

បើ​សិន​ជា​គ្មាន​វិធាន​ការ​នោះ​ទេ មិន​យូរ​មិនឆាប់​ខ្មែរ​ស្លាប់​ដាច់​ពូជ​អស់​ហើយ!!??

វត្តមាន​សារធាតុ​គីមី​ក្នុង​ចំណី​អាហារ​ គឺជា​ក្តី​បារម្ភ​ជា​ទូទៅ​ និង​ជា​យូរ​មក​ហើយ​ ប៉ុន្តែ ​ការ​ខ្វះ​ប្រព័ន្ធ​ត្រួត​ពិនិត្យ​ដែល​មាន​ប្រសិទ្ធភាព​បាន​បង្ខំ​ឲ្យ​ពលរដ្ឋ​ខ្មែរ​បរិភោគ​​អាហារ​ដែល​មាន​សារធាតុ​គីមី​ជា​រៀង​រាល់ថ្ងៃ។ ​ជារឿយៗ ​គេតែង​ឃើញ​ភ្នាក់ងារ​​កាំកុងត្រូល​ចុះ​ពិនិត្យ​ចំណី​អាហារ​នៅ​តាម​ទីផ្សារ​នានា ​ប៉ុន្តែ ​វត្តមាន​ម្តងម្កាល​របស់​ពួកគេ​មិន​អាច​ទប់​ស្កាត់​សារធាតុ​គ្រោះថ្នាក់​នេះ​បាន​ឡើយ ។ ក្រុម​អ្នក​ជំនាញ​បាន​ប៉ាន់​ប្រមាណ​ថា​ប្រជាពលរដ្ឋ​ខ្មែរ​នឹង​ប្រឈម​មុខ​​នឹង​ជំងឺ​ធ្ងន់ធ្ងរ​ជាច្រើន​នៅ​ពេល​អនាគត​ជា​ពិសេស​ជំងឺ​មហារីក​តែម្តង​នៅ​ពេល​ដែល​សារធាតុ​គីមី​ទាំង​​នោះ​ពូន​ផ្តុំ​គ្នា​ជា​រៀង​រាល់ថ្ងៃ។​ ល្មម​បញ្ឈប់​បាន​ហើយ​ខ្មែរ​អឺយ​ខ្មែរ​!!! 😦

សូម​មើល​ផង​ដែរ៖ តើ​គួរ​បញ្ឃប់​ការ​ស្មូត​ក្នុង​ពិធី​បុណ្យ​សព​ដែរ​ឬទេ?

វិធីធ្វើឱ្យខួរក្បាលធ្វើការប្រកបដោយប្រសិទ្ធិភាព

បាន​ដាក់​ប្រកាស​នៅ ថ្ងៃទី 13 ខែ​កុម្ភៈ ឆ្នាំ 2011 មតិ ១

សាស្ត្រាចារ្យ Partrick Georges គ្រូពេទ្យ​វះកាត់​ខួរក្បាល​ជនជាតិ​ប៊ែ​ល​ស្ស៊ិ​ក​បានធ្វើ​ការសិក្សា​វិភាគ​ស្រាវជ្រាវ​អំពី​ការធ្វើការ​របស់​ខួរក្បាល​ហើយ​បានផ្តល់​ដំបូន្មាន​ជាច្រើន​ប្រការ​អំពី​វិធី​យ៉ាងណា​ឱ្យ​ខួរក្បាល​យើង​អាចធ្វើ​ការបកស្រាយ​ដោយ​ប្រសិទ្ធិភាព​កាន់តែ​ល្អប្រសើរ​ទ្វេ​ឡើង ។

លោក​ពន្យល់ថា មនុស្ស​យើង​គួរ​មាន​ពេលវេលា​ដេក​សម្រាក់​ថ្ងៃ​ប្រមាណ ២០‑៤០ នាទី ព្រោះ​ការ​ដេក​ថ្ងៃ​អាចឱ្យ​ខួរក្បាល​ប្រមូល និង​សំយោគ​ទិន្ន័យផ្សេងៗដែល​កើតមានឡើង និង​បានទទួល​មក​ពេញ​មួយ​កំណាត់​ព្រឹក ។ លោក​បរិយាយ​ថា ខួរក្បាល​របស់​មនុស្ស​យើង​អាចធ្វើ​ការងារ​បានល្អ​បំផុត​ក្នុង​ចន្លោះពេល​ពីរ​គឺ ចន្លោះពេល ៣ម៉ោង និង ១០ម៉ោង​ក្រោយពេល​ភ្ញាក់ពីដេក ។

លោកគ្រូ​ពេទ្យ​បានធ្វើ​ការវាស់ស្ទង់​សីតុណ្ហភាព​របស់​ខួរក្បាល់​ក្រោយពេល​ភ្ញាក់ពីដេក ថា​ជា​កម្រិត​ភាព​ឆ្លៀវ​ឆ្លាត​ដែលមាន​ឈ្មោះថា Deep intelligence ដោយ​ដំ​ណា​ក​កាល​នេះ​សមស្រប​សម្រាប់ធ្វើ​ការងា​រ​ដែល​ត្រូវ​ប្រើ​ខួរក្បាល ឬ​ការគិត​គួរ ។ ចំណែក​អំឡុងពេល ១០ ម៉ោង​ក្រោយ​ភ្ញាក់ពីដេក​នោះ លោកគ្រូ​ពេទ្យ​បាន​ហៅថា​ជា​ភាព​ឆ្លៀវឆ្លាត​ឈ្មោះ Fast intelligence ដែល​សមស្រប​សម្រាប់​ការងារ​ដែល​ត្រូវ​ប្រើ​គំនិត និង​ការសម្រេចចិត្ត​ឆាប់រហ័ស ។

ដូច្នេះ​ដើម្បីឱ្យ​យើង​អាច​ប្រើប្រាស់​ខួរក្បាល​ឱ្យមាន​ប្រយោជន៍ និង​ប្រសិទ្ធភាព​បំផុត​នោះ យើង​គួររៀបចំ​គម្រោង​ការងា​រ​ដែល​ត្រូវ​ប្រើ​ខួរក្បាល​ខ្លាំង​នៅពេល​ព្រឹក (អំឡុងពេល ៣ ម៉ោង​ក្រោយ​ភ្ញាក់ពីដេក) និង​រៀបចំ​គម្រោង​ការងារ​ដែ​ល​ត្រូវ​ជួប​ប្រាស្រ័យ​ជាមួយនឹង​មនុស្ស​ទូទៅ​នៅ​ពេល​​រសៀល (១០ ម៉ោង​ក្រោយ​ភ្ញាក់ពីដេក) ។

ក្រៅបីនេះ​ដើម្បី​ថែរក្សា​ខួរក្បាល​យើង​ឱ្យមាន​ប្រសិទ្ធ​ភាពល្អ យើង​គួរ​ហាត់ប្រាណ​ប្រមាណ ១៥នាទី​រៀង​រាល់ពេល​ល្ងាច ។ ជាពិសេស​បំផុត​សម្រាប់​អ្នក​ដែល​ត្រូវ​ប្រើប្រាស់​ខួរក្បាល​ខ្លាំង​គួរតែ​ហាត់ប្រាណ​ជាប្រចាំ ព្រោះ​អ្នក​​ដែល​ប្រើ​ខួរក្បាល​ខ្លាំង ហើយ​ប្រើប្រាស់​សាច់ដុំ​តិច រមែង​កើតមាន​អាការ “Anxiety” ដែល​នឹង​វិ​វ​ឌ្ឍ​ទៅរក​អាការ​ឆ្អល់ពោះ ហើមពោះ ។ ដូច្នេះ​បើ​អ្នកជា​អ្នក​ប្រើ​ខួរក្បាល​ខ្លាំង​ត្រូវតែ​ហាត់ប្រាណ​ជា​ចាំបាច់ ដើម្បីឱ្យ​សាច់ដុំ​បានធ្វើ​ចលនា​មាន​តុល្យភាព​ជាមួយ​ខួរក្បាល ។

ការធ្វើឱ្យ​ខួរក្បាល​មាន​សម្ពាធ​ក្នុង​កម្រិត​ល្មម គឺជា​រឿង​ល​ល្អ តែ​មិន​គួរឱ្យ​វា​មាន​សម្ពាធ​ខ្លាំងពេក​ទេ ។​ អ្នក​ប្រើប្រាស់​ខួរក្បាល​ទាំងឡាយ​អាច​ត្រួតពិនិត្យ​ពិសោធ​មើល​សម្ពាធ​ខួរក្បាល​ថា ស្ថិតក្នុង​កម្រិត​តានតឹង​ខ្លាំងពេក ឬ​អត់​ដោយ​ពិនិត្យមើល​អាការ​ដូចតទៅ​នេះ៖ អាន​បន្ថែម…

ក្មេង​អាយុ​២ឆ្នាំ​ជក់​បារី​អស់​៤០ដើម​ក្នុង​មួយ​ថ្ងៃ

បាន​ដាក់​ប្រកាស​នៅ ថ្ងៃទី 2 ខែមិថុនា ឆ្នាំ 2010 មតិ 4

Gun smoke: Four-stone Ardi puffs one of 40 cigarettes he smokes a day while toting a water pistol

ខ្សែ​វីដេអូ​ថ្មី​មួយ បង្ហាញ​ពី​កុមា​រ​ឥណ្ឌូ​នេស៊ី​កំពុង​ជក់​បារី​បាន​ធ្វើ​ឱ្យ​ជំនាញ​ការ​សុខភាព​មាន​ការ​ភ្ញាក់​ផ្អើល​យ៉ាង​ខ្លាំង​ និង​បាន​បញ្ជាក់​ពី​រូបភាព​មួយ​ទៀត​នៃ​ការ​ញៀន​ថ្នាំ​កាន់​តែ​ខ្លាំង​របស់ប្រទេស​​នៅ​អាស៊ី​មួយ​នេះ។
បន្ទាប់​ពីខ្សែ​វីដេ​អូ​នេះ​ទាក់​ទាញ​ការ​ចាប់​អារម្មណ៍​ទូទាំង​ពិភព​លោក​ក្រុម​មន្ត្រី​ឥណ្ឌូនេស៊ី​បាន​និយាយ​ថា​ ឪពុក​ម្តាយ​របស់​ក្មេង​វ័យ​២ឆ្នាំ​ដែល​គេ​ឃើញ​កំពុង​ជក់​បារី​ក្នុង​ខ្សែ​វីដេអូ​ខ្លី​មួយ​ ដែល​ត្រូវ​បាន​ផ្សាយ​លើ​គេហទំព័រ​ The Sun ត្រូវ​ស្ថិត​ក្រោម​ការ​ស៊ើប​អង្កេត​។
កុមារ​សាច់​ទ្រលុក​ទ្រលន់ អាឌី រីហ្សាល់ សើច​ និង​ឆ្លើយ​តប​នឹង​សំនួរ​មនុស្ស​ពេញ​វ័យ​នៅ​ជុំវិញ​វា​​ខណៈ​វា​អង្គុយ​លើ​ឡាន​ប្លាស្ទិក​កង់បី​និង​បាន​បឺត​បារីយ៉ាង​យូរ​ខុស​ពី​ចង្វាក់​ដង្ហើម​ ។
ឪពុក​របស់​ក្មេង​នេះ​ ត្រូវ​បាន​គេ​រាយការណ៍​ថា បាន​ឱ្យ​វា​ជក់​បារី​ដំបូង​ នៅ​អាយុ​ ១៨ខែ ហើយ​ឥឡូវ​នេះ​ វា​ជក់​បារី​ ៤០ដើមក្នុង​មួយថ្ងៃ ។ ម្តាយ​របស់​វា​និយាយថា​ វា​ព្យាយាម​បោក​ក្បាល​នឹង​ជញ្ជាំង​រហូត​ដល់​វា​បាន​បារីជក់ ប៉ុន្តែ​ឪពុក​របស់​ក្មេង​នោះ​ទទួច​ថា វា​មាន​សុខភាព​ល្អណាស់ ។
មន្រ្តី​ក្រសួង​ការពារ​កុមារ​ បាននិយាយ​ថា គ្រួសារ​នេះ​នឹង​ត្រូវ​ធ្វើការ​ស៊ើប​អង្កេត​សម្រាប់​អ្វី​ដែល​គេ​យល់​ថា ជាករណី​រំលោភ​សិទ្ធិកុមារ​យ៉ាង​ច្បាស់​ក្រឡែតនៅ​ក្នុង​ប្រទេស​ជា​ច្រើន ។
នេះ​ជា​លើក​ទី​ ២ហើយ​ក្នុង​ឆ្នាំ​នេះ​ដែល​ឥណ្ឌូនេស៊ី​រង​ក្តី​អាម៉ាស​ដោយ​សារ​ការ​ផ្សាយ​ព័ត៌​មាន​បែប​នេះ​។
ខ្សែ​វីដេអូមួយទៀត​ដែល​ត្រូវ​បាន​ផ្សាយ​តាម​អ៊ីនធឺណិត​កាល​ពីខែ​មុន​បង្ហាញ​ពី​កុមារ​ឥណ្ឌូនេស៊ី​អាយុ​ប្រមាណ​៤ឆ្នាំ​ជក់​បារី​មូល​ស្លឹក។ អត្ថបទ​ AFP

ចំណាត់ក្រុម ៖សុខភាពនឹងជីវិត
%d bloggers like this: