ប្លក់ ឡាយ ឡង់ឌី

បង្កើនល្បឿនអ៊ីនធ័រណិតក្នុងទូរសព្ទដៃ

Lundi Lay — Tue, 15 May 2012 08:03:03 +0000

តើអ្នកទាំងអស់គ្នាធ្លាប់ជួបនូវបញ្ហាអ៊ីនធ័រយឺតក្នុងការបើកទំព័រវែបសាយនៅលើទូរសព្ទដៃដោយប្រើកម្មវិធី Opera Mini ដែរទេ ។ ខ្ញុំគិតថាអ្នកប្រើប្រាស់ភាគច្រើនគឺពិតជាជួបបញ្ហានេះជាពុំខានឡើយ ។ ចំពោះខ្ញុំវិញក៏ជួបបញ្ហានេះញឹកញាប់ដែរ គឺមានបញ្ហាជាមួយល្បឿនអ៊ីនធ័រណិតយឺតធ្វើឲ្យការបើកទំព័រវែបសាយ ជាពិសេសការលេងហ្វេសប៊ុកមានការពិបាកខ្លាំងមែនទែន ពេលដែលប្រើកម្មវិធី Opera Mini ។ Opera Mini គឺជាកម្មវិធីបើកវែបសាយដែលមានល្បឿនលឿនទាំងនៅលើទូរសព្ទ និងនៅលើកុំព្យូទ័រ ពេលខ្លះអ៊ីនធ័រណិតមានល្បឿនយឺតធ្វើឲ្យកម្មវិធីរុករកមានបញ្ហា គឺមិនអាចបើកទំព័រវែបសាយបាន ។ ប៉ុន្តែពេលនេះមានវិធីមួយដែលអាចជម្រុញល្បឿនក្នុងការបើកវែបសាយបានយ៉ាងលឿនបើទោះបីជាល្បឿនអ៊ីនធ័ររបស់អ្នកមានការរអាក់រអួល ឬក៏យឺតខ្លាំងប៉ុណ្ណាក៏ដោយ ។ ដូច្នេះរងចាំអីទៀតសូមអានការណែនាំអំពីវិធីដូចខាងក្រោមនេះ ៖

+ សូមចូលទៅកាន់តំណភ្ជាប់ខាងក្រោម តាមរយៈ Opera Mini

http://redir.opera.com/turbo

+ បន្ទាប់មកវានិងបង្ហាញថា turbo គឺបានដំណើរការហើយ ។

សូមមើលផងដែរ៖ លេង Chat ហ្វេសប៊ុកដោយប្រើ Opera Mini លើទូរស័ព្ទដៃ

របៀប Update status នៅលើហ្វេសប៊ុក និង twitter សម្រាប់ពេលអនាគតកាល

Lundi Lay — Mon, 14 May 2012 09:29:31 +0000

បច្ចុប្បន្ននេះយុវវ័យ ហើយនិងមនុស្សមួយចំនួនធំបានប្រើប្រាស់ប្រព័ន្ធបណ្តាញសង្គមហ្វេសប៊ុក និង Twitter ដើម្បីសរសេរនូវកំណត់ហេតុទៀងទាត់របស់ពួកគេ ។ តែប្រសិនបើពួកគេនៅកន្លែងឆ្ងាយពីរបីថ្ងៃដែលគ្មានប្រព័ន្ធធអ៊ីនធ័រណិតប្រើប្រាស់គឺវាពិតជាមានការលំបាកណាស់សម្រាប់ស្ថានភាពនោះ ។ ប៉ុន្តែឥឡូវនេះមានវែបសាយមួយចំនួនដែលអាចឲ្យយើងកំណត់ពេលវេលានៅលើហ្វេសប៊ុក ឬក៏ Twitter សម្រាប់ការ Update status របស់យើងទាំងដោយយើងមិនមានអ៊ីនធ័រណិតក៏ដោយ ។ ពត៌មានលម្អិតខ្លះអំពីវែបសាយទាំងអស់នោះមាននៅក្នុងតំណខាងក្រោមនេះ ដែលអ្នកទាំងអស់គ្នាអាចប្រើសម្រាប់ធ្វើការ Update status ក្នុងពេលអនាគតបានយ៉ាងងាយស្រួល ។

របៀបកំណត់ពេលវេលាដើម្បី update status របស់អ្នក

1.សូមចូលទៅកាន់បណ្តាវែបសាយខាងក្រោមនេះ

2. សូម login ទៅក្នុងគណនី Twitter ឬក៏ ហ្វេសប៊ុកដែលមាននៅលើបណ្តាវែបសាយខាងលើនេះហើយអនុញ្ញាតវាដើម្បីដំណើរការចូលទៅក្នុង profile របស់អ្នក ។

3. សូមជ្រើសរើសយក Time Zone (សម្រាប់ប្រទេសកម្ពុជាសូមជ្រើសយកដូចរូបខាងក្រោម)

4. បន្ទាប់មកទៀតអ្នកគ្រាន់តែវាយនូវពាក្យដែលអ្នកចង់និយាយសម្រាប់ធ្វើការ update status ថ្មីរបស់អ្នក ហើយនិងកំណត់ពេលដែលអ្នកចង់ឲ្យវាបង្ហាញនៅក្នុង profile របស់អ្នកតែប៉ុណ្ណោះ ។

វិធីនេះអ្នកអាចធ្វើការផ្ញើនូវសារ ឬក៏ update status នាពេលអនាគត នៅលើហ្វេសប៊ុក ឬ twitter បើទោះបីជាអ្នកមិនបានប្រើអ៊ីនធ័រណិតក៏ដោយ ។

សូមមើលផងដែរ៖

លេង Chat ហ្វេសប៊ុកដោយប្រើ Opera Mini លើទូរស័ព្ទដៃ

បញ្ចូលទឹកប្រាក់ទូរស័ព្ទដោយឥតគិតថ្លៃតាមរយៈហ្វេសប៊ុក

បន្ទាន់សម័យ Facebook Group Status តាមរយៈអ៊ីមែល

លេង Chat ហ្វេសប៊ុកដោយប្រើ Opera Mini លើទូរស័ព្ទដៃ

Lundi Lay — Sun, 13 May 2012 16:18:57 +0000

Buddylist គឺជាលក្ខណៈថ្មីចុងក្រោយពីបណ្តាញសង្គមហ្វេសប៊ុក ។ ចាប់ពីពេលនេះតទៅអ្នកទាំងអស់គ្នាអាចមានភាពងាយស្រួលក្នុងការលេង Chat ជាមួយមិត្តភក្តិដែលកំពុងតែ Online បើទោះបីជាអ្នកប្រើប្រាស់កម្មវិធីបើកវែបសាយក្នុងទូរស័ព្ទដៃក៏ដោយ អ្នកអាចមើលឃើញមិត្តភក្តិដែលកំពុងតែ online ហើយអាច chat ជាមួយពួកគេនៅក្នុង buddy list ។

កម្មវិធី Opera Mini គឺជាកម្មវិធីបើកវែបសាយដ៏កំពុងមានប្រជាប្រិយភាពបំផុតសម្រាប់ទូរស័ព្ទដៃ ។ ប៉ុន្តែការជជែកកំសាន្តជាមួយមិត្តភ័ក្តិនៅលើហ្វេសប៊ុកដោយប្រើកម្មវិធី Opera Mini នេះគឺមិនអាចបាននោះទេ តែឥឡូវនេះអ្នកទាំងអស់គ្នាអាច chat បានហើយគឺមានន័យថាអ្នកទាំងអស់គ្នាអាចលេង Chat បានភ្លាមៗជាមួយមិត្តភ័ក្តិរបស់អ្នកពីគ្រប់ទូរស័ព្ទទាំងអស់ដែលប្រើប្រព័ន្ធប្រតិបត្តិការណ៍ Symbain S40, Symbain S60, Android ហើយនិង iOS ។

សូមវាយ https://touch.facebook.com/buddylist.php ទៅក្នុងកម្មវិធីបើកវែបសាយ Opera Mini ដែលប្រើនៅក្នុងទូរសព្ទរបស់អ្នក ។

ត្រឹមតែចូលទៅកាន់តាមរយៈតំណដូចខាងលើពីកម្មវិធី Opera Mini អ្នកនឹងអាចលេង Chat ជាមួយមិត្តភ័ក្តិរបស់អ្នកបានហើយ ។

សូមមើលផងដែរ៖

ប្រទេសទាំង ១០ ដែលមានស្តុកស្តម្ភជាងគេបំផុតលើពិភពលោក

Lundi Lay — Mon, 07 May 2012 11:59:19 +0000

ទ្រពសម្បត្តិរបស់ប្រទេសនីមួយៗគឺកំណត់ដោយ GDP (Gross Domestic Product) គឺមិនមែនកំណត់ទៅលើចំណូលដែលទទួលបានពីផលិតកម្មនោះទេ ។ GDP គឺគិតទៅលើតម្លៃនៃផលិតផលសរុប ហើយនិងក្របខណ្ឌសេវាផលិតកម្មនៃប្រទេស ដូច្នេះផលិតផលច្រើន និងសេវាកម្មច្រើនដែលប្រទេសមួយបានផលិតកើនឡើងនោះវានិងក្លាយជា GDP (ចំណូលប្រចាំឆ្នាំសរុបជាមធ្យមសម្រាប់ប្រជាជនម្នាក់ៗដែលរស់នៅក្នុងប្រទេសនោះ) ។

ឥឡូវនេះអ្នកទាំងអស់គ្នាច្បាស់ជាកំពុងឆ្ងល់ថាតើប្រទេសណាមួយដែលមានភោគទ្រព្យស្តុកស្តម្ភជាងគេនៅក្នុងចំណោមបណ្តាប្រទេសទាំងអស់លើសាកលលោកយើងនេះ? សូមមើលប្រកាសខាងក្រោមនេះដែលនឹងបង្ហាញអ្នកទាំងអស់គ្នាអំពីពត៌មានខ្លះអំពី ប្រទេសដែលមានជាងគេចំនួន ១០ ដែលផ្នែកទៅលើចំណូលប្រចាំឆ្នាំ ដែលគេហៅថា GDP ។

១. ប្រទេស កាតា (Qatar)

ពីរបីទសវត្សរ៍មុនប្រទេសកាតាគឺស្ថិតក្នុងចំណោមប្រទេសដែលក្រីក្រជាងគេ ហើយស្ថិតក្នុងតារាងប្រទេសក្រីក្របំផុតលើពិភពលោកផងដែរ ។ ទោះបីជាយ៉ាងនេះក៏ដោយ បើយោតាមការស្រាវជ្រាវនៃតម្លៃប្រេងកាត និងឧស្ម័ន និងប្រេងសាំងដែលបានរកឃើញនោះអាចធ្វើឲ្យប្រទេសមួយនេះមានកំណើនសេដ្ឋកិច្ចដើរយ៉ាងលឿន ។ កម្រិត GDP ខ្ពស់អាចកើនឡើងដល់ទៅ ៨៨,២២២ដុល្លារ ក្នុងប្រជាជនម្នាក់ៗ ហើយប្រជាជនដែលរស់នៅក្នុងប្រទេសនេះពុំចាំបាច់បង់ពន្ធនោះទេ វាអាចធ្វើឲ្យប្រទេសនេះមានកំណើនសេដ្ឋកិច្ច និងការអភិវឌ្ឍន៍ប្រទេសយ៉ាងលឿនជាទីបំផុត ។

២. ប្រទេស ឡុចស៊ឹប៊ួរ (Luxembourg)

Luxembourg គឺជាប្រទេសដ៏តូចដែលមានប្រជាជនរស់នៅមិនដល់ ៥លាននាក់ផង ប្រទេសនេះស្ថិតក្នុងចំណោមប្រទេសដែលតូចមែនទែន ប៉ុន្តែជាប្រទេសដែលមានស្តុកស្តម្ភនៅក្នុងពិភពលោកមួយផងដែរ ដែលចំនួន GDP សរុបសម្រាប់ប្រជាជនម្នាក់ៗគឺ ៨១,៤៦៦ដុល្លារ ។ ប្រាក់ជាច្រើនហូរចូលប្រទេសនេះតាមរយៈការដាក់ប្រាក់ក្នុងធានាគាររបស់មជ្ឈមណ្ឌលអ៊ឺរ៉ុបកណ្តាល គឺវាពិតជាអស្ចារ្យណាស់ពេលដែលដឹងថាមានធានាគារច្រើនជាង ២៥០ កំពុងប្រតិបត្តិការនៅក្នុងប្រទេសដ៏តូចមួយនេះ ។

៣. ប្រទេស សឹង្ហបុរី (Singapore)

សឹង្ហបុរីជាប្រទេសដែលមានរួមបញ្ចូលនូវកោះចំនួន ៦៣ ទៀត ហើយមានផ្ទៃដីទំហំតូចត្រឹមតែ ៧០៤ គីឡូម៉ែត្រការេប៉ុណ្ណោះ ។ វាគឺជាមជ្ឈមណ្តលកណ្តាលសម្រាប់ការធ្វើពានិជ្ជកម្ម ហើយក៏ជាទីតាំងសម្រាប់ការតាំងទីស្នាក់ការនៃអង្គការធំៗផ្សេងៗជាច្រើន ។ ក្នុងចំណោមប្រទេសដែលជាដៃគូរពានិជ្ជកម្មក្នុងពិភពលោកប្រទេសនេះមានកម្រិត GDP រហូតដល់ទៅ ៥៦,៦៩៤ដុល្លារ ។

៤. ប្រទេស នរវេរ (Noway)

នរវេរ គឺជាប្រទេសមួយដែលស្ថិតនៅក្នុងប្រទេសពីរបីនៅតំបន់អ៊ឺរ៉ុបដែលមានដោយសារធនធានប្រេងកាត ។ តម្លៃនៃការរស់នៅរបស់ប្រទេសនេះគឺមានអត្រាខ្ពស់ជាង សហរដ្ឋអាមេរិក និងចក្រភពអង់គ្លេសទៅទៀត ។ កម្រិត GDP សម្រាប់ប្រជាជនម្នាក់ក្នុងមួយឆ្នាំគឺមានអត្រារហូតដល់ទៅ ៥១,៩៥៩ដុល្លារ ហើយប្រទេសនេះស្ថិតនៅក្នុងចំណោមបណ្តាប្រទេសដែលមានជាងគេលំដាប់កំពូលទីបីនៅលើពិភពលោក ។

៥. ប្រទេស ប្រ៊ុយណេ (Brunei)

ប្រ៊ុយណេ គឺជាប្រទេសមានសេដ្ឋកិច្ចទំនើប ដែលមានការរៀបចំយ៉ាងល្អបំផុតសម្រាប់សកលភាវូបនីយកម្ម ហើយនិងពានិជ្ជកម្មផងដែរ ។ ប្រ៊ុយណេ មិនមែនត្រឹមតែជាប្រទេសមានស្តុកស្តម្ភប៉ុណ្ណោះទេ គឺថែមទាំងជាទីកន្លែងដែលមានគុណភាពសម្រាប់ការរស់នៅ ការសិក្សា ហើយនិងការធ្វើជំនួញ ។ សេដ្ឋកិច្ចចំបងដែលធ្វើឲ្យប្រទេសមួយនេះក្លាយជាប្រទេសមានជាងគេ គឺដោយសារធនធានប្រេងកាត កម្រិត GDP សម្រាប់ប្រជាជនម្នាក់ៗក្នុងមួយឆ្នាំគឺ ៤៨,៣៣៣ ដុល្លារ ។

៦. អារ៉ាប់រួម (United Arab Emirates)

សេដ្ឋកិច្ចរបស់អារ៉ាប់រួម (UAE) គឺក្នុងចំណោមការអភិវឌ្ឍភាគច្រើននៅក្នុងពិភពលោក ។ ប្រទេសនេះគឺត្រូវបានទទួលស្គាល់ថាមានសំណង់អគារខ្ពស់ៗ ហើយនិង កោះសិប្បនិម្មិតដ៏អស្ចារ្យ នៅលើពិភពលោក ជាមួយនិងកម្រិត GDP ខ្ពស់គឺរហូតដល់ទៅ ៤៧,៤៣៩ ដុល្លារ ។

៧. សហរដ្ឋអាមេរិក (United States)

សហរដ្ឋអាមេរិក គឺជាប្រទេសដែលស្ថិតក្នុងចំណោមប្រទេសមហាអំណាច និងប្រទេសដែលមានជាងគេលើពិភពលោក ។ ហេតុផលមួយនេះហើយ ហេតុអ្វីបានជាវាស្ថិតនៅក្នុងលំដាប់ទី ៧ នៃតារាងប្រទេសដែលមានស្តុកស្តម្ភជាងគេទាំង ១០ ព្រោះដោយសារវាជាប្រទេសដែលមានទំហំផ្ទៃដីធំធេង គឺមិនដូចប្រទេសផ្សេងៗទៀតដែលមានទំហំដ៏តូចនោះឡើយ ។ សហរដ្ឋអាមេរិកគឺមានទំហំផ្ទៃដីរហូតដល់ទៅ ៩.៨៣ លានគីឡូម៉ែត្រការេ ហើយមានចំនួនប្រជាជនលើសពី ៣០០ លាននាក់ ហើយមានកម្រិត GDP ត្រឹមតែ ៤៦,៨៦០ ដុល្លារ ។

៨. ទីក្រុង ហុងកុង (Hong Kong)

ហុងកុង គឺជាមណ្ឈមណ្ឌលជំនួញដ៏ល្បីល្បាញ ហើយត្រូវបានរាប់បញ្ចូលក្នុងចំណោមទីក្រុងដែលមានការដឹកនាំឈានមុខគេនៅលើពិភពលោក ។ សេដ្ឋកិច្ចនៃប្រទេសនេះច្រើនតែបានមកពីសេវាកម្មតាមផ្នែក ។ ពួកគេធ្វើតាមនយោបាយពានិជ្ជកម្មសេរី ហើយការយកពន្ធបើប្រៀបធៀបទៅគឺមានកម្រិតថោកជាងប្រទេសដទៃៗផ្សេងទៀត ។ ទីក្រុងនេះមានកម្រិត GDP ៤៥,៩៤៤ដុល្លារ ហើយមានភាពឆើតឆាយដោយស្ថាប្យកម្មសំណងទំនើបៗជាច្រើន ។

៩. ប្រទេស ស្វីស (Switzerland)

ប្រទេស ស្វីស គឺជាប្រទេសដែលប្រកបដោយសុខសន្តិភាព សប្បូរសប្បាយ ហើយក៏ជាប្រទេសដែលស្រស់ស្អាត ហើយក៏ត្រូវបានទទួលស្គាល់ថាជាប្រទេសដែលមានទំនាក់ទំនងការទូតល្អក្រៃលែងជាមួយប្រទេសផ្សេងៗទៀតនៅលើសាកលលោក ។ យីហោ (ម៉ាក) ធំៗនិងល្បីល្បាញមួយចំនួននៅលើពិភពលោករួមបញ្ចូលទាំងម៉ាក Rolex, Nestle ក៏ដូចជា Logitech គឺមានមូលដ្ឋានចេញពីប្រទេសមួយនេះ ។ ដោយពឹងផ្នែកទៅលើសេវាកម្មទេសចរណ៍ និងមួយផ្នែកទៀតខាងជំនួញធានាគារ បានធ្វើឲ្យកម្រិត GDP សម្រាប់ប្រជាជនម្នាក់ៗឈានដល់ ៤១,៩៥០ដុល្លារ ដែលនឹងកំពុងតែធ្វើឲ្យប្រទេសមួយនេះក្លាយជាប្រទេសមានស្តុកស្តម្ភជាងគេលើពិភពលោក ។

១០. ប្រទេស ណេតហ្ស៊ឺឡែនស៍ (Netherlands)

ណេតហ្ស៊ឺឡែនស៍ គឺជាប្រទេសដែលពោរពេញទៅដោយការអភិវឌ្ឍសេដ្ឋកិច្ចយ៉ាងខ្លាំងខ្លា ហើយជាអ្នកមានតួនាទីសំខាន់បំផុតសម្រាប់ធ្វើឲ្យចរន្តឈាមនៃសេដ្ឋតំបន់អ៊ឺរ៉ុបដំណើរការផងដែរ ។ ប្រទេសនេះគឺស្ថិតក្នុងចំណោមកំពូលប្រទេសដែលមានការនាំចេញច្រើនជាងគេលើពិភពលោក ។ ការនាំចេញជាច្រើនមុខផ្សេងៗដូចជាផ្នែក ឧស្សាហកម្ម រួមបញ្ចូលទាំងប្រដាប់ប្រដាគ្រឿងយន្ត គីមី អាហារ ទេសចរណ៍ ក៏ដូចជាសេវាកម្មចេញវិភាគទានហរិញ្ញវត្ថុ ។ ប្រទេសនេះមានកម្រិត GDP រហូតដល់ទៅ ៤០,៩៧៣ដុល្លារ ឯណោះ ៕

សូមមើលអត្ថបទផ្សេងទៀតផងដែរ៖

ប្រទេសទាំង ១០ ដែលពុករលួយខ្លាំងជាងគេបំផុត

Lundi Lay — Sun, 06 May 2012 12:01:22 +0000

ក្ក្នុងពេលបច្ចុប្បន្នប្រទេសទាំងអស់នៅលើពិភពលោកយើងនេះសុទ្ធតែមានអំពើពុករលួយទាំងអស់ គឺប្រទេសខ្លះពុករលួយតិចតួច ប្រទេសខ្លះទៀតពុករលួយមានកម្រិតខ្លាំង ។ ប្រទេសដែលមានអំពើពុករលួយខ្លាំងអាចបណ្តាលឲ្យប្រទេសនោះឈានទៅរកឱនភាពសេដ្ឋកិច្ច អស្ថេរភាពសង្គម ហើយបណ្តាលឲ្យប្រទេសនោះធា្លក់ចូលទៅក្នុងភាពក្រីក្រ ។ ក្នុងប្រកាសនេះអ្នកទាំងអស់គ្នានឹងបានដឹងអំពីប្រទេសចំនួន ១០ ដែលមានអំពីពុករលួយខ្លាំងជាងគេបំផុតនៅលើពិភពលោក ដែលផ្នែកទៅលើរបាយការរបស់ Transparency International ។

Transparecy International គឺជាអង្គការក្រៅរដ្ឋាភិបាលមួយ (ជាអង្គការសង្គមស៊ីវិលសាកលមួយដែលដឹកនាំដើម្បីប្រយុទ្ធប្រឆាំងនឹងអំពើពុករលួយ) ។ គេប្រើ CPI (Corruption Perception Index) ដើម្បីរាប់ចំណាត់ថ្នាក់នៃប្រទេសផ្សេងៗដែលមានអំពើពុករលួយ ហើយទិន្ន័យដែលគេស្រង់បានពីការសង្កេតការណ៍នោះគឺត្រូវយកមកកម្រិតឥទិ្ធពលនៃការពុករលួយសម្រាប់ប្រទេសនីមួយៗ ។

១. ប្រទេសសូម៉ាលី

សូម៉ាលី គឺជាប្រទេសដែលកំពុងប្រឈមជាមួយការអត់ឃ្លានយ៉ាងខ្លាំង ។ អាកាសធាតុរាំងស្ងួតគឺកំពុងតែញាំញីប្រទេសនេះយ៉ាងយូរ តាមការប៉ាន់ប្រមាណប្រជាជនច្រើនជាង 1 ភាគ ៣ នៃប្រជាជនសរុបរបស់ប្រទេសនេះគឺអាស្រ័យទៅលើស្បៀងអាហារជំនួយដើម្បីរស់ ។ រយៈពេល ២០ឆ្នាំមុនប្រទេសនេះគ្មានអ្នកដឹកនាំទៀងទាត់នោះទេ ដែលបណ្តាយឲ្យប្រទេសនេះឈានទៅរកស្ថានភាពសេដ្ឋកិច្ចដើរថយក្រោយ និងឈានទៅរកសភាពក្រីក្របំផុតនៅលើពិភពលោក ។ CPI បានចាត់ចំណាត់ថ្នាក់ខ្ពស់ចំពោះប្រទេស សូម៉ាលី ថាជាប្រទេសពុករលួយលេខ ១ ។

២. ប្រទេសកូរ៉េខាងជើង

៣. ប្រទេសមីយ៉ាន់ម៉ា

៤. ប្រទេសអាហ្វហ្គានីស្ថាន

5. ប្រទេសអ៊ូប៊េហ្គីស្ថាន

6. ប្រទេស Turkmenistan

7. ប្រទេសស៊ូដង់

8. ប្រទេសអ៊ីរ៉ាក់

9. ប្រទេសហៃទី

10. ប្រទេសវេណេហ្សុយអេឡា

សូមអានផងដែរ៖ អ្នកនយោបាយ ១០ រូបដែលមានទ្រព្យច្រើនជាងគេបំផុតលើពិភពលោកនាឆ្នាំ ២០១២

សៀវភៅ៖ Outline of the U.S. Economy

Lundi Lay — Fri, 04 May 2012 12:22:51 +0000

សូមចុច link ខាងក្រោម ដើម្បីទាញយកសៀវភៅដែលមានចំណងជើងថា Outline of the U.S. Economy (ជាភាសាអង់គ្លេស)។

ជាប្រភេទ (PDF – 14.9MB): Outline of the U.S. Economy

ខាងក្រោមនេះ ជាមាតិកានៃសៀវភៅ៖
Chapter 1: The Challenges of this Century
Chapter 2: The Evolution of the U.S. Economy
Chapter 3: What the U.S. Economy Produces
Chapter 4: Competition and the American Culture
Chapter 5: Geography and Infrastructure
Chapter 6: Government and the Economy
Chapter 7: A U.S. Economy Linked to the World
Chapter 8: A New Chapter in America’s Economic Story

ប្រភពពី៖ U.S. Embassy Phnom Penh, Cambodia

សូមមើលសៀវភៅជាច្រើនផ្សេងទៀត៖ http://llundi.wordpress.com/category/ទាញយក/សៀវភៅ/

សៀវភៅ៖ A Responsible Press Office in the Digital Age

Lundi Lay — Wed, 18 Apr 2012 15:12:01 +0000

សៀវភៅនេះណែនាំអំពីវិធី ដែលអាចឲ្យរដ្ឋាភិបាលនីមួយៗ ប្រើប្រាស់ប្រព័ន្ធផ្សព្វផ្សាយឌីជីថលក្នុងការផ្សព្វផ្សាយឲ្យសាធារណជនយល់ដឹងអំពីគោលនយោបាយ ច្បាប់ និងសកម្មភាពរបស់ខ្លួន ។ ប្រសិនបើសិស្ស និស្សិត ឬអស់លោកអ្នកចង់ស្វែងយល់អំពីវិធីដែលមានក្នុងសៀវភៅសូមចុចតំណខាងក្រោមដើម្បីទាញយកសៀវភៅដែលមានចំណងជើងថា “A Responsible Press Office in the Digital Age” (ជាភាសាអង់គ្លេស) ។

Download (PDF – 14.24 MB): A Responsible Press Office in the Digital Age

ប្រភពពី៖ U.S. Embassy Phnom Penh, Cambodia

សូមមើលសៀវជាច្រើនផ្សេងទៀត៖ http://llundi.wordpress.com/category/ទាញយក/សៀវភៅ/

ពីប្រេងឆៅក្លាយមកជាប្លាស្ទិក

Lundi Lay — Wed, 18 Apr 2012 10:18:30 +0000

ចាប់តាំងពីមានការរកឃើញវិធីសំយោគប្លាស្ទិកនៅចុងសតវត្សរ៍ទី ១៩ មក នាំឲ្យមានបដិវត្តន៍វត្ថុប្រើប្រាស់ទូទាំងពិភពលោកតែម្តង ។ សព្វថ្ងៃនេះប្រដាប់ប្រដាក្មេងលេងភាគច្រើនឧបករណ៍កីឡា និងសម្ភារៈប្រើប្រាស់ផ្សេងៗសុទ្ធសឹងតែមានគ្រឿងផ្សំពីប្លាស្ទិកភាគច្រើនទេ ព្រោះប្លាស្ទិកអាចនាំមករំលាយចាក់ពុម្ពធ្វើជារូបផ្សេងៗបានលឿននិងងាយស្រួល ព្រមទាំងមានតម្លៃថោក ។ ប្លាស្ទិកមានគុណសម្បត្តិមិនរលាយក្នុងទឹក និងមិនពុករិចរឹល ទើបស័ក្តិសមយកមកប្រើជាវត្ថុប្រើប្រាស់ក្រៅផ្ទះជាទីបំផុត ដូចជាទុយោ ទឹកបង្កប់ក្នុងដី ឬ ផើងផ្កាជាដើម ។

ប្រសិនបើយើងបោះចោលឧបករណ៍ប្រើប្រាស់ដែលជាប្លាស្ទិកទាំងអស់ចេញពីក្នុងផ្ទះ យើងប្រហែលជានៅសល់របស់ក្នុងផ្ទះមិនច្រើនមុខទេ ។ យើងប្រហែលជាមិនសល់កម្រាលព្រំ ទូរស័ព្ទ ទូរទស្សន៍ ឬកុំព្យូទ័រឡើយ ។ អ្នកសាកគិតទៅមើលមានឧបករណ៍អ្វីខ្លះដែលផលិតពីប្លាស្ទិក ដូចជាប័ណ្ណក្រេឌីត ព្រិលសិប្បនិម្មិត ឬសូម្បីតែក្រដាសប្រាក់ដែលមានប្រើប្រាស់ក្នុងប្រទេសអូស្ត្រាលីសព្វថ្ងៃនេះ ។
ពាក្យថា “ប្លាស្ទិក” សំដៅដល់វត្ថុដែលមនុស្សសំយោគចេញពីវត្ថុធាតុដើមពីរប្រភេទគឺ កាបួន និង អ៊ីដ្រូសែន ហើយនៅពេលគេបន្ថែមសារធាតុពិសេសអ្វីម្យ៉ាងចូលទៅទៀត នឹងធ្វើឲ្យប្លាស្ទិកមានគុណសម្បត្តិពិសេសផ្សេងៗទៀត ដូចជាជាប់រឹង ធន់នឹងកម្តៅ រអិល រលោង និងអាចយឺតយារបាន ។ យើងអាចសំយោគផលិតប្លាស្ទិកប្រភេទផ្សេងៗបានជាច្រើនអនេក ដោយការបន្ថែមសារធាតុគីមីផ្សេងៗក្នុងអត្រានិងកម្មវិធីផ្សេងៗពីគ្នា ។ អ្នកវិទ្យាសាស្រ្តក៏កំពុងព្យាយាមអភិវឌ្ឍន៍ប្លាស្ទិកឲ្យកាន់តែមានគុណសម្បត្តិល្អប្រសើរឡើងថែមទៀត ដូចជារឹងមាំស្មើដែកថែបអាចការពារទឹកបានដូចកញ្ចក់ ហើយមានតម្លៃថោកដូចក្រដាស ។

ប្លាស្ទិកផ្គុំឡើងដោយម៉ូលេគុលខ្នាតធំហៅថា ប៉ូលីម៊ែរ (Polymer) ដែលកើតពីម៉ូលេគុលខ្នាតតូចភ្ជាប់គ្នាជាសរសៃវែងដូចខ្សែច្រវាក់ ។ សរសៃម៉ូលេគុលទាងអស់នេះវេញឆ្វាក់ចូលគ្នា ទើបធ្វើឲ្យប្លាស្ទិកមានសភាពរឹងមាំ ហើយទម្រាំតែទាញសរសៃម៉ូលេគុលនេះចេញពីគ្នាបាន គេត្រូវប្រើកម្លាំងខ្លាំងគួរសម ។ ប្លាស្ទិកភាគច្រើនចាត់ទុកក្នុងប្រភេទ ថឺរម៉ូប្លាស្ទិក (Thermoplastics) ដែលនៅពេលត្រូវកម្តៅប្រមាណ ២០០ អង្សា សេ សរសៃម៉ូលេគុលរបស់វានៅតែគង់វង្សសភាពដើមដដែល ដោយគ្រាន់តែញែកខ្លួនឃ្លាតចេញពីគ្នាល្មមតែអាចរំកិលមកត្រួតគ្នាបាន ឡើងវិញម្តងទៀត ។ ដូច្នេះហើយទើបយើងអាចនាំយកប្លាស្ទិកប្រភេទនេះមករំលាយនិងចាក់ពុម្ពជាថ្មីឡើងវិញម្តងហើយម្តងទៀតជានិច្ច ។ នៅពេលប្លាស្ទិកត្រជាក់វានឹងមានរូបរាងថ្មីដែលរឹងមាំដូចដើម ។ ចំណែកប្លាស្ទិកដែលត្រូវកម្តៅម្តងហើយតែងបាត់បង់គុណសម្បត្តិនៃការផ្លាស់ប្ដូររូបរាងនោះមិនអាចនាំយកមករំលាយប្រើប្រាស់ឡើងវិញទេ ។ ប្លាស្ទិកប្រភេទនេះហៅថា ថឺរម៉ូសិតធិង ប្លាស្ទិក (Thermosetting Plastics) ។

យន្តការដែលធ្វើឲ្យម៉ូលេគុលខ្នាតតូចមកបន្តភ្ជាប់ចូលគ្នារហូតដល់មានខ្នាតធំនេះត្រូវបានគេហៅថា ប៉ូលីម៊ែររូបនិយតកម្ម (Polymerization) ឬការបង្កើតឡើងនូវ ប៉ូលីម៊ែរដែលមានភាពខុសប្លែកគ្នាទៅតាមប្រភេទនៃប្លាស្ទិក តែក៏ត្រូវពឹងពាក់ទៅលើសម្ពាធខ្លាំង និងកាតាលីករ (Catalyst) ឬសារធាតុបង្កឲ្យឆាប់កើតមានប្រតិកម្មគីមី ដើម្បីជំរុញឲ្យម៉ូលេគុលខ្នាតតូចប្រមូលផ្តុំចូលគ្នាតែមួយ ។

*ប្លាស្ទិកផលិតចេញពីប្រេងឆៅ
អាតូម កាបូន និងអ៊ីដ្រូសែន ដែលជាវត្ថុធាតុដើមដ៏សំខាន់របស់ប្លាស្ទិកគ្រប់ប្រភេទនោះបានមកពីប្រេងឆៅដែលផ្សំឡើងដោយអ៊ីដ្រូកាបួ (ម៉ូលេគុល អ៊ីដ្រូសែន និងកាបូន ផ្សំ ចូលគ្នា) ។ សារធាតុអ៊ីដ្រូកាបួមានទាំងពីរប្រភេទម៉ូលេគុលមិនត្រួតស្មុគស្មាញច្រើន ដូចជាឧស្ម័នមេតាន (ផ្គុំឡើងដោយកាបូនមួយអាតូមមួយ និងអ៊ីដ្រូសែន ៤ អាតូម) រហូតដល់កៅស៊ូក្រាលថ្នល់ដែលមានម៉ូលេគុលរាប់រយអាតូម ។ យន្តការចម្រាញ់ប្រេងឆៅអាចចម្រាញ់អ៊ីដ្រូកាបួបានច្រើនប្រភេទ ។ មួយក្នុងចំនួននោះ គឺឧស្ម័នមេតាន (មានម៉ូលេគុលផ្គុំឡើងដោយកាបូន ២ អាតូម និងអ៊ីដ្រូសែន ៦ អាតូម) ។ ឧស្ម័នមេតានអាចប្រែក្លាយទៅជាឧស្ម័នប្រភេទផ្សេងៗទៀតបានដូចជា អេធីលីន ដែលពេលឆ្លងកាត់ដំណាក់កាលប៉ូលីម៊ែររូបនីយកម្ម ហើយក៏នឹងក្លាយទៅជាប្លាស្ទិក ដែលហៅថា ប៉ូលីអេធីលីន ដូចគ្នានឹងឧស្ម័នប្រូផេនប្រមូលផ្តុំចូលគ្នាក្លាយជាប្លាស្ទិកដែលមានឈ្មោះថា ប៉ូលីប្រភីលីន ។ ប្លាស្ទិកទាំងពីរប្រភេទនេះគេនិយមប្រើធ្វើជាដប បំពង់ទុយោទឹក និងថង់ប្លាស្ទិក ។

ប្លាស្ទិកមួយប្រភេទទៀតហៅថា ភីវីស៊ី (PVC ពាក្យកាត់របស់ Polyvinyl Chloride) មានសមាសធាតុគីមីស្រដៀងគ្នានឹងប៉ូលីអេធីលីនដែរ ដោយខុសគ្នាតែអាតូមរបស់អ៊ីដ្រូសែនត្រូវជំនួសដោយអាតូមរបស់ក្លរ (Chloride) តែប៉ុណ្ណោះ ។ ប្លាស្ទិក PVC មានគុណសម្បត្តិធន់ភ្លើង ទើបមានសុវត្ថិភាពល្អក្នុងការនាំទៅធ្វើជាផលិតផលប្រើប្រាស់ក្នុងគេហដ្ឋាន ។ តែបើដាក់អាតូម ហ្វ្លយអូរីន ៤ អាតូមជំនួយវិញ គេនឹងបានសារធាតុ PTFE (Polytatraflaorethylene) ដែលគេហៅជាទូទៅថា ថេហ្វ្លន (TEFLON) សម្រាប់ប្រើស្រោបឆ្នាំងឬខ្ទះកុំឲ្យជាប់អាហារពេលចម្អិន ។ មានប៉ូលីម៊ែរច្រើនប្រភេទណាស់ដែលគេអាចផលិតក្នុងបន្ទប់ពិសោធន៍ តែមានតែប៉ុន្មានប្រភេទប៉ុណ្ណោះ ដែរមានគុណសម្បត្តិសមស្របសម្រាប់នាំយកមកប្រើជាប្រយោជន៍ផ្នែកឧស្សាហកម្ម ។

* កំណើតឧស្សាហកម្មប្លាស្ទិក
ឧស្សាហកម្មប្លាស្ទិកជំនាន់ថ្មីចាប់ផ្ដើមឡើងកាលពីទសវត្សរ៍ ១៨៦០ ដែលជះឥទ្ធិពលមកពីការប្រកួតឆ្នៃប្រឌិតគ្រាប់ប៊ីយ៉ាដណ្ដើមពានរង្វាន់សហរដ្ឋអាមេរិក សម្រាប់បុគ្គលដែលអាចរកវត្ថុតម្លៃថោកមកប្រើជំនួសគ្រាប់ប៊ីយ៉ាដើមដែលផលិតដោយភ្លុក ។ បេក្ខជនជ័យលាភីគឺលោក ចន វេស្លីយ៍ ចាយ អែត ជនជាតិអាមេរិកដែលបានផលិតគ្រាប់ ប៊ីយ៉ា ពី សារធាតុម្យ៉ាងដែលគាត់ហៅថាសែលុយឡូស (Celluloid) ។ មិនយូរប៉ុន្មានក៏មានការស្រាវជ្រាវរកឃើញប្រយោជន៍ផ្សេងៗទៀតរបស់សែលុយឡូស ដូចជាការធ្វើស៊ុមវ៉ែនតា ដងកាំបិត កញ្ចក់បាំងខ្យល់មុខរថយន្ត (ដែលយើងនិយមហៅថាកញ្ចក់មុខ) និងហ្វ៊ីលថតភាពយន្ត ។ ប្រសិនបើគ្មានសែលុយឡូសទេឧស្សាហកម្មភាពយន្តក៏គ្មានថ្ងៃចាប់កំណើតឡើងបានដែរ ។

សែលុយឡូស មិនប្រើសារធាតុសំយោគ (Synthesis) ទាំងស្រុងទេ ព្រោះគេប្រើវត្ថុធាតុដើមសែលុយឡូស(Cellulose) ពីរុក្ខជាតិ ។ អ្នកគីមីវិទ្យាជនជាតិអាមេរិកឈ្មោះ លីអូ បេឃើរឡៃដ៍ បានសំយោគសារធាតុនេះបានសម្រេចក្នុងឆ្នាំ ១៩០៧ ដោយផ្សំហ្វីណុល ឬអាស៊ីត កាតាបូលីស ចូលនឹងឧស្ម័នហ្វរម៉ាល់ឌីហាយដ៍ (Formaldehyde) ។ គាត់ដាក់ឈ្មោះប្លាស្ទិក ដែលគាត់ផលិតបាននោះថា បេឃើរឡៃដ៍ (Bakelite) ។ ការស្រាវជ្រាវរបស់ បេឃើរឡៃដ៍បានជំរុញឲ្យមានការផលិតប្លាស្ទិកដទៃទៀតជាច្រើន រហូតដល់ឧស្សាហកម្មប្លាស្ទិកបានរីកលូតលាស់យ៉ាងឆាប់រហ័ស ។

សូមអានផងដែរ៖

ប្លក់ ឡាយ ឡង់ឌី

បង្កើន​ល្បឿន​អ៊ីនធ័រណិត​ក្នុង​ទូរសព្ទដៃ

របៀប Update status នៅ​លើ​ហ្វេសប៊ុក និង​ twitter សម្រាប់​ពេល​អនាគតកាល

លេង​ Chat ហ្វេសប៊ុក​ដោយ​ប្រើ Opera Mini លើ​ទូរស័ព្ទ​ដៃ

ប្រទេស​ទាំង​ ១០ ដែល​មាន​ស្តុកស្តម្ភ​ជាង​គេបំផុតលើ​ពិភព​លោក

ប្រទេស​ទាំង​ ១០ ដែល​ពុក​រលួយ​ខ្លាំង​ជាង​គេ​បំផុត