បណ្ណសារ

Archive for the ‘ដំណើរកំសាន្តរបស់ខ្ញុំ’ Category

ដំណើរ​កំសាន្ត​ភ្នំពើង​តាណន់ ថ្ងៃអាទិត្យ​ទី​១០ ខែ​កញ្ញា ឆ្នាំ២០១៧

បាន​ដាក់​ប្រកាស​នៅ ថ្ងៃទី 10 ខែកញ្ញា ឆ្នាំ 2017 បញ្ចេញមតិ

ថ្ងៃ​នេះ​មាន​ដំណើរ​កំសាន្ត​ទៅ​រមណីយដ្ឋាន​ភ្នំពេើង​តាណន់​នា​ព្រឹក​ថ្ងៃអាទិត្យ​ទី​១០ ខែ​កញ្ញា ឆ្នាំ២០១៧​ដោយ​ជិះ​ម៉ូតូ​អស់​រយះ​ពេល​ជិត​ពីរ​ម៉ោង​ ។ ផ្លូវ​ក៏​លំបាក ថ្ងៃ​ក៏​ក្តៅ ដីក៏ហុយ 😀 ហើយនេះ​ក៏​ជាលើក​ទី​២​ហើយ​ដែរ​ ដែល​បាន​មក​លេង​នៅទី​នេះ​ ។

ទាក់​ទង​នឹង​រមណីយដ្ឋាន​មួយ​នេះ​គឺ​យើង​ត្រូវ​ធ្វើ​ដំណើរ​ពី​ទី​រួម​ខេត្ត​សៀមរាប​ចម្ងាយ​ប្រហែល​ ៧០គ.ម ទើប​ទៅ​ដល់​ភ្នំពើង​តាណន់​ដោយ​ចំណាយ​ពេល​ធ្វើ​ដំណើរ​ដោយ​​ម៉ូតូ​ប្រហែល​ជិត​២ម៉ោង។ ព្រោះ​ផ្លូវ​មាន​ការ​លំបាក ​និង​ទ្រុឌទ្រោម​អន្លើរៗ ដោយ​រមណីយដ្ឋាន​នេះ​ស្ថិត​នៅ​ក្នុង​ភូមិពាក់ស្នែង ស្រុកអង្គរជុំ ខេត្តសៀមរាប ។

អ្វី​ដែល​ជា​ទិដ្ឋភាព​ដ៏​ទាក់​ទាញ​ក្នុង​តំបន់​មួយ​នេះ​គឺ​ជា​ផ្ទាំង​ថ្ម​ធម្មជាតិ​ធំៗ​ជា​ច្រើន​រំលេច​ខ្លួន​ជា​មួយ​នឹង​ធម្មជាតិ​ខៀវ​​ស្រងាត់​ផ្សំ​បាន​ជា​ទេស​ភាព​ដ៏​គួរ​ឲ្យ​ទាក់​ទាញ​បំផុត ហើយ​ប្រសិនបើ​បាន​ធ្វើ​ដំណើរ​ទៅ​កំសាន្ត​នា​រដូវ​វស្សា​កាន់​តែ​ស្អាត​ថែម​ទៀត​ ព្រោះ​នៅអម​ដង​ផ្លូវ​មាន​ផ្កា​រីក​គួរ​ជា​ទី​គយគន់។

សូម​មើល​រូប​ភាព​ជា​ច្រើន​ទៀត៖

 

សូមមើលផងដែរ៖

Advertisements

សំណាងហើយបានជិះណូវីមុននឹងត្រូវគេបិទ

បាន​ដាក់​ប្រកាស​នៅ ថ្ងៃទី 5 ខែកញ្ញា ឆ្នាំ 2017 បញ្ចេញមតិ

កាលពីថ្ងៃទី ១១ ខែសីហា ខ្ញុំបានធ្វើដំណើរកំសាន្តទៅលេងខេត្តបាត់ដំបងហើយក៏មិនរំលងពីការជិះណូរីដែរព្រោះដឹងថាកន្លែង​ជិះ​ណូរី​ទេសចរណ៍​ក្នុង​ខេត្ត​បាត់ដំបង​នឹង​ត្រូវ​បិទ​ ខណៈ​រដ្ឋាភិបាល​កំពុង​ជួសជុល​ផ្លូវ​ដែក​ពី​ភ្នំពេញ​ទៅ​ព្រំដែន​ថៃ ដើម្បី​ដាក់​ឲ្យ​ដំណើរការ​នៅ​ឆ្នាំ​២០១៨។

ណូរីជាមធ្យោបាយដឹកជញ្ជូនអ្នកដំណើរ ទំនិញនិងអ្នកទេសចរណ៍ជាតិ អន្តរជាតិ។ ជារៀង​រាល់ថ្ងៃមានចរាចរណ៍យ៉ាងមមាញឹក ដែលមកដល់កាលពីមុនមានចំនួនជា ២០គ្រឿង ដែលរត់លើកំណាត់ផ្លូវដែកចន្លោះពីស្រុកសង្កែ ទៅស្រុកមោងឫស្សី។ ចំពោះលក្ខខណ្ឌ​នៃការធ្វើ​ដំណើរគឺនៅពេលដែលយានជំនិះប្រភេទទាំងនេះជួបគ្នាតាមផ្លូវ គេត្រូវសន្មត់លើទម្ងន់ បើអ្នក​ណាស្រាលជាងត្រូវលើកចេញពីផ្លូវដើម្បីឱ្យយានជំនិះដែលមានទម្ងន់ធ្ងន់ជាងធ្វើដំណើរទៅមុន។ ចំពោះភ្ញៀវអន្តរជាតិអាចចំណាយក្នុងការធ្វើដំណើរកំសាន្ត ដើម្បីមើលទេសភាពតាមដងផ្លូវ​រថភ្លើង ក្នុងម្នាក់ៗចាប់ពី ៥ទៅ ១០ដុល្លារ អាស្រ័យតាមការចរចាពីព្រោះនៅទីនោះគ្មានការលក់​សំបុត្រទេ​ ចំណែកខ្ញុំជិះអស់ ១០០០០រៀល 😀 ។

ប្រជាពលរដ្ឋខ្មែរមួយចំនួនត្រូវការណូរីធ្វើដំណើរតាមផ្លូវដែក ហើយភ្ញៀវទេសចរណ៍បរទេស​មួយចំនួនដែលបានទៅទស្សនាខេត្តបាត់ដំបងក៏និយមជិះលេងដែរ ដើម្បីធ្វើ​ដំណើរឆ្ពោះទៅកាន់គោលដៅជិតៗ​តាមបណ្តោយ​ផ្លូវដែកដ៏ចំណាស់នោះ វាគឺជារថភ្លើងឫស្សី ឬឡូរី គឺជាយាន​ជំនិះសាមញ្ញ​មួយធ្វើពីគ្រែ​រនាប​ឫស្សីទំហំ ១,៦ម៉ែត្រ គុណ៤ម៉ែត្រដាក់បន្តុប​ពីលើកង់​ដែកប្រើ ដោយកម្លាំងម៉ាស៊ីនធុនតូច​គឺជា​មធ្យោបាយចាំបាច់សម្រាប់រយៈចុង​ក្រោយ​នេះ

ឥឡូវនេះណូរីត្រូវបានបិទ​ជាស្ថាពរឈប់ឲ្យធ្វើ​ដំណើរ​ដឹកភ្ញៀវកំសាន្ត​ទៀតហើយព្រោះរដ្ឋាភិបាល​មាន​គម្រោង​ជួសជុល​ផ្លូវដែក​ប្រវែង​ប្រហែល​៣៨៦​គីឡូម៉ែត្រ ដែល​ធ្វើដំណើរ​ពី​ភ្នំពេញ​ទៅ​ព្រំដែន​ថៃ​។ ​ផ្លូវ​រថ​​ភ្លើង​នេះ រំពឹងថា​នឹង​ដំណើរការ​ឡើងវិញ នៅ​ខែមេសា ឆ្នាំ​២០១៨​។ សំណាងហើយដែលខ្ញុំ​បាន​មក​ជិះ​មុន​នឹង​ត្រូវ​គេ​បិទ 🙂 ៕

 

សូមមើលផងដែរ៖ ខ្ញុំថ្ងៃនេះ!

ខ្ញុំថ្ងៃនេះ!

បាន​ដាក់​ប្រកាស​នៅ ថ្ងៃទី 2 ខែមិថុនា ឆ្នាំ 2013 មតិ ១

463685_569631029726139_1597642404_o

Lundilay 02.06.2013

980317_492860734119236_2039331548_o

986970_10200665035782565_516561937_o

ថ្ងៃ​នេះ​ធ្វើ​​ជា​អ្នកស្ម័គ្រ​ចិត្ត​របស់​ JCI ដើម្បីអបអរសាទរ​ថ្ងៃ​ទិវារកុមារ​អន្តរជាតិ ។ ការ​ងារដែលខ្ញុំបាន​ធ្វើ​គឺលាបថ្នាំ​​ជញ្ជាំង​អគារ​សិក្សារ​ដែល​ចាស់​ទៅ​ហើយ​នោះ​ឲ្យ​ថ្មីឡើង​វិញ ដើ​ម្បី​ទុកឲ្យ​ក្មេង​ៗ​នៅ​ឯ​សាលា​បឋម​សិក្សា​ជ្រោយ​ចង្វារ​បាន​អគារ​ដែល​មើល​ទៅ​ថ្មី បន្ទប់​គួរ​ឲ្យ​ចង់រៀនជាង​មុន និង​មានសកម្មភាព​ជា​ច្រើនទៀត! 🙂 ថ្ងៃ​នេះ​ពិត​ជា​នឿយ​ហត់​ពេញមួយ​ថ្ងៃ តែ​សម្រាប់​ចិត្ត​វិញ​គឺ​មិន​នឿយ​ហត់​ទាល់​តែ​សោះ ព្រោះមាន​តែ​ការ​សប្បាយ​រីករាយ! 🙂

ជិះ​កង់លេង​នៅ​អង្គរ​

បាន​ដាក់​ប្រកាស​នៅ ថ្ងៃទី 13 ខែ​មេសា ឆ្នាំ 2013 មតិ ១

526497_498978406817264_720438240_n

ល្ងាច​ថ្ងៃ​នេះ​ជួប​ជុំ​មិត្ត​ភក្តិ​ទៅ​ជិះ​កង់​លេង​នៅ​តាម​ផ្លូវ​ ជិះ​ទៅ​អង្គរ​វត្ត ទៅ​ប្រាសាទ​បាយ័ន្ត​ លាន​ជល់​ដំរី ត្រលប់​មក​វិញ​ ហើយ​ទៅ​អង្គរ​ឃ្យុង​យូ… ។ នឹក​ស្រុក​នឹក​ស្រែ​ពេក មក​ដល់​ត្រូវ​ដើរ​លេង​ឲ្យ​ណា​ណី​ម្តង!! 😀

រីករាយឆ្នាំថ្មី!!!

ដំណើរ​កំសាន្ត​នៅ គិរី​រម្យ ថ្ងៃ ២៥/តុលា/២០១២

បាន​ដាក់​ប្រកាស​នៅ ថ្ងៃទី 25 ខែតុលា ឆ្នាំ 2012 បញ្ចេញមតិ

ថ្ងៃ​នេះ​បន្ទាប់​ពី​ត្រឡប់​មក​ពី​ភ្ជុំ​បិណ្ឌ​នៅ​សៀម​រាប​វិញ និង​បន្ទាប់​ពី​ថ្ងៃ​កាន់​ទុក្ខ​ព្រះ​មហា​វីរក្សត្រ​មក​ក៏​ចង់​ដើរ​ស្រូប​យក​ខ្យល់​អាកាស​បន្តិច ព្រោះ​ស្រ្តេស​ក្នុង​ខួរ​ក្បាល​ពេក ។ ថ្ងៃ​នេះ​ទៅ​លេង​គិរី​រម្យ ចំ​ថ្ងៃ​ព្រហស្បត្តិ័​គឺ​មិន​សូវ​មាន​មនុស្ស​ទៅ​លេង​នោះ​ទេ ស្ងាត់​ល្អ​ដល់​ហើយ 🙂

ស្លាយដ៍សូវ៍​នេះ​ត្រូវការ JavaScript។

ទៅលេងឌ្រីមលែន ២៤ កញ្ញា ២០១២

បាន​ដាក់​ប្រកាស​នៅ ថ្ងៃទី 25 ខែកញ្ញា ឆ្នាំ 2012 បញ្ចេញមតិ

នៅ​ថ្ងៃ​ច័ន្ទ​ទី ២៤ អាទិត្យ​នេះ ជា​ថ្ងៃ​សម្រាក ក៏​គិត​បបួល​គ្នា​ដើរ​លេង និង​ទៅ​ញ៉ាំ​អី​ជួប​ជុំ​គ្នា​ម្តង ព្រោះ​រវល់​តែ​រៀន​រាង​ៗ​ខ្លួន​គ្មាន​ពេល​បាន​ជួប​ជុំ​គ្នា​សោះ ។ ក្នុង​រូប​នេះ​គឺ​សុទ្ធ​តែ​ជា​មិត្ត​ភ័ក្តិ​ចាស់​ៗ ដែល​រៀន​នៅ​វិទ្យា​ល័យ​ជា​មួយ​គ្នា ហើយ​មក​បន្ត​ការ​សិក្សា​នៅ​ភ្នំពេញ​ជា​មួយ​គ្នា​ទៀត ។ រក​ពេល​ទំនេរ​បាន​ហើយ ដល់​ថ្ងៃ​ណាត់​ជួប​ ក៏​ជិះ​ម៉ូតូ​ទៅ​ឌ្រីម​លែន​​លេង​ព្រោះ​ស្រីៗ​គេ​ចង់​ទៅ​នឹង​ ហើយ​ប្រុស​ៗ​ក៏​យល់​ស្រប​តាម​ដែរ ព្រោះ​ផ្តល់​សិទ្ធ​ឲ្យ​នារី​ជា​អ្នក​សម្រេច​ចិត្ត​ចុះ 😀 ។ តែ​អនិច្ចា​រ មេឃ​មិន​អំណោយ​ផល​សោះ ជិះ​ទៅ​ដល់​ភ្លាម​ធ្លាក់​ភ្លៀង​តែ​ម្តង ហេសហេ… យ៉ាប់​មែន​តែ​ហ្មង​ហើយ ត្រូវ​នៅ​អង្គុយ​ចាំ​ភ្លៀង​រាំង តែ​វា​មិន​ព្រម​រាំង​សោះ ក៏​ដើរ​មើល​នេះ​មើល​នោះ​ក្នុង​ឌ្រីម​លែន​ទាំង​ហាល​ទឹក​​ភ្លៀង​ទាំង​អស់​គ្នា ។ ចេញ​ពី​ឌ្រីម​លែន​គិត​ថា​ចូល​ទៅ​ញ៉ាំ​អី​នៅ​ផ្តុំ​ផ្សារ​អូឡាំ​ពិក តែ​ភ្លៀង​កាន់​តែ​ខ្លាំង​ ធ្វើ​ឲ្យ​ម្នាក់​ៗ សើម​ជោក ហើយ​មិន​អាច​ចូល​ហាង​ញ៉ាំ​អី​បាន​​ទេ ព្រោះ​សើម​សំលៀក​បំពាក់​អស់ ​ហើយក៏​សម្រេច​ចិត្ត​ជិះ​ទៅ​ផ្ទះ​រៀង​ៗ​ខ្លួន​ទៅ ។

ទៅ​ដល់​ផ្ទះ​មិន​បាន​ស្រួល​បួល​ផង គេ​ក៏​ខល​ហៅ​ទៅ​ញ៉ាំ​អី​នៅ​ KFC ទៀត ខ្ញុំ​ឯណេះ​សុខ​ចិត្ត​ជិះ​ទៅ​ទាំង​នៅ​ភ្លៀង​កំពុង​ធ្លាក់​ស្រិច​ៗ ដោយ​ហេតុ​តែ​ចង់​ជួប​ជុំ​គ្នា​ ព្រោះ​មិន​ងាយ​បាន​ជួប​គ្នា​នោះ​ទេ ។ គិត​ហើយ​លើក​ក្រោយ​ៗ​រក​ពេល​វេលា​ឲ្យ​ល្អ​ជាង​នេះ ព្រោះ​លើក​នេះ​អាកាស​ធាតុ​មិន​អំណោយ​ផល​ដល់​ការ​ជួប​ជុំ​មិត្ត​ភ័ក្តិ​ដែ​ល​រាប់​អាន​គ្នា​​ជា​យូរួ​យារ​ណាស់​មក​ហើយ​សោះ 😀 ។

ហេហេ… ជិះ​កង់​ទៅ​ផ្ទះ​វិញ​ 😀

ថ្ងៃ​អាទិត្យនៅ​លើ​ភ្នំ​ជីសូរ

បាន​ដាក់​ប្រកាស​នៅ ថ្ងៃទី 25 ខែមិថុនា ឆ្នាំ 2012 មតិ 2

ដំណើរកំសាន្តលំហែរខួរក្បាលថ្ងៃអាទិត្យទី ២៤ ខែ មិថុនា នៅខេត្តតាកែវ ភ្នំជីសូរ ។

ស្លាយដ៍សូវ៍​នេះ​ត្រូវការ JavaScript។

%d bloggers like this: