ប្លក់ ឡាយ ឡង់ឌី

បង្កើនល្បឿនទូរស័ព្ទដែលប្រើប្រព័ន្ធស៊ីមបៀន S60 និង S40

Lundi Lay — Sun, 19 Feb 2012 11:16:37 +0000

សួស្តីអ្នកទាំងអស់គ្នា!! ថ្ងៃនេះខ្ញុំសូមណែនាំអំពីវិធីធ្វើឱ្យទូរស័ព្ទដែលប្រើប្រាស់
ប្រព័ន្ធប្រតិបត្តិការស៊ីមបៀន S60 និង S40 ដំណើរការបានយ៉ាងលឿនជាទីបំផុត ។
ដោយសារក្នុងពេលបច្ចុប្បន្នសម័យទំនើបនេះ អ្វីគ្រប់យ៉ាងកំពុងដំណើរការយ៉ាងលឿនរហ័ស
គ្រប់គ្នាចង់បានល្បឿនលឿនក្នុងការរស់នៅរបស់ពួកគេ ប៉ុន្តែប្រសិនបើទូរស័ព្ទដែលអ្នកកំពុង
ប្រើប្រាស់រាល់ថ្ងៃដំណើរការយឺតវិញនោះ តើអ្នកមានអារម្មណ៍ធុញធប់ណាស់មែនទេ?
ប៉ុន្តែខ្ញុំមានដំណោះស្រាយមួយ ដែលទើបតែរកឃើញអំពីវិធីបង្កើនល្បឿនឱ្យលឿនបាន ។ ខ្ញុំពិតជាភ្ញាក់ផ្អើលខ្លាំងណាស់ជាមួយវិធីនេះហើយខ្ញុំគិតថាចង់យកមកចែករំលែកនៅក្នុងប្លក់របស់ខ្ញុំ
សម្រាប់អ្នកទាំងអស់គ្នាគ្រាន់បានជាចំណេះដឹងផ្នែកទូរស័ព្ទខ្លះៗ ។ វិធីខាងក្រោមនេះគឺខ្ញុំបានសាកល្បងរួចហើយ
គឺថាវាដំណើរការ ១០០ ភាគរយជាមួយទូរស័ព្ទ Nokia N70 របស់ខ្ញុំ ហើយខ្ញុំសង្ឃឹមថាវាដំណើរការគ្រប់ទូរស័ព្ទទាំងអស់ដែលប្រើប្រាស់ប្រព័ន្ធស៊ីមបៀន S60 និង S40 ទៅចុះ ។

នៅក្នុងវិធីនេះគឺយើងត្រូវបង្កើត “to-dos” ថ្មីចំនួនពីដូចខាងក្រោម៖

១) អ្នកត្រូវមានទូរស័ព្ទដៃ Nokia ដែលដំណើរការដោយប្រព័ន្ធប្រតិបត្តិការ S60 ឬក៏ S40 ។

២) ចូលទៅកាន់កម្មវិធី “to-do”

3) ពេលចូលទៅកាន់កម្មវិធី “to-do” ហើយសូមបង្កើតនូវ “to-do” note ថ្មីមួយ ។ សូមបំពេញដូចរូបខាងក្រោមនេះ

4) បន្ទាប់មកបង្កើត “to-do” note ថ្មីមួយទៀត សូមបំពេញដូចរូបខាងក្រោមនេះ

បន្ទាប់ពីបំពេញក្នុង “To-do” note នីមួយៗរួចរាល់ហើយសូមចុច “Done” ប៉ុន្តែសូមកុំបិទកម្មវិធី “To-do” នោះឱ្យសោះ ។

៥.) សូមចុច: “Options”

៦.) ជ្រើសយក Mark as done ចំពោះ “Speed” បន្ទាប់មកទៀត Mark as done ចំពោះ “Quokie” ។

៧.) បន្ទាប់មកទៀតអ្នកអាចបិទ “To-do” នេះបាន ។

សូមបញ្ជាក់៖ ទូរស័ព្ទដែលដំណើរការដោយប្រព័ន្ធប្រត្តិបត្តិការស៊ីមបៀនរបស់ក្រុមហ៊ុន Nokia
ក្នុងពេលបច្ចុប្បន្នមិនសូវមានអ្នកប្រើប្រាស់ច្រើននោះទេ គឺហួសសម័យហើយ ៕

សូមមើលផងដែរ៖ ប្រែក្លាយកាមេរ៉ាទូរស័ព្ទដៃ ទៅជា Webcam

បញ្ចូលទឹកប្រាក់ទូរស័ព្ទដោយឥតគិតថ្លៃតាមរយៈហ្វេសប៊ុក

Lundi Lay — Sat, 18 Feb 2012 07:45:29 +0000

តើឆ្ងល់ដែរទេ ថាតើធ្វើយ៉ាងម៉េចទើបអាចបញ្ចូលទឹកប្រាក់ទូរស័ព្ទដោយឥតគិតថ្លៃតាមរយៈហ្វេសប៊ុក?
ខាងក្រោមនេះគឺជាវិធីដែលអាចបញ្ចូលទឹកប្រាក់ក្នុងទូរស័ព្ទតាមរយៈហ្វេសប៊ុក ដោយប្រើប្រាស់ EmbeePay ។

របៀបបញ្ចូលទឹកប្រាក់ដោយការប្រើប្រាស់ EmbeePay៖

Login ចូលក្នុងគណនីហ្វេសប៊ុក
បើក EmbeePay Facebook Application ដោយចុចទីនេះ
ឥឡូវនេះសូម Confirm លេខទូរស័ព្ទ និងអ៊ីមែលរបស់អ្នក ភ្លាមៗនោះអ្នកនឹងទទួលបាន ៥០ ពិន្ទុ
សូម Refer កម្មវិធីនេះទៅមិត្តភក្តិរបស់អ្នក ពេលនោះអ្នកនឹងទទួលបាន ៣០០ពិន្ទុសម្រាប់ 5 Refreall នាក់ដំបូង ។
ដើម្បីទទួលបានពិន្ទុច្រើនទៀត អ្នកអាចធ្វើការស្ទង់មើល ដែលអាចទទួលបានពី ១០ ទៅ ៣០ ពិន្ទុក្នុងការធ្វើម្តងៗ ។

ខាងក្រោមនេះគឺជាពិន្ទុដែលទទួល គិតជាទឹកប្រាក់
150 ពិន្ទុ = $1
300 ពិន្ទុ = $2
500 ពិន្ទុ = $4
800 ពិន្ទុ = $6

ដូច្នេះត្រឹមតែធ្វើការ Refer ទៅមិត្ត ៥នាក់ អ្នកអាចទទួលបាន ៣០០ពិន្ទុ គឺស្មើ $2 សម្រាប់បញ្ចូលទឹកប្រាក់ក្នុងទូរស័ព្ទរបស់អ្នកបានហើយ ៕

លែងប្រើប្រាស់ហ្វេសប៊ុកទៀតហើយ!!!

Lundi Lay — Thu, 09 Feb 2012 10:50:23 +0000

ហ្វេសប៊ុកជាបណ្តាញសង្គមនៅលើអ៊ីនធ័រណិតដ៏ធំមួយដែលមានមនុស្សប្រើប្រាស់រាប់សិបលាន់នាក់… ក្នុងនោះក៏មានខ្ញុំម្នាក់ដែរ ។ តាំងពីការបង្កើតគណនីហ្វេសប៊ុករហូតមកដល់ពេលនេះគឺមានរយៈពេលពីរឆ្នាំជាងមកហើយ ។ ការសម្រេចចិត្តថាឈប់ប្រើប្រាស់ហ្វេសប៊ុកនេះដោយសារតែខ្ញុំគិតថា គឺវាធ្វើឱ្យខាត់បង់ពេលវេលាជាច្រើនក្នុងការប្រើប្រាស់វាក្នុងមួយថ្ងៃៗ យ៉ាងតិចណាស់ក៏មួយម៉ោងដែរ ដូច្នេះហើយខ្ញុំត្រូវតែបញ្ឃប់ការប្រើប្រាស់វាជាបណ្តោះអាសន្ន ឬក៏អាចឈប់ជារៀងរហូតក៏ថាបាន ។ បច្ចុប្បន្នខ្ញុំសង្កេតឃើញថាអ្នកប្រើប្រាស់ហ្វេសប៊ុកមានចំនួនកាន់តែច្រើនឡើងៗ ជាពិសេសក្នុងចំណោមយុវវ័យ ។ សម្រាប់យុវវ័យខ្មែរយើងវិញគេប្រើប្រាស់ហ្វេសប៊ុកសម្រាប់ធ្វើការទាក់ទងគ្នា… សម្រាប់កែអផ្សុក… សម្រាប់រកមិត្ត… ។ ដោយគេចំណាយពេលយ៉ាងច្រើនសន្ធឹកសន្ធាប់លើការលេងហ្វេសប៊ុកនេះ ។ តើពួកគេបានផលប្រយោជន៍អ្វីខ្លះក្នុងការប្រើប្រាស់ហ្វេសប៊ុកនេះ??

សម្រាប់ខ្ញុំវិញគិតហើយថាបើយកពេលវេលានេះទៅធ្វើអ្វីផ្សេងៗទៀត ដូចជាអានសៀវភៅ ធ្វើលំហាត់ ដើរកំសាន្ត ឬសរសេរប្លកវាប្រសើរជាង ។ គិតហើយហ្វេសប៊ុកគឺគ្មានន័យអ្វីសម្រាប់ខ្ញុំទៀតទេ!!

រារាំង Ads ដែលពុំត្រូវការដើម្បីបង្កើនល្បឿនបើកផ្ទាំងវែបសាយ

Lundi Lay — Sat, 04 Feb 2012 12:11:37 +0000

នៅពេលដែលយើងធ្វើការរុករកនៅលើអ៊ីនធ័រណិត យើងឃើញមានផ្ទាំផ្សព្វផ្សាយ (Ads) ដែលនៅក្នុងវែបសាយជាច្រើន ។ Ads ទាំងនោះធ្វើឱ្យការភ្ជាប់អ៊ីនធ័រណិតរបស់យើងយឺត ហើយក៏ធ្វើឱ្យយើងក្តៅក្រហាយផងដែរ ប៉ុន្តែឥឡូវនេះគឺមានវិធីមួយដើម្បីរារាំងរាល់ Ads ទាំងអស់ដែលយើងពុំត្រូវការសម្រាប់គ្រប់កម្មវិធីរុករកទាំងអស់ (គ្រប់ browser) ។ គឺមានកម្មវិធីបន្ថែមមួយដែលគេហៅថា “Adblock Plus” ដែលអាចរារាំងរាល់ Ads ដែលមាននៅគ្រប់វែបសាយទាំងអស់ ។ វាគឺកម្មវិធីបន្ថែមពេញនិយមខ្លាំងណាស់ដែលអាចប្រើប្រាស់បានជាមួយ Chrome ហើយនឹង Firefox ។

រារាំង Ads ទាំងអស់:

មុនដំបូងសូមចូលទៅកាន់វែបសាយ: Adblock Plus
បន្ទាប់មកទៀតសូមទាញយកកម្មវិធីបន្ថែមសម្រាប់កម្មវិធីរុករករបស់អ្នកហើយតំឡើងវា ។ បន្ទាប់ពីការតំឡើងវាហើយរូបតំណាងមួយនឹងបង្ហាញក្នុងរបាអាសយដ្ឋានកម្មវិធីរុករករបស់អ្នកជាមិនខាន ។

ឥឡូវនេះរួចរាល់ហើយ!! គ្មាន Ads ណាមួយដែលបង្ហាញក្នុងវែបសាយដែលអ្នកបើកនោះទៀតទេ ។

Adblock plus គឺជាកម្មវិធីបន្ថែមដែលមានប្រជាប្រិយភាពបំផុតសម្រាប់ការរារាំង Ads វាគឺបានឈ្នះពានរង្វាន់នៅ ２０１１ សម្រាប់ការរារាំង Ads ។ សូមសាកល្បងប្រើប្រាស់វានៅក្នុងកម្មវិធីរុករករបស់អ្នក ហើយរារាំងគ្រប់ Ads ទាំងអស់ដែលពុំត្រូវការដើម្បីបង្កើនល្បឿននៃការបើកវែបសាយរបស់អ្នក ៕

ស្តារឯកសារពីវែបសាយ Megaupload មកវិញ

Lundi Lay — Sat, 04 Feb 2012 10:43:42 +0000

មនុស្សជាច្រើនបានរក្សាឯកសារបម្រុងរបស់ពួកគេនៅលើប្រព័ន្ធអ៊ីនធ័រណិតដោយការផ្ទុកឯកសារទាំងអស់នោះនៅលើវែបសាយចែករំលែកផ្សេងៗដូចជា Megaupload Mediafire 4shared ហើយនឹងវែបសាយជាច្រើនដទៃទៀត ។ ដោយឡែក Megaupload ជាវែបសាយចែករំលែកឯកសារនាំមុខគេមួយ ដែលត្រូវបានរឹបអូសដោយ FBI នាពេលកន្លងទៅថ្មីៗនេះ ពីព្រោះតែវែបសាយនេះបានរំលោភលើការរក្សាសិទ្ធិ ។ ដើម្បីតវ៉ាប្រឆាំងចំពោះការរឹបអូស Megaupload ក្រុម Hacker ដែលមានឈ្មោះថា Anonymous បានធ្វើការវាយប្រហារទៅលើវែបសាយរបស់ FBI ហើយបិទវែបសាយនោះក្នុងរយៈពេលប្រហែលពីរបីនាទី ។

យើងផ្ទុកឯកសារផ្សេងៗនៅលើវែបសាយចែករំលែករនានា ដោយសារតែប្រជាប្រិយភាពរបស់វា ហើយនឹងទទួលបានការចែករំលែកនៅលើវែបសាយជាច្រើនទៀត ។ ដូច Megaupload ដែលបច្ចុប្បន្ននេះមិនដំណើរការ ហើយប្រសិនបើអ្នកចង់ស្តារឯកសាររបស់អ្នក ដែលបានផ្ទុកនៅលើវែបសាយ Megaupload នោះមកវិញ ខាងក្រោមនេះគឺជាគន្លឹះខ្លះសម្រាប់ស្តារឯកសារទាំងនោះយកមកវិញបាន ។
ចំណាំ៖ សម្រាប់វិធីនេះ មិនហ៊ានធានាថាឯកសារទាំងអស់របស់អ្នកអាចត្រូវស្តារមកវិញបាននោះទេ ។

វិធីដើម្បីស្តារឯកសារពី Megaupload.com

១. ដើម្បីស្តារឯកសាររបស់អ្នកមកវិញបាននោះ អ្នកត្រូវស្គាល់អំពីឈ្មោះរហើយនិងទំហំឯកសារ ឬក៏តំណ URL នៃឯកសារទាំងនោះ ។ ប្រសិនបើអ្នកដឹងអំពីតំណ URL នៃឯកសារក្នុង Megaupload របស់អ្នក សូមស្វែងរកវានៅលើ Google ។ ប៉ុន្តែប្រសិនបើអ្នកស្គាល់ឈ្មោះ និងទំហំរបស់ឯកសារសូមរំលងជំហ៊ានទីបី ។

២. ក្នុងលទ្ធផលនៃការស្វែងរកដែលលេចឡើងនៅលើ Google វានឹងបង្ហាញការពណ៌នាអំពីឯកសារ ឈ្មោះឯកសារ ហើយនឹងទំហំនែឯកសារក្នុង URL ដែលបានស្វែងរកនោះ ។
៣. ចម្លងឈ្មោះឯកសារនោះហើយស្វែងរកវាម្តងទៀតក្នុង Google ។
៤. រកមើលលទ្ធផលស្វែងរក ហើយមើលឯកសាររបស់អ្នកនៅលើវែបសាយចែករំលែកឯកសារដទៃទៀត ។ អ្នកអាចនឹងទទួលបានសារកំហុសពេលកំពុងរុករកវា តែអ្នកអាចប្រើ advanced operators សម្រាប់ការស្វែងរកនេះ ។

ពេលនេះខ្ញុំរកឃើញឯកសារនៅលើ 4shared.com ដែលខ្ញុំបានកំពុងតែស្វែងរក ។

នេះហើយ!! ខណៈពេលដែលវែបសាយ Megaupload ត្រូវបានបិទ គឺយើងមិនត្រូវទុកចិត្តលើ Megaupload clones បោកប្រាស់ផ្សេងដែលនៅលើអ៊ីនធ័រណិតឡើយ។ ដើម្បីបម្រុងទុកឯកសាររបស់អ្នកនៅលើអ៊ីនធ័រណិតដូចជាឱ្យមាននិរន្តន៍ភាពនោះខ្ញុំសូមណែនាំវែបសាយដែលខ្ញុំចូលចិត្តជាងគេគឺ MirrorCreator ដែលអាចផ្ទុកឯកសារបានជាបាននៅលើវែបសាយជាច្រើនដំណល់គ្នា (មានន័យថាផ្ទុកឯកសារនៅលើ MirrorCreator តែមួយគឺឯកសាររបស់អ្នកនឹងអាចមានផ្ទុកនៅលើវែបសាយផ្សេងៗទៀតដោយស្វ័យប្រវត្តិតែម្តង) ៕

តើអ្នកគិតថាការកាត់ទោសនេះយុត្តិធម៌ដែរឬទេ?

Lundi Lay — Sun, 29 Jan 2012 03:39:29 +0000

ចម្រៀងចិន៖ មិត្តភក្តិ (朋友)

Lundi Lay — Sat, 28 Jan 2012 10:43:10 +0000

ប៉ុន្មានឆ្នាំនេះ មានមនុស្សម្នាក់ ធ្លាប់ឆ្លងកាត់ខ្យល់ ឆ្លងកាត់ភ្លៀង
這些年一個人風也過雨也走
zhe xie nian yi ge ren feng ye guo yu ye zou

បើធ្លាប់យំ ធ្លាប់ធ្វើខុស តើស៊ូរំលឹកធ្វើអ្វី?
有過淚有過錯還記得堅持什麼
you guo lei you guo cuo hai ji de jian chi shen me

ពិតធ្លាប់ស្នេហ៍ ទើបអាចយល់ ស្គាល់ឯកា ចេះប្រឡែង
真愛過才會懂會寂寞會回首
zhen ai guo cai hui dong hui ji mo hui hui shou

ទាំងសុបិន្ត រួមទាំងអ្នក នៅក្នុងចិត្ត ។
終有夢終有你在心中
zhong you meng zhong you ni zai xin zhong

ជីវិតមិត្តភក្តិរួមគ្នាដើរ ហេតុម្តេចថ្ងៃនោះមិនវិលមកវិញ
朋友一生一起走那些日子不再有
peng you yi sheng yi qi zou na xie ri zi bu zai you

ពាក្យមួយម៉ាត់ មួយជីវិត ស្នេហាមួយ ស្រាមួយកែវ
一句話一輩子一生情一杯酒
yi ju hua yi bei zi yi sheng qing yi bei jiu

មិត្តភក្តិមិនធ្លាប់រស់នៅឯកា ជីវិតមិត្តភក្តិអ្នកគួរយល់
朋友不曾孤單過一聲朋友你會懂
peng you bu ceng gu dan guo yi sheng peng you ni hui dong

ចង់រួមសុខ ចង់រួមទុក្ខ ចង់រួមដំណើរ ជាមួយគ្នា ៕
還有傷還有痛還要走還有我
hai you shang hai you tong hai yao zou hai you wo

ចម្រៀងចិន៖ ជូនពរអូនតាមផ្លូវបានក្តីសុខ (祝你一路顺风)

Lundi Lay — Sat, 28 Jan 2012 09:54:04 +0000

នៅថ្ងៃនោះ ដឹងថាអូនចង់ឃ្លាតឆ្ងាយ                            សម្តីមួយម៉ាត់ក៏យើងមិនបានហាស្តី
nà yī tiān zhīdao nǐ yào zǒu                           wǒmen yī jù huà yě méiyǒu shuō
那一天知道你要走                                         我们一句话也没有说

ពេលអធ្រាត្រយប់ស្ងាត់                                                  បេះដូងលោតអង្វរជីវ៉ា
dāng wǔyè de zhōngshēng                                        qiāo tòng líbié de xīn mén
当午夜的钟声                                                                    敲痛离别的心门

តែមិនអាចធ្វើឱ្យអូនយល់បាន ។
què dǎbukāi nǐ shēnshēn de chénmò
却打不开你深深的沉默

—–@@—–
នៅថ្ងៃនោះ ជូនអូនដល់ទីបំផុត                                  សម្តីមួយពាក្យក៏យើងមិនបាននិយាយរកគ្នា
nà yī tiān sòng nǐ sòng dào zuìhòu    wǒmen yī jù huà yě méiyǒu liú
那一天送你送到最后                                                   我们一句话也没有留

វិថីខ្វាត់ខ្វែងត្រៀបត្រា ជូនអូនជ្រែកកាត់មនុស្សម្នា
dāng yōngjǐ de yuètái jǐtòng sòngbié de rénmen
当拥挤的月台挤痛送别的人们

តែមិនអាចជ្រែកបំបាត់បេះដូងដែលកំពុងព្រួយខ្វល់ខ្វាយរបស់បង ។
què jǐ bù diào wǒ shēnshēn de líchóu
却挤不掉我深深的离愁

បងដឹងថាអូនមានពាក្យរាបពាន់ម៉ឺនសែនដែលចង់និយាយ តែអូនមិនហ៊ានវាចា
wǒ zhīdao nǐ yǒu qiān yán nǐ yǒu wàn yǔ què bù kěn shuōchūkǒu
我知道你有千言你有万语却不肯说出口

តើអូនដឹងទេថាបងនេះខ្វល់ខ្វាយហើយពិបាកក្នុងចិត្តណាស់     តែបងមិនហ៊ានប្រាប់អូន
nǐ zhīdao wǒ hǎo dānxīn wǒ hǎo nánguò                                   què bù gǎn shuōchūkǒu
你知道我好担心我好难过                                                                   却不敢说出口

————

—–REFF—–
នៅពេលអូនស្ពាយបង្វិចចេញទៅ                               បានពន្លិចក្តីស្នេហ៍ដែលបងផ្តល់
dāng nǐ bèishang xíngnáng                                       xièxià nà fèn róngyào
当你背上行囊                                                                  卸下那份荣耀

បងគ្រាន់តែស្រក់ទឹកភ្នែកក្នុងជម្រៅដួងចិត្ត ទឹកមុខខំស្រស់ញញឹម
wǒ zhǐnéng ràng yǎnlèi liú zài xīndǐ miàndài zhe wēiwēixiào
我只能让眼泪流在心底面带着微微笑

តាំងចិត្តលើកដៃបក់លាអូន ហើយជូនពរអូនបានសុខសាន្ត ។
yònglì de huīhuī shǒu zhù nǐ yīlùshùnfēng
用力的挥挥手祝你一路顺风

នៅពេលអូនឈានជើងចាកចេញទៅ                     ទុកឱ្យបងរស់នៅឯកា
dāng nǐ tà shàng yuètái                                          cóngcǐ yī ge rén zǒu
当你踏上月台                                                               从此一个人走

បងគ្រាន់ជូនពរឱ្យអូនដោយស្មោះអស់ពីចិត្ត ស្មោះស័គ្រដោយចិត្តជូនពរ
wǒ zhǐnéng shēnshēn di zhùfú nǐ shēnshēn di zhùfú nǐ
我只能深深地祝福你深深地祝福你

ម្ចាស់ដូងចិត្តបងអើយ                                            ជូនពរឱ្យអូនបានក្តីសុខសាន្ត ។
zuì qīn’ài di péngyou                                         zhù nǐ yīlùshùnfēng
最亲爱的朋友                                                            祝你一路顺风

ប្លក់ ឡាយ ឡង់ឌី

បង្កើ​ន​ល្បឿន​ទូរស័ព្ទ​ដែល​ប្រើប្រព័ន្ធស៊ីមបៀន S60 និង S40

បញ្ចូលទឹកប្រាក់​​ទូរស័ព្ទ​ដោយ​ឥត​គិត​ថ្លៃ​តាមរយៈហ្វេសប៊ុក

លែង​ប្រើប្រាស់​ហ្វេសប៊ុក​ទៀត​ហើយ!!!

រារាំង Ads ដែល​ពុំត្រូវ​ការ​ដើម្បី​បង្កើន​ល្បឿន​បើក​ផ្ទាំង​វែបសាយ​

ស្តារ​ឯកសារ​ពីវែបសាយ Megaupload មក​វិញ

តើអ្នកគិតថាការ​កាត់​ទោស​នេះយុត្តិធម៌ដែរឬទេ?

ចម្រៀង​ចិន៖ មិត្តភក្តិ (朋友)

ចម្រៀង​ចិន៖ ជូន​ពរអូន​តាមផ្លូវ​បាន​ក្តីសុខ (祝你一路顺风)