ប្លក់ ឡាយ ឡង់ឌី

នៅក្នុងឱកាស បុណ្យចម្រើនព្រះជន្មវស្សា ព្រះករុណាជាអម្ចាស់ ជីវិតតម្កល់លើ

ត្បូង ទូលបង្គំសូមក្រាបថ្វាយព្រះពរ សូមព្រះអង្គមានព្រះជន្មាយុយឺនយូរ

ព្រះបញ្ញាញាណវាងវៃ ព្រះរាជសុខភាពមាំមួន ដើម្បីគង់នៅជាម្លប់ ដ៏ត្រជាក់

ក្សេមក្សាន្ត នៃអាណាប្រជានុរាស្រ្តរបស់ព្រះអង្គ ទូទាំងព្រះរាជាណាចក្រកម្ពុជា

កុំបីឃ្លៀងឃ្លាតឡើយ ៕

------------------------------------------

*****ពាក្យស្លោកប្រចាំថ្ងៃ*****

តើអ្នកចង់ ដឹងថា ប្រាសាទបូរាណរបស់ខ្មែរដែលនៅក្នុងទឹកដីសៀមសព្វថ្ងៃមានប្រាសាទអ្វីខ្លះ?
VISIT WEBSITE: WWW.GORUPA.COM
==========================================================================

ពីប្រេងឆៅក្លាយមកជាប្លាស្ទិក

បានដាក់ប្រកាសនៅ ថ្ងៃទី 18 ខែមេសា ឆ្នាំ 2012 Lundi Lay បញ្ចេញមតិ

ចាប់តាំងពីមានការរកឃើញវិធីសំយោគប្លាស្ទិកនៅចុងសតវត្សរ៍ទី ១៩ មក នាំឲ្យមានបដិវត្តន៍វត្ថុប្រើប្រាស់ទូទាំងពិភពលោកតែម្តង ។ សព្វថ្ងៃនេះប្រដាប់ប្រដាក្មេងលេងភាគច្រើនឧបករណ៍កីឡា និងសម្ភារៈប្រើប្រាស់ផ្សេងៗសុទ្ធសឹងតែមានគ្រឿងផ្សំពីប្លាស្ទិកភាគច្រើនទេ ព្រោះប្លាស្ទិកអាចនាំមករំលាយចាក់ពុម្ពធ្វើជារូបផ្សេងៗបានលឿននិងងាយស្រួល ព្រមទាំងមានតម្លៃថោក ។ ប្លាស្ទិកមានគុណសម្បត្តិមិនរលាយក្នុងទឹក និងមិនពុករិចរឹល ទើបស័ក្តិសមយកមកប្រើជាវត្ថុប្រើប្រាស់ក្រៅផ្ទះជាទីបំផុត ដូចជាទុយោ ទឹកបង្កប់ក្នុងដី ឬ ផើងផ្កាជាដើម ។

ប្រសិនបើយើងបោះចោលឧបករណ៍ប្រើប្រាស់ដែលជាប្លាស្ទិកទាំងអស់ចេញពីក្នុងផ្ទះ យើងប្រហែលជានៅសល់របស់ក្នុងផ្ទះមិនច្រើនមុខទេ ។ យើងប្រហែលជាមិនសល់កម្រាលព្រំ ទូរស័ព្ទ ទូរទស្សន៍ ឬកុំព្យូទ័រឡើយ ។ អ្នកសាកគិតទៅមើលមានឧបករណ៍អ្វីខ្លះដែលផលិតពីប្លាស្ទិក ដូចជាប័ណ្ណក្រេឌីត ព្រិលសិប្បនិម្មិត ឬសូម្បីតែក្រដាសប្រាក់ដែលមានប្រើប្រាស់ក្នុងប្រទេសអូស្ត្រាលីសព្វថ្ងៃនេះ ។
ពាក្យថា “ប្លាស្ទិក” សំដៅដល់វត្ថុដែលមនុស្សសំយោគចេញពីវត្ថុធាតុដើមពីរប្រភេទគឺ កាបួន និង អ៊ីដ្រូសែន ហើយនៅពេលគេបន្ថែមសារធាតុពិសេសអ្វីម្យ៉ាងចូលទៅទៀត នឹងធ្វើឲ្យប្លាស្ទិកមានគុណសម្បត្តិពិសេសផ្សេងៗទៀត ដូចជាជាប់រឹង ធន់នឹងកម្តៅ រអិល រលោង និងអាចយឺតយារបាន ។ យើងអាចសំយោគផលិតប្លាស្ទិកប្រភេទផ្សេងៗបានជាច្រើនអនេក ដោយការបន្ថែមសារធាតុគីមីផ្សេងៗក្នុងអត្រានិងកម្មវិធីផ្សេងៗពីគ្នា ។ អ្នកវិទ្យាសាស្រ្តក៏កំពុងព្យាយាមអភិវឌ្ឍន៍ប្លាស្ទិកឲ្យកាន់តែមានគុណសម្បត្តិល្អប្រសើរឡើងថែមទៀត ដូចជារឹងមាំស្មើដែកថែបអាចការពារទឹកបានដូចកញ្ចក់ ហើយមានតម្លៃថោកដូចក្រដាស ។

ប្លាស្ទិកផ្គុំឡើងដោយម៉ូលេគុលខ្នាតធំហៅថា ប៉ូលីម៊ែរ (Polymer) ដែលកើតពីម៉ូលេគុលខ្នាតតូចភ្ជាប់គ្នាជាសរសៃវែងដូចខ្សែច្រវាក់ ។ សរសៃម៉ូលេគុលទាងអស់នេះវេញឆ្វាក់ចូលគ្នា ទើបធ្វើឲ្យប្លាស្ទិកមានសភាពរឹងមាំ ហើយទម្រាំតែទាញសរសៃម៉ូលេគុលនេះចេញពីគ្នាបាន គេត្រូវប្រើកម្លាំងខ្លាំងគួរសម ។ ប្លាស្ទិកភាគច្រើនចាត់ទុកក្នុងប្រភេទ ថឺរម៉ូប្លាស្ទិក (Thermoplastics) ដែលនៅពេលត្រូវកម្តៅប្រមាណ ២០០ អង្សា សេ សរសៃម៉ូលេគុលរបស់វានៅតែគង់វង្សសភាពដើមដដែល ដោយគ្រាន់តែញែកខ្លួនឃ្លាតចេញពីគ្នាល្មមតែអាចរំកិលមកត្រួតគ្នាបាន ឡើងវិញម្តងទៀត ។ ដូច្នេះហើយទើបយើងអាចនាំយកប្លាស្ទិកប្រភេទនេះមករំលាយនិងចាក់ពុម្ពជាថ្មីឡើងវិញម្តងហើយម្តងទៀតជានិច្ច ។ នៅពេលប្លាស្ទិកត្រជាក់វានឹងមានរូបរាងថ្មីដែលរឹងមាំដូចដើម ។ ចំណែកប្លាស្ទិកដែលត្រូវកម្តៅម្តងហើយតែងបាត់បង់គុណសម្បត្តិនៃការផ្លាស់ប្ដូររូបរាងនោះមិនអាចនាំយកមករំលាយប្រើប្រាស់ឡើងវិញទេ ។ ប្លាស្ទិកប្រភេទនេះហៅថា ថឺរម៉ូសិតធិង ប្លាស្ទិក (Thermosetting Plastics) ។

យន្តការដែលធ្វើឲ្យម៉ូលេគុលខ្នាតតូចមកបន្តភ្ជាប់ចូលគ្នារហូតដល់មានខ្នាតធំនេះត្រូវបានគេហៅថា ប៉ូលីម៊ែររូបនិយតកម្ម (Polymerization) ឬការបង្កើតឡើងនូវ ប៉ូលីម៊ែរដែលមានភាពខុសប្លែកគ្នាទៅតាមប្រភេទនៃប្លាស្ទិក តែក៏ត្រូវពឹងពាក់ទៅលើសម្ពាធខ្លាំង និងកាតាលីករ (Catalyst) ឬសារធាតុបង្កឲ្យឆាប់កើតមានប្រតិកម្មគីមី ដើម្បី Read more…

ចំណាត់ក្រុម ៖គួរយល់ដឹង, ចំណេះទូទៅ, ចំណេះដឹង, វប្បធម៌ទូទៅ

ជ្រុងមួយនៃជីវិតពិតរបស់ Hitler (អ៊ីទ្លែរ)

បានដាក់ប្រកាសនៅ ថ្ងៃទី 17 ខែមេសា ឆ្នាំ 2012 Lundi Lay មតិ ១

ថ្វីបើអ៊ីទ្លែរលាចាកលោកច្រើនឆ្នាំមកហើយ តែឆាកជីវិតរបស់គាត់បានក្លាយជារឿង ដែលគេរើសយកមកនិយាយទាំងក្នុងផ្លូវល្អនិងមិនល្អ ។ លក្ខណៈនៃការសិតសក់សំយុងគ្របថ្ងាសដូចណាប៉ូឡេអុង និងភ្ជាប់ពុកមាត់មួយកញ្ចុំដូចតារាកំប្លែងពិភពលោកឆាលី ស្ហែបព្លីន (ហ្សាក់ឡូ) បានក្លាយជានិមិត្តរូប នៃភាពផ្តាច់ការមួយដ៏គួរឲ្យញាក់សាច់ ។

ការពិតអ៊ីទ្លែរ ពុំមែនជាជនជាតិអាល្លឺម៉ង់ទេ គាត់កើតនៅប្រទេសប៉ូឡូញ តែមកស្វែងរកភ័ព្វសំណាងនៅប្រទេសអាល្លឺម៉ង់ ដោយចាប់ផ្តើមអាជីពដំបូងជាវិចិត្រករគំនូរប្រេង ។ ឪពុករបស់អ៊ីទ្លែរធ្វើការនៅក្នុងនាយកដ្ឋានពន្ធដារ ។ កំពូលបុរសផ្តាច់ការនេះពុំធ្លាប់មានបំណងចង់ធ្វើនយោបាយទេ ប៉ុន្តែការបានចូលរួមច្បាំងឲ្យប្រទេសអាល្លឺម៉ង់ ក្នុងសង្គ្រាមលោកលើកទី១ ហើយប្រទេសនេះចាញ់សង្គ្រាមបានធ្វើឲ្យអ៊ីទ្លែរផ្លាស់ប្ដូរចិត្ត ។ គាត់បានចាប់ផ្តើមស្អប់ជនជាតិជ្វីហ្វ ព្រោះគាត់យល់ថា អាល្លឺម៉ងចាញ់សង្រ្គាមដោយសារត្រូវជនជាតិជ្វីហ្វលបចាក់ពីក្រោយខ្នង ។ ជាមួយគ្នានោះដែរ អ៊ីទ្លែរ ក៏កើតមានមហិច្ឆតាចង់ស្ថាននាអាណាចក្រអាល្លឺម៉ង់សារជាថ្មីវិញ ទើបធ្វើឲ្យគាត់ខិតខំប្រមូលផ្តុំបក្សពួក បង្កើតជាគណបក្សណាហ្ស៊ីអ៊ីទ្លែរឡើង ហើយខិតខំហ្វឹកហាត់ទេពកោសល្យខ្លួនឯង ជាពិសេសក្នុងផ្នែកនិយាយ ។ អ៊ីទ្លែរ អាចនិយាយឲ្យអ្នកស្តាប់អណ្ដែតអណ្ដូងតាមដូចត្រូវមន្តសណ្តំ ។ ពាក្យសម្តីរបស់គាត់ក្តៅរោលរាលដូចអគ្គី ។ មហិច្ឆតារបស់គាត់បានទទួលជោគជ័យយ៉ាងល្អ ក្នុងដំណាក់កាលដំបូងដោយអាចរំដោះប្រទេសអាល្លឺម៉ង់ពីបរាជ័យ ឲ្យងើបឈរឡើងវិញជាថ្មី ។ ប៉ុន្តែដោយសារស្រេកឃ្លានចង់គ្រប់គ្រងពិភពលោកធ្វើឲ្យអាណាចក្ររ៉ែស៍ទី៣ និងបក្សពួករបស់គាត់ត្រូវរលំរលាយយ៉ាងជូរចត់ ។ ឆាកជីវិតចុងក្រោយមុនពេលធ្វើអត្តឃាត អ៊ីទ្លែរត្រូវរងទុក្ខលំបាកជាមួយនឹងជំងឺក្រពះ ។

ឆាកជីវិតរបស់អ៊ីទ្លែរ ត្រូវប្រវត្តិសាស្ត្រពិភពលោកលាតត្រដាងច្រើនណាស់មកហើយ តែអ្នកប្រហែលជាពុំបានដឹងនូវអាថ៌កំបាំងខ្លះ នៃជីវិតរបស់កំពូលជនផ្តាច់ការនេះទេ ។ តើមានអ្វីទៅដែលធ្វើឲ្យអ៊ីទ្លែរក្លាយជាជនពោរពេញដោយមហិច្ឆតាយ៉ាងលីលាបែបនេះ? ជំហានចាប់ផ្ដើមដែលនាំឲ្យជីវិតអ៊ីទ្លែរផ្លាស់ប្តូរគឺស្រ្តី ។ ជីវិតរបស់ អ៊ីទ្លែរ មានការពាក់ព័ន្ធនឹងស្រ្តីជាច្រើននាក់ ហើយស្ត្រីដែលពាក់ព័ន្ធជាមួយអ៊ីទ្លែរទាំងអស់សុទ្ធសឹងតែជួបប្រទះនូវហេតុអកុសលទាំងអស់ ។ ម្តាយរបស់អ៊ីទ្លែរ ឈ្មោះក្លារ៉ា មានកូនទាំងអស់ ៧នាក់ ដោយកូន៤នាក់ស្លាប់តាំងពីនៅតូចៗ ហើយកូនម្នាក់ទៀតល្ងីល្ងើមិនពេញលក្ខណៈរហូតត្រូវលាក់លៀមមិនឲ្យគេឃើញ ។ ការរៀបការរបស់ម្តាយអ៊ីទ្លែរ មិនបានពេញមុខពេញមាត់តាមប្រពៃនោះទេ រហូតដល់សម្តេចប៉ាបត្រូវលោះបាបឲ្យម្តាយរបស់អ៊ីទ្លែរ ដោយផ្ទាល់ខ្លួនទៀតផង ។ អាពាហ៍ពិពាហ៍របស់ម្តាយអ៊ីទ្លែរ ជាមួយនឹងសាច់ញាតិជិតស្និទ្ធ ធ្វើឲ្យអ៊ីទ្លែរបារម្ភខ្លាចឈាមរបស់គាត់មិនបរិសុទ្ធ ។ ដូច្នេះហើយ ទើបគាត់ត្រូវប្រើឈ្លើង និងវិធីដទៃទៀត ដើម្បីបឺតឈាមចេញ ។ យាយរបស់ហ៊ីទ្លែរ (ម្តាយខាងឪពុក) ឈ្មោះអែនណា ម៉ារៀ គឺជាស្រីបម្រើក្នុងផ្ទះរបស់ជនជាតិជ្វីហ្វ ហើយខូចខ្លួនញឹកញាប់ជាមួយកូនប្រុសម្ចាស់ផ្ទះ ។ យាយរបស់អ៊ីទ្លែរពុំបានរៀបការទេ តែក៏បានសម្រាលកូនប្រុសដែលជាឪពុករបស់អ៊ីទ្លែរ ឈ្មោះអាឡូអ៊ីស ។

នៅពេលដែលទាហានសូវៀត សម្រុកចូលទៅរកសាកសពរបស់អ៊ីទ្លែរ ដែលបានសម្លាប់ខ្លនរួមជាមួយបក្សពួកនោះ គ្រូពេទ្យជនជាតិសូវៀតបានពិនិត្យសាកសព និងរាយការណ៍ថា “ពងស្វាសអ៊ីទ្លែរ ដែលត្រូវភ្លើងរោល តែគង់វង្សសាកភាពយ៉ាងល្អនោះ មានតែគ្រប់ពងខាងស្តាំប៉ុណ្ណោះ ឯគ្រាប់ខាងឆ្វេងរកពុំឃើញនោះទេ” ។ នេះជាការរកឃើញអាថ៌កំបាំងមួយទៀតដែលថាអ៊ីទ្លែរកើតមកមានពងស្វាសតែម្ខាងតែប៉ុណ្ណោះ ៕

សូមមើលផងដែរ៖

បណ្តារបកគំហើញដែលបានពីភាពចៃដន្យ

ប្រភពដើមនៃរបកគំហើញប្លែកៗ

ចំណាត់ក្រុម ៖គួរយល់ដឹង, ចែករំលែកបន្តគ្នា, ចំណេះទូទៅ, ភាពជាអ្នកដឹកនាំ, វប្បធម៌ទូទៅ

ប្រភពដើមនៃរបកគំហើញប្លែកៗ

បានដាក់ប្រកាសនៅ ថ្ងៃទី 17 ខែមេសា ឆ្នាំ 2012 Lundi Lay មតិ 2

* សន្លឹកបៀ

ប្រភពដើមចេញពីទីក្រុង វីនីស ប្រទេសអ៊ីតាលី (ឆ្នាំ ១៣៩២) ប្រទេសបារាំង (ឆ្នាំ ១៣៧៩) និងប្រទេសចិន (ឆ្នាំ ១៣៧៩ ក្នុងរជ្ជកាលសុង) ។ ប្រភពដើមនៃការបង្កើតសន្លឹកបៀនេះ គឺមានភាពច្របូកច្របល់បន្តិច ប៉ុន្តេបើផ្អែកតាមឯកសារស្រាវជ្រាវបានបញ្ជាក់ថា គឺមានតែទីក្រុងវីនី ប្រទេសអ៊ីតាលី ប្រទេសបារាំង ប្រទេសចិន ប៉ុណ្ណោះទេ ដែលបានរកឃើញល្បែងបៀនេះ គណនាទៅតាមប្រតិទិន ព្រោះក្នុងបៀមួយហ៊ូមាន ៥២សន្លឹក ដែលតំណាងឲ្យ ៥២សប្តាហ៍ក្នុងមួយឆ្នាំ ។ ចំពោះសន្លឹកបៀទឹកប៊ិច កឺ ជួង និង ការ៉ូ គឺតំណាងឲ្យរដូវទាំងបួន គឺ និទាឃរដូវ វស្សានរដូវ សរទរដូវ និងសិសិររដូវ ហើយក្នុងទឹកបៀនីមួយៗមាន ១៣សន្លឹក ដែលតំណាងឲ្យ ១៣ សប្តាហ៍ក្នុងមួយរដូវ ។

* Greenwich Time (ម៉ោងសាកល)

ប្រភពដើមចេញពីប្រទេសអង់គ្លេស នាឆ្នាំ ១៨៥៨ ដំណើរនៃការកកើតគឺការកំណត់ប្រើម៉ោងសកលមានជាប់ទាក់ទងទៅនឹងរឿងក្តីក្តាំ ក្នុងករណីនៃរឿងជម្លោះដណ្តើមទឹកដី ។ បើតាមគម្រោងរឿងក្តីក្តាំនេះគឺត្រូវបើកធ្វើសវនាការនៅវេលាម៉ោង ១០ ព្រឹក ប៉ុន្តែឈានដល់ម៉ោង ១០ និង ៦ នាតីទៅហើយក៏មិនទាន់ឃើញគូវិវាទម្ខាងទៀតចូលមកបង្ហាញខ្លួន ទើបចៅក្រមកាត់ក្តីបានប្រកាស់ឲ្យគូវិវាទម្ខាងទៀតដែលមកមិនទាន់ពេលវេលាចេញក្តី ។ ពីរនាទីក្រោយមកស្រាប់តែមានការប្រែប្រួលឡើងវិញ ព្រោះអ្នកដេលមកយឺតនោះមកកាន់សាលាជំនុំក្តី ព្រមទាំងបានប្រកែកថាខ្លួនពុំបានមកយឺតឡើយ ។ ជននោះបានបញ្ជាក់ថា ដោយសារតែខ្លួនគេបានធ្វើដំណើរតាមរថភ្លើង ហើយបើតាមម៉ោងនៅក្នុងស្ថានីយរថភ្លើងរបស់ស្រុកគាត់ គឺគាត់ប្រាកដជាអាចមកទាន់មុនកាលកំណត់ ដូច្នេះហើយទើបចៅក្រមសម្រេចធ្វើការជំនុំជម្រះក្តីសាជាថ្មី ។ ក្នុងពេលនោះដែរ ដើម្បីចៀសវៀងកុំឲ្យករណីបែបនេះកើតឡើងសាជាថ្មីទៀត ទើបនៅក្នុងឆ្នាំ ១៨៨០ រដ្ឋសភាអង់គ្លេសបានកំណត់យកម៉ោងសាកលធ្វើជាម៉ោងសម្រាប់ប្រើប្រាស់ឯកភាពគ្នាទូទាំងប្រទេស ។ ក្រោយៗមកក៏មានបណ្តាប្រទេសដទៃទៀតកំណ់ត់យកម៉ោងសាកលនេះធ្វើជាពេលវេលាអន្តរជាតិ ។

* ចុះរន្ធនៅលើក្រដាសតែមប្រៃសណីយ៍

ប្រភពដើមចេញពីប្រទេសអង់គ្លេស នាឆ្នាំ ១៨៤៥ គឺកាលពីសម័យដើម ការលក់តែមប្រៃសណីយ៍នៅប្រទេសអង់គ្លេស គឺគេលក់តែបួនដប់ជាប់គ្នានៅក្នុងក្រដាស់មួយសន្លឹកតែម្តង ដូច្នេះមុននឹងផ្ញើសំបុត្រស្នាមតម្រូវឲ្យអ្នកប្រើប្រាស់ប្រើកន្រ្តៃដើម្បីកាត់សន្លឹកតែមទៅតាមសេចក្តីត្រូវការ ។ រហូតមកដល់ឆ្នាំ ១៨៤៨ មានអ្នកទេសចរម្នាក់អង្គុយផឹកស្រានៅក្នុងតៀមស្រាបណ្តើរ និងសរសេរសំបុត្របណ្តើរ ក្រោយពេលសរសេរសំបុត្រចប់ ជននោះក៏បានយកក្រដាសតែមប្រៃសណីយ៍ទាំងដុលមួយសន្លឹកធំបម្រុងនឹងកាត់យកតែ ២-៣ សន្លឹកតែប៉ុណ្ណោះ ។ ប៉ុន្តែខណៈនោះគាត់ភ្លេចដាក់កន្ត្រៃមកតាម តែដោយមានភាពឈ្លាសវៃ ជននោះក៏ប្រើដង្កាប់ចោះប្រហោងដែលដាក់មកតាមខ្លួន ហើយក៏ចោះរន្ធនៅតាមគែមតែមដើម្បីងាយស្រួលក្នុងការហែក ។ ប៉ុន្តែការរកឃើញក្នុងផលប្រយោជន៍ក្នុងមុខជំនួញនេះ គឺពុំមែនជាអ្នកទេសចររូបនោះឡើយ តាមពិតគឺជាជនជាតិអង់គ្លេសម្នាក់ឈ្មោះ ហង់រី ដែលបានរកឃើញ និងលួចចម្លង Read more…

ចំណាត់ក្រុម ៖ចែករំលែកបន្តគ្នា, ចំណេះទូទៅ, វប្បធម៌ទូទៅ

បណ្តារបកគំហើញដែលបានពីភាពចៃដន្យ

បានដាក់ប្រកាសនៅ ថ្ងៃទី 16 ខែមេសា ឆ្នាំ 2012 Lundi Lay មតិ 5

* Penicillin (ថ្នាំផេនីស៊ីលីន)

ថ្ងៃមួយក្នុងឆ្នាំ ១៩២៨ លោកគ្រូពេទ្យ Alexander Fleming សញ្ជាតិអង់គ្លេសកំពុងតែឆ្កឹះឆ្កៀលក្នុងបន្ទប់ពិសោធន៍ ស្រាប់តែមានបន្ទះមួយដុះផ្សិតពេញបានហើរតែលតោល និងធ្លាក់នៅលើថាសធ្វើពីកញ្ចក់ដែលអ្នកវិទ្យាសាស្រ្តរូបនោះកំពុងប្រើប្រាស់ ។ ថាសនោះត្រូវបានគេដាក់មេរោគម្យ៉ាងឈ្មោះថា Staphylococcus ។ បើគ្មានខួរក្បាលសង្កេតច្បាស់លាស់ទេនោះលោក Fleming ប្រាកដជាយកដៃទៅចាប់យកបន្ទះនោះចេញ ដែលអាចធ្វើឲ្យខូចខាតដល់ការពិសោធន៍ ក៏ប៉ុន្តែលោកបានសង្កេតឃើញថា មេរោគក្នុងថាសនោះបែរជាមិនវិវត្តទៅមុខនៅពេលវានៅក្បែរបន្ទះដុះផ្សិតនោះ ។ តាមការពិសោធន៍ក្រោយៗមកទៀតគាត់យល់ឃើញថា ផ្សិត Penicillium notatum អាចសម្លាប់មេរោគបានមួយចំនួនហើយវាក៏មិនមានប្រតិកម្មបន្ទាប់បន្សំអ្វីដែរ នៅពេលយកទៅពិសោធន៍លើសត្វកណ្តុរ ទន្សាយ និងមនុស្ស ។ រហូតដល់ឆ្នាំ ១៩៣៩ លោក Howard Flory និង Ernst Chain នៅសាកលវិទ្យាល័យ Oxford បានធ្លាប់ចេញដោយជោគជ័យនូវសារជាតិផ្សិតនោះពីបន្ទះដែលវាទុំលើ ដោយដាក់ឈ្មោះថា Penicillin ។ នេះជាប្រភេទថ្នាំអង់ទីប៊ីយូទីកដ៍ លើកដំបូងរបស់មនុស្សដែលអាចប្រើសម្លាប់មេរោគបាន និងជួយសង្រ្គោះអ្នកជំងឺបានរាប់លាននាក់ឲ្យរួចផុតពីសេចក្តីស្លាប់ ។ ឆ្នាំ ១៩៤៥ អ្នកទាំងបីខាងលើនេះសុទ្ធតែបានទទួលរង្វាន់ណូប៊ែលដោយសារតែបន្ទះឈើដុះផ្សិត ដែលហើរចេញពីតូបលក់បាយនៅទល់មុខបន្ទប់ពិសោន៍របស់លោក Fleming ។

* Nylon (នីឡុង)

អ្នកវិទ្យាសាស្រ្តគីមីម្នាក់ឈ្នោះ Wallace Hume Carothers នៃក្រុមហ៊ុន Du Pont បានយកចិត្តទុកដាក់ស្រាវជ្រាវទៅលើសរសៃប៉ូលីម៉ែរ (Polymer) មួយចំនួនអាចយកមកច្នៃជាអំបោះដ៏ជាប់និងអាចយឺតឬរួមបាន ។ បណ្តាមិត្តរួមការងាររបស់លោក Carothers ខ្វះការតស៊ូក៏ចាកចេញពីបន្ទប់ពិសោធន៍ដោយកាន់កំណាត់កែវបំពង់សាក និងរត់ចេញមកក្រៅបន្ទប់ដោយមានទាំងយកចំណែក Polyester កំពុងឆេះចេញមកជាមួយទៀតផង ។ គាត់មានការភ្ញាក់ផ្អើលចំពោះភាពទន់អាចពត់បាននិងភាពយឺតរបស់វាមុនពេលវាដាច់ចេញពីគ្នា ។ ក៏ប៉ុន្តែជាតិ Polyester ឆាប់ឆេះណាស់ជាហេតុមិនអាចយកទៅធ្វើជាក្រណាត់បាន ។ ក្រោយមកបណ្តាគីមីវិទូរបស់ក្រុមហ៊ុន Du Pont ក៏បានសាកល្បងដោយជោគជ័យនូវសារធាតុ Polyamide និង Nylon ។ តាំងពីពេលនោះមក ស្រោមជើងធ្វើអំពីជាតិ Nylon ក៏ចាប់កំណើតឡើង និងមកជំនួសនូវស្រោមជើងធ្វើអំពីសាច់សូត្រ ។ តាំងពីនោះមកដែរក្រុមហ៊ុន Du Pont ក៏កើបបានប្រាក់ចំណេញយ៉ាងក្រាស់ក្រែល ក្នុងពេលដែលសង្គ្រាមលោកលើកទី ២ ផ្ទុះឡើង ក្រុមហ៊ុន Du Pont ក៏បានផ្លាស់ប្តូរមកផលិតសម្លៀកបំពាក់កងទ័ពដែលធ្វើអំពីសាច់ក្រណាត់ Nylon វិញម្តងដើម្បី Read more…

ចំណាត់ក្រុម ៖ចែករំលែកបន្តគ្នា, ចំណេះទូទៅ, វប្បធម៌ទូទៅ

Amazing Quotes

បានដាក់ប្រកាសនៅ ថ្ងៃទី 14 ខែមេសា ឆ្នាំ 2012 Lundi Lay បញ្ចេញមតិ

ចំណាត់ក្រុម ៖ចំណេះទូទៅ

កម្មវិធីទូរសព្ទ “NASA’s Earth-Now”

បានដាក់ប្រកាសនៅ ថ្ងៃទី 25 ខែមីនា ឆ្នាំ 2012 Lundi Lay មតិ ១

ទីភ្នាក់ងារគ្រប់គ្រងអាកាសចរណ៍វិទ្យា និងអវកាស របស់សហរដ្ឋអាមេរិក (NASA) បានបង្កើតកម្មវិធីមួយសំរាប់ iPhone, iPod touch និង iPad ដែលមានឈ្មោះថា NASA’s Earth-Now ។ NASA’s Earth-Now គឺជាកម្មវិធីដែលអាចឲ្យយើងមើលឃើញទិន្ន័យថ្មីៗរបស់បរិយាកាសភពផែនដីពីផ្កាយរណបវិទ្យាសាស្រ្តផែនដី (Earth Science Satellite) រួមទាំងសីតុណ្ហភាពខ្យល់នៅខាងក្រៅ កាបូនឌីអុកស៊ីត កាបូនម៉ូណូអុកស៊ីត អូសូន និងចំហាយទឹក ក៏ដូចជាកម្លាំងទំនាញដី ហើយនិងការប្រែប្រួលកម្រិតទឹកសមុទ្ទផងដែរ ។

បើសិស្ស និស្សិត ព្រមទាំងអស់លោកអ្នក ដែលចង់ទទួលបានចំណេះដឹង អំពីបរិយាកាសផែនដី សូមចុចតំណខាងក្រោមដើម្បីទាញយកកម្មវិធីនេះ (សូមបញ្ជាក់៖ កម្មវិធី NASA’s Earth-Now នេះអាចប្រើប្រាស់បានតែនៅលើ iPhone, iPod touch និង iPad តែប៉ុណ្ណោះ) ។

ចុចតំណនេះដើម្បីទាញយក៖ http://itunes.apple.com/us/app/earth-now/id494633346?mt=8&ls=1

ប្រភពពី៖ U.S. Embassy Phnom Penh, Cambodia

សូមមើលផងដែរ៖ កម្មវិធីសំរាប់ទូរសព្ទ “Amazing Ocean”

ចំណាត់ក្រុម ៖កម្មវិធី (PC + Mobile), ទាញយក

កែប្រែមុខមាត់របស់អ្នកទៅជា Avatar :))

បានដាក់ប្រកាសនៅ ថ្ងៃទី 23 ខែមីនា ឆ្នាំ 2012 Lundi Lay បញ្ចេញមតិ

តើអ្នកទាំងអស់គ្នាចង់ប្រែមុខមាត់ទៅជា Avatar ដែរឬទេ? យើងដឹងហើយថា Avatar គឺជាខ្សែភាពយន្តហូលីវូតមួយដែលល្បីល្បាញជាងគេលើពិភពលោក ហើយតួអង្គក្នុងរឿង Avatar ក៏មានភាពល្បីល្បាញណាស់ដែរ ដូច្នេះបើអ្នកចង់មានមុខល្បីដូច Avatar អ្នកអាចកែប្រែមុខមាត់បានជាមួយ Avatarize Yourself ។

Avatarize Yourself គឺជាវែបសាយឥតគិតថ្លៃមួយដែលអាចធ្វើការប្រែមុខរបស់អ្នកទៅជាលក្ខណៈ Avatar ។ អ្នកក៏អាចផ្ទុករូបភាពពីកុំព្យូទ័រ ឬក៏ទំព័រហ្វេសប៊ុករបស់អ្នកទៅកាន់ Avatarize Yourself បន្ទាប់ពីនោះកែតម្រូវរូបរាងទម្រង់មុខមាត់នៃរូបភាពរបស់អ្នករហូតទាល់តែមុខរបស់អ្នកមានលក្ខណៈស្រដៀងទៅនឹងលក្ខណៈរូប Avatar ពិតៗ ។ អ្នកអាចបង្កើតនូវជម្រើសផ្លាស់ប្តូរភេទបានផងដែរ គឺវាមានជាលក្ខណៈរូបរាងមុខ Avatar “ស្រី” និងរូបរាងមុខ Avatar “ប្រុស” ហើយអ្នកក៏អាចផ្លាស់ប្តូរផ្ទៃខាងក្រោយនៃរូបភាពតាមដែលអ្នកពេញចិត្តបានផងដែរ ។ អ្នកក៏អាចចែករំលែករូបភាព Avatar របស់អ្នកតាមរយៈបណ្តាញសង្គមផ្សេងៗ អ៊ីមែល និងតាមរយៈ URL ឬក៏អាចទាញយករូបនោះទុកមើលលេងក៏បានដែរ ស្រេចតែចិត្តចង់ ។

សូមចូលទៅកាន់វែបសាយ http://www.avatarizeyourself.com/ ពេលនោះអ្នកនឹងបានឃើញដូចរូបដែលបង្ហាញដូចខាងក្រោមនេះជាពុំខានឡើយ…!!!!

ចំណាត់ក្រុម ៖គ.អ៊ីនធ័រណិត

អត្ថបទ ថ្មីជាង អត្ថបទ ចាស់ជាង

	Dimang Hour លើ បម្លែងមេម៉ូរីកាតពីទំហំ 1GB …
	ហែម សុខជា លើ លេង Chat ហ្វេសប៊ុកដោយប្រើ O…
	បង្កើនល្បឿនអ៊ីនធ័រ… លើ លេង Chat ហ្វេសប៊ុកដោយប្រើ O…
	របៀប Update status ន… លើ បន្ទាន់សម័យ Facebook Group S…
	របៀប Update status ន… លើ បញ្ចូលទឹកប្រាក់ទូរស័ព្ទដោយ…

ប្លក់ ឡាយ ឡង់ឌី

ពីប្រេងឆៅក្លាយមកជាប្លាស្ទិក

ជ្រុងមួយនៃជីវិតពិតរបស់ Hitler (អ៊ីទ្លែរ)

ប្រភពដើមនៃរបកគំហើញប្លែកៗ

បណ្តារបកគំហើញដែលបានពីភាពចៃដន្យ

Amazing Quotes

កម្មវិធីទូរសព្ទ “NASA’s Earth-Now”

កែប្រែមុខមាត់របស់អ្នកទៅជា Avatar :))

តាមដានតាមរយៈអ៊ីមែល

Other Links to:

អត្ថបទ ពេញនិយម

ចំនួនប្រកាសតាមខែនីមួយៗ

ការបញ្ចេញមតិរបស់អ្នកទស្សនា

Agence universitaire de la Francophonie

My tweet

ការគ្រប់គ្រង់

Follow “ប្លក់ ឡាយ ឡង់ឌី”

ចែករំលែកប្រកាសនេះ៖

Like this:

ចែករំលែកប្រកាសនេះ៖

Like this:

ចែករំលែកប្រកាសនេះ៖

Like this:

ចែករំលែកប្រកាសនេះ៖

Like this:

ចែករំលែកប្រកាសនេះ៖

Like this:

ចែករំលែកប្រកាសនេះ៖

Like this:

ចែករំលែកប្រកាសនេះ៖

Like this:

តាមដាន​តាមរយៈ​អ៊ីមែល

Other Links to:

អត្ថបទ​ ពេញនិយម

ចំនួន​ប្រកាស​តាម​ខែនីមួយៗ

ពពក ចំណាត់ក្រុម

ការ​បញ្ចេញ​មតិ​របស់​អ្នក​ទស្សនា

Agence universitaire de la Francophonie

ការ​គ្រប់គ្រង់

Follow “ប្លក់ ឡាយ ឡង់ឌី”

តាមដានតាមរយៈអ៊ីមែល

អត្ថបទ ពេញនិយម

ចំនួនប្រកាសតាមខែនីមួយៗ

ការបញ្ចេញមតិរបស់អ្នកទស្សនា

ការគ្រប់គ្រង់