បណ្ណសារ

Archive for the ‘គំនិតរបស់ខ្ញុំ’ Category

មកលេងនៅក្រុង Pattaya

បាន​ដាក់​ប្រកាស​នៅ ថ្ងៃទី 23 ខែ​មីនា ឆ្នាំ 2018 បញ្ចេញមតិ

ថ្ងៃ​នេះ ២៣ ខែមីនា ២០១៨ ខ្ញុំ​នឹង​ពូមីងដែល​បាន​ស្គាល់​គ្នា​ដោយ​ចៃដន្យ​នៅ​បាងកក​បាន​ជួល​ឡាន​តាក់ស៊ី​មួយ​ធ្វើ​ដំណើរ​ពី​បាងកក​ទៅ​លេង​នៅ​ប៉ាតាយ៉ា។ ការ​ធ្វើ​ដំណើរ​ពីបាងកក​ប្រហែល​ជិត ២ម៉ោង​ទើប​ទៅ​ដល់​នៅ​ទីនេះ​មិន​ស្អាត​ជាង​កំពង់​សោម​ស្រុក​ខ្មែរ​ប៉ុន្មាន​ទេ 😀 ចំណែក​ឯ​ឆ្នេរ​សមុទ្រ​វិញ​ចាញ់​កំពង់​សោម​ដាច់។

បន្ទាប់​ពី​ដល់​ប៉ាតាយ៉ា​ហើយ​ក៏​បាន​បន្ត​ទៅ​ទស្សនា​នៅ​សួន Nongnooch Garden and Resort នៅទីនេះ​ពិត​ជា​ធំណាស់​ដើរ​មើល​មួយ​ថ្ងៃ​មិនអស់​ទេ 😀
ខាង​ក្រោម​នេះ​គឺ​ជា​រូប​ខ្លះ​ៗ​នៅ​ Nongnooch:

បន្ទាប់​ពី​ញ៉ាំ​បាយ​ជា​ប្រភេទបូហ្វេ​នៅ​ Nongnooch រួច​មក​ខ្ញុំ​ក៏​បាន​ធ្វើ​ដំណើរ​ទៅ​មើល​រូបព្រះពុទ្ធរូប​​ដែល​ឆ្លាក់​នៅ​លើ​ភ្នំ​

ជា​ចុង​ក្រោយ​នេះ​ចូល​ទៅ​កំសាន្ត​នៅ​ Silver Garden ចំការ​ទំពាំង​បាយ​ជូរ​ នៅ​ទី​នេះ​មាន​ចំការ​ទំពាំង​បាយ​ជូរធំ ហើយ​ទេសភាព​ស្រស់​ស្អាត​ខ្យល់​អាកាស​បរិសុទ្ធ​គួរ​ឲ្យ​ចង់​គយគន់
ខាង​ក្រោម​នេះ​គឺ​ជា​រូប​ភាព​របស់​ខ្ញុំ៖

បន្ទាប់​​ពី​ទស្សនា​​អស់​​ហើយ​​ក៏​​បាន​ធ្វើ​​ដំណើរ​​ត្រឡប់​​មក​​កាន់​​ទី​ក្រុង​​បាងកក​​​វិញ​​​ដោយ​​​សុត្ថិភាព​ ។
រាត្រី​​​សួស្តី​​​ពី​​ទី​​ក្រុង​​​បាងកក 😀 ស្អែក​​នេះ​​មិន​​ដឹង​​ទៅ​​ណា​​ទៀត​​ទេ កំពុង​ដេក​​រក​​នឹក​​សិន!!

អត្ថបទទាក់ទង៖ មកដើរ​លេង​កណ្តាលទីក្រុងបាងកក

សូមមើលផងដែរ៖

Advertisements

ទើបតែទិញកាមេរ៉ាថ្មី

បាន​ដាក់​ប្រកាស​នៅ ថ្ងៃទី 24 ខែមករា ឆ្នាំ 2018 បញ្ចេញមតិ

ថ្ងៃនេះទើប​តែ​ទិញ​កាមេរ៉ាថ្មីមួយជាប្រភេទ Action Camera (Yi Lite) ក្នុងតម្លៃ ១២៩ដុល្លារ + Selfie Stick គ្រាន់ទុក​ថតពេល​ដើរ​លេង​ ព្រោះ​វា​ភាព​ងាយ​ស្រួល ថត​រូប​ ថត​វីដូអូ​បាន​ច្បាស់​ល្អ និង​មាន​រូប​រាង​តូច​ងាយ​ស្រួល​យក​តាម​ខ្លួន និង​មាន​តម្លៃ​ថោក​សមរម្យ។

កាមេរ៉ា​នេះ​បំពាក់​មក​នូវ​អេក្រង់​ទំហំ​ ២អ៊ីញជា​ប្រភេទ LCD ហើយ​មាន​កាមេរ៉ា​ថត​ទំហំដល់ទៅ 16MP បំពាក់​កែវឡែនរបស់ Sony Exmor R CMOS BSI ដែល​អាច​ថត​បាន​ទំហំ​មុំ 150˚ ultra wide angle lens និងមាន aperture f/២.៨ ។ ហើយ​វា​បំពាក់​មកជាមួយ​ថ្ម​កំលាំង 1200mAh ដែល​អាច​ឲ្យ​យើង​ថត​វីដេអូ​បាន​រហូត​ជិត​៣ម៉ោង ហើយនិង​មាន​ភ្ជាប់​ Wifi និង Bluetooth ផងដែរ។
ចំពោះ​ការ​ថត​វា​ដេអូវិញអាច​ថត​ដល់​កំរិត 1080p ក្នុង 60fps និងដល់​ 4K ក៏បានដែរ ។

មុន​នឹង​សម្រេច​ចិត្ត​ថា​ទិញ​ខ្ញុំ​បាន​ឆែក​មើល​លក្ខណៈ​សម្បត្តិ​របស់​វា និង​តម្លៃ​ថា​វា​សមរម្យ​ហើយ​អាច​ទទួល​យក​បាន​ក្នុង​កម្រិត​ថវិការ​ដែល​ខ្ញុំ​ចង់​ចំណាយ​ហើយ មិន​បង្អង់​យូរ​ទេ គឺ​ខល​ទៅ​ទិញ​ភ្លាមតែ​ម្តង 😀

DCIM

សូមមើលផងដែរ៖

ដំណើរកំសាន្តនៅប្រាសាទសម្បូរ​​ព្រៃគុក​ថ្ងៃទី០៤ ខែមករា ឆ្នាំ២០១៨

បាន​ដាក់​ប្រកាស​នៅ ថ្ងៃទី 4 ខែមករា ឆ្នាំ 2018 បញ្ចេញមតិ

ថ្ងៃ​នេះ​បាន​ធ្វើ​ដំណើរ​ដោយ​ការ​ជិះ​ម៉ូតូ​ពី​សៀមរាប​ទៅ​លេង​ដល់​កំពង់ធំ​ចំណាយ​ពេល​អស់​ជិត​២ម៉ោង​ទើប​ទៅ​ដល់ ហើយ​ក៏​បាន​ចូល​ទៅ​លេង​ប្រាសាទ​សម្បូរ​​ព្រៃគុក​​ផង​ដែរ​។​ ប្រាសាទ​សំបូរ​ព្រៃគុក​ដ៏​ល្បីល្បាញ​ធ្លាប់​ជា​អតីត​រាជធានី​ឈ្មោះ ឥសានបុរៈ ជា​ក្រុង​បុរាណ​មួយ​ដែល​មាន​ប្រាសាទ​ថ្ម​ដុត​ប្រមាណ​ជាង ៣០០ ។ ប្រាសាទ​នេះ​សាងសង់​ឡើង​ក្នុង​អំឡុង​រជ្ជកាល​ព្រះបាទ​ ឦសានវរ្ម័ន នៅ​សតវត្សរ៍​ទី​ ៧ នៅ​ពេល​ដែល​ទ្រង់​ផ្សះផ្សា​បាន​ដោយ​ជោគជ័យ​រវាង​ចេនឡា​គោក និង​បូរណភាព​ទឹកដី​ខ្មែរ​ដី​ទឹក​នៃ​ចេនឡា​ទឹក​។ ដោយមានចម្ងាយ៣០គីឡូម៉ែតទៅភាគខាងជើង ឬ២០៦គីឡូម៉ែតពីខាងជើងរាជធានីភ្នំពេញ។ ប្រាសាទសម្បូរព្រៃគុកគ្របដណ្តប់ទៅដោយព្រៃឈើ ហើយបានក្លាយជាទីកន្លែងដែលទាក់ទាញអ្នកទេសចរទៅកម្សាន្តផងដែរ។

 

ប្រាសាទសម្បូរ​​ព្រៃគុក​ជា​រាជធានី​នៃ​អាណាចក្រ​ចេនឡា​មាន​លក្ខណៈ​ពិសេស​ជាច្រើន ដែល​ខុស​ប្លែ​ក​ពី​ប្រាសាទ​នា​នា។​ តួ​ប្រាសាទ​របស់​ប្រាសាទ​នេះ ភាគ​ច្រើន​កសាង​អំពី​ឥដ្ឋ និង​មាន​តួ​រហូត​ទៅ​ដល់ ៨ ជ្រុង ដែល​មិន​មាន​ទេ​ក្នុង​សិល្បៈ​ខ្មែរ​សម័យ​ក្រោយ និង​នៅ​តាម​ប្រទេស​ដទៃ​ក្នុង​តំបន់​អាស៊ីអាគ្នេយ៍​ក្នុង​សម័យ​កាល​នោះ​។ បើ​និយាយ​ពី​ចម្លាក់​វិញ ត្រូវ​បាន​អ្នក​សិក្សា​ស្រាវ​ជ្រាវ អះអាង​ថា មាន​លក្ខណៈ​ខ្មែរ​ច្រើន​ជាង​ឥណ្ឌា បើទោះ​ជា​កាល​ពី​សម័យ​មុន​កម្ពុជា​ទទួល​ឥទ្ធិពល​ពី​ឥណ្ឌា​ក៏​ដោយ។ ចំណែក​គំរូ​ស្ថាបត្យកម្ម ចម្លាក់​តុប​តែង​លម្អ​លើ​ជញ្ជាំង និង​ផ្តែរ​ទ្វារ​ជា​ប្រភព​ព័ត៌មាន​ដ៏​សំបូរ​បែប​ពី​គំនិត និង​ជំនឿ​នៃ​ការ​ប្រណិប័តន៍​បត្តិសាសនា​នា​សម័យ​ចេន​ឡា​។

​អ្នក​សិក្សា​ស្រាវជ្រាវ បាន​ចុះ​បញ្ជី​ប្រាសាទ និង​រចនា​សម្ព័ន្ធ​សំណង់​ប្រាសាទ​ចំនួន​ជិត​៣០០ ក្នុង​តំបន់រមណីយដ្ឋាន​សំបូរ​ព្រៃ​គុក។ ដែល​មាន​បួន​ក្រុម​ធំ​គឺ ប្រាសាទ​របង​រមាស ប្រាសាទ​រណប កំពែង​ក្រុង និង​ក្រុម​ប្រាសាទ​សំខាន់​ បី​ទៀត គឺ​ប្រាសាទ​សំបូរ យាយ​ព័ន្ធ និង​ប្រាសាទ​តោ។ ក្រុម​ប្រាសាទ​ទាំងនោះ​ សាង​សង់​ឡើង​ដើម្បី​ឧទ្ទិស​ដល់​ព្រហ្មញ្ញ​សាសនា​។

ប្រាសាទ​សំបូរ​ព្រៃគុក​ត្រូវ​បាន​អង្គការ​យូណេស្កូ​ដាក់​បញ្ចូល​ក្នុង​បញ្ជី​បេតិកភណ្ឌ​ពិភពលោក​ក្នុង​កិច្ចប្រជុំ​លើក​ទី ៤១ របស់​ខ្លួន​នៅ​ទីក្រុង Krakow ប្រទេស ប៉ូឡូញ កាលពី​ថ្ងៃ​ទី​ ៨ ខែ​កក្កដា ឆ្នាំ​ ២០១៧ ​។
ខាងក្រោមនេះ​ជា​បណ្តុំ​រូប​ភាព​ខ្លះ​ៗ​ដែល​ខ្ញុំ​បាន​ថត​ដោយ​ផ្ទាល់៖ អាន​បន្ថែម…

ទាញយកបទចម្រៀងថៃថ្មីៗ

បាន​ដាក់​ប្រកាស​នៅ ថ្ងៃទី 14 ខែមករា ឆ្នាំ 2017 បញ្ចេញមតិ

ថ្ងៃ​នេះ​ចង់​បង្ហាញ​ពី​វែប​សាយ​មួយ​សម្រាប់​ទាញ​យក​បទ​ចម្រៀង​ថៃ​ថ្មី​ៗ ។ សម្រាប់​អ្នក​ដែល​ចូល​ចិត្ត​ស្តាប់​បទ​ចម្រៀង​ថៃ ​ហើយ​មាន​បំណង​ចង់​ទាញ​យក​បទ​ថ្មី​ៗ​មក​ស្តាប់​នោះ​សូម​មើល​ការ​ណែនាំ​ខាង​ក្រោម​នេះ។ សូម​ចូល​ទៅ​វែប​សាយ​មួយ​នេះ MP3DOWNLOADFREE2

untitledq

វែប​សាយ​មួយ​នេះ​ប្រមូល​ផ្តុំ​ទៅ​ដោយ​បទ​ចម្រៀង​ជា​ច្រើន សម្រាប់​ឲ្យ​លោក​អ្នក​ដោន​ឡូត​ដោយ​ឥត​គិត​ថ្លៃ ។

នៅ​ទី​នេះ​មាន​តំណ​សម្រាប់​ទាញ​យក​ជា​ច្រើន តែ​សម្រាប់​ខ្ញុំ​គឺ​ខ្ញុំ​ចូល​ចិត្ត​ទាញ​យក​តាម​តំណ Solidfiles.com ព្រោះ​វា​លឿន​ ។
untitledaa

របៀប​ទាញ​យក​ចម្រៀង ភាពយន្ត និងឯកសារផ្សេង​ៗ ដោយប្រើទូរសព្ទដៃ

បាន​ដាក់​ប្រកាស​នៅ ថ្ងៃទី 22 ខែធ្នូ ឆ្នាំ 2016 បញ្ចេញមតិ

សួស្តី​អ្នក​ទាំង​អស់​គ្នា​ ថ្ងៃ​នេះ​ទើប​តែ​បាន​ចូល​មើល​ប្លក់​មួយ​នេះ​ព្រោះ​អី​បាន​ទុក​វា​ចោល​ជិត​មួយ​ឆ្នាំ​ហើយ​មិន​ដែល​មក​អើត​សោះ​។ ​ហើយ​ក៏​ឆ្លៀត​ពេល​សរសេរ​ប្រកាស់​មួយ​ដើម្បី​ជា​ការ​ចែក​រំលែក​ដល់​អ្នក​ទាំង​អស់​គ្នា ។ តើ​អ្នក​ទាំង​អស់​គ្នា​ដែល​កំពុង​ប្រើប្រាស់​ទូរសព្ទ​ដៃ​ដែល​ប្រើ​ប្រព័ន្ធប្រតិបត្តិការ Android ហើយ​ចង់​ទាញ​យក​បទ​ចម្រៀង​ ភាព​យន្ត នឹង​ឯក​សារ​ផ្សេង​ៗ​ពី Torrent បាន​ដោយ​ងាយ​ស្រួល​នឹង​រហ័ស​ដែរ​ទេ?

ពេល​នេះ​ខ្ញុំ​នឹង​ធ្វើ​ការ​ណែនាំ​អំពី​កម្មវិធី​មួយ​ដែល​ដំណើរ​ការ​លើ​ប្រព័ន្ធប្រតិ្តការ Android កម្ម​វិធី​នោះ​មាន​ឈ្មោះ​ថា “FrostWire” ​វា​មាន​ភាព​ងាយ​ស្រួល​ក្នុង​ការ​ស្វែង​រក​ឯកសារ​ផ្សេង នឹង​ការ​ទាញ​យក។

ខាង​ក្រោម​ជា​ការបង្ហាញ​អំពីរបៀបប្រើប្រាស់កម្មវិធីមួយនេះ៖
១. មុន​ដំបូង​សូម​ដំឡើង​កម្មវិធី​នេះ​លើទូរសព្ទ​ដៃ​របស់​នេះ ដោយ​ចូល​ទៅ​ក្នុង Playstore ហើយ​ដំឡើង​វា​ជា​ការ​ស្រេច ។

screenshot_2016-12-21-19-33-14

២. បន្ទាប់ពីទាញយកហើយសូមបើកម្មវិធីចុច Search ដើម្បីស្វែងរកអ្វីដែលយើងចង់ទាញយក អាន​បន្ថែម…

ធ្វើឲ្យ​ហ្គេម Clash of Clans អនឡាញទោះបីជា​មិន​បានលេង​ក៏ដោយ!

បាន​ដាក់​ប្រកាស​នៅ ថ្ងៃទី 4 ខែធ្នូ ឆ្នាំ 2014 មតិ 12

Untitled

ចូល​ខែ​ថ្មីហើយ ចង់សរសេរ​ប្រកាស​មួយ​ទៀត​ជួន​មិត្តអ្នក​ដែល​តែ​ង​តែ​ចូល​មើល​ប្លក់​មួយ​នេះ​ជា​ប្រចាំ ។ ថ្ងៃ​នេះ​ចង់​រៀបរាប​អំពី របៀប​ធ្វើ​ឲ្យ​ហ្គេម​ Clash of Clans អនឡាញបាន​ទោះបីជា​យើង​មិន​បាន​លេង​ក៏​ដោយ!

បើ​អ្នក​ទាំង​អស់​គ្នា​ចង់​ឲ្យ​ហ្គេមមួយ​នេះ Online រហូត​នោះសូម​អនុវត្តន៍​តាម​វិធី​ខាង​ក្រោម​នេះ។

តម្រូវ​ការ​ត្រូវ​មាន៖
+ Computer or Latop
+ Mobile phone or iPad or Tablet

បន្ទាប់​មក​សូម​តម្លើង​កម្មវិធី​មួយ​ចំនួន​នៅ​លើ​កុំព្យូរទ័រ​របស់​អ្នក

+ Bluestack៖ កម្មវិធី​នេះ​គឺ​វា​ដូច​ជា​ប្រព័ន្ធ​ប្រតិបត្តិការ​ក្នុង​ទូរស័ព្ទ​​មួយ​អ៊ីចឹង ​មាន​លក្ខណៈដូច​ Android ដែល​អាច​ឲ្យ​យើង​តំឡើង​កម្មវិធី លេង​ហ្គេម​របស់​ទូរសព្ទបាន ។ ហើយ​យើង​អាច​ចូល​ទៅ​ Google Play ដើម្បី​ដោនឡូត​ហ្គេម App ជាច្រើនប្រភេទ និយាយ​ឲ្យ​ចំអ្វី​ដែល​ទូរសព្ទ ​ដែល​ប្រើប្រព័ន្ធប្រតិបត្តិការ​ Android អាច​តំឡើង​បាន គឺ​កម្មវិធី Bluestacks នេះ​អាច​តំឡើង​បាន​ទាំង​អស់​ដូច​គ្នាដែរ ។

+ Free Mouse Auto Clicker: កម្មវិធីនេះ​សម្រាប់​ជួយ​ធ្វើ​ឲ្យ​ហ្គេម Clash of Clans ដែល​ដំណើរ​ការ​នៅ​លើ Bluestack នៅ​តែ​ Online ព្រោះវា​នឹង​ Click ដោយ​ស្វ័យ​ប្រវត្តិតាមរយៈ​ពេល​ដែល​យើង​បាន​កំណត់​ណា​មួយ ។

ពេលតំឡើង​កម្មវិធីទាំង​អស់​នេះ​រួច​រាល់​ហើយ សូម​បើក Bluestacks ហើ​យ Install ហ្គេម Clash of Clans រួច​បើក​ដំណើរហ្គេម។
បន្ទាប់មក​បើក​កម្មវិធី Free Mouse Auto Clicker ហើយកំណត់ចំនួន​វិនាទីដែល​ចង់​ឲ្យ​វាចុច​ដោយ​ស្វ័យប្រវត្តិ ។

ពេលអ្នក​ឈប់លេងគឺគ្រាន់តែបើក Clash of Clans នៅ​លើ bluestack រួច​ហើយ ដំណើរ​ការ Auto click រួច​ទុកចោល
>>> ហ្គេម Clash of Clans របស់​យើង​នៅតែ Online ហើយគ្មានអ្នកណាអាច Raid យើង​បាន​នោះ​ទេ!

សូមមើលផងដែរ៖ ខ្ញុំ​លេង​ហ្គេម Clash of Clans

អាន​បន្ថែម…

​ខ្ញុំ​លេង​ហ្គេម Clash of Clans

បាន​ដាក់​ប្រកាស​នៅ ថ្ងៃទី 3 ខែវិច្ឆិកា ឆ្នាំ 2014 មតិ 8

Screenshot_2014-11-01-05-39-11

Clan របស់ខ្ញុំ Full

ថ្ងៃនេះ​ចង់​សរសេរ​ប្រកាស​មួយ​ទាកទង​នឹង​ការ​លេង​ហ្គេម​បន្តិច​ ហាហា  😀 រាល់​ថ្ងៃ​នេះ​រវល់​ណាស់​រវល់​ជា​មួយ​នឹង​ហ្គេម Clash of Clans លេង​ឡើង​ភ្លេច​ដេក​ភ្លេច​ពួន​​ ។
ខ្ញុំ​លេង​បានប្រហែល​បីបួន​ខែ​ហើយ ហេហេ គិតថា​ញៀន​តិចៗ​ដែរ ចេះ​តែ​លេង​ដើម្បីបំបាត់​ការ​អផ្សុក​តែប៉ុណ្ណោះ ។

តើ​អ្នក​ទាំង​អស់​គ្នា​ចូល​ចិត្ត​លេង​ហ្គេម​នេះ​ដែរ​ទេ? បើ​ចូល​ចិត្ត​លេង​ ខ្ញុំ​នឹង​ប្រាប់​វិធីសាស្រ្តដើម្បី Find Loots ឲ្យ​ឆាប់​បាន​ ។ ខាង​ក្រោម​នេះ​ខ្ញុំ​នឹង​រៀបរាប់​អំពី app មួយ​ដែរ​​ជួយ​​​ឲ្យ​​​អ្នក​​អាច​​កំណត់​ការ​​ស្វែង​​រក Gold នឹង Elixir បាន​ដោយ​ស្វ័យ​ប្រវត្តិ មិន​ចំបាច់​ចំណាយ​ពេល​អង្គុយចុចទៀត​នោះទេ ។ ខ្ញុំ​បាន​ប្រើប្រាស់ App មួយនេះ​ហើយ ឃើញ​ថា​វា​មាន​ភាព​ងាយស្រួល​មែន​ទែន ក៏​យក​មក​ចែក​រំលែក​ ដល់​អ្នក​ដែល​ចូល​ចិត្ត​លេង​ហ្គេម Clash of Clans នេះដើម្បីឲ្យបានដឹង ។

កម្មវិធីនេះ​មាន​ឈ្មោះ​ថា XModGames គឺ​អាច​ប្រើបាន​ទាំង​នៅ​លើប្រព័ន្ធប្រតិបត្តិការ iOS នឹង Android៖ អាន​បន្ថែម…

%d bloggers like this: