បណ្ណសារ

Archive for the ‘ផ្ទាល់ខ្លួន’ Category

ធ្វើឲ្យ​ហ្គេម Clash of Clans អនឡាញទោះបីជា​មិន​បានលេង​ក៏ដោយ!

បាន​ដាក់​ប្រកាស​នៅ ថ្ងៃទី 4 ខែធ្នូ ឆ្នាំ 2014 មតិ 10

Untitled

ចូល​ខែ​ថ្មីហើយ ចង់សរសេរ​ប្រកាស​មួយ​ទៀត​ជួន​មិត្តអ្នក​ដែល​តែ​ង​តែ​ចូល​មើល​ប្លក់​មួយ​នេះ​ជា​ប្រចាំ ។ ថ្ងៃ​នេះ​ចង់​រៀបរាប​អំពី របៀប​ធ្វើ​ឲ្យ​ហ្គេម​ Clash of Clans អនឡាញបាន​ទោះបីជា​យើង​មិន​បាន​លេង​ក៏​ដោយ!

បើ​អ្នក​ទាំង​អស់​គ្នា​ចង់​ឲ្យ​ហ្គេមមួយ​នេះ Online រហូត​នោះសូម​អនុវត្តន៍​តាម​វិធី​ខាង​ក្រោម​នេះ។

តម្រូវ​ការ​ត្រូវ​មាន៖
+ Computer or Latop
+ Mobile phone or iPad or Tablet

បន្ទាប់​មក​សូម​តម្លើង​កម្មវិធី​មួយ​ចំនួន​នៅ​លើ​កុំព្យូរទ័រ​របស់​អ្នក

+ Bluestack៖ កម្មវិធី​នេះ​គឺ​វា​ដូច​ជា​ប្រព័ន្ធ​ប្រតិបត្តិការ​ក្នុង​ទូរស័ព្ទ​​មួយ​អ៊ីចឹង ​មាន​លក្ខណៈដូច​ Android ដែល​អាច​ឲ្យ​យើង​តំឡើង​កម្មវិធី លេង​ហ្គេម​របស់​ទូរសព្ទបាន ។ ហើយ​យើង​អាច​ចូល​ទៅ​ Google Play ដើម្បី​ដោនឡូត​ហ្គេម App ជាច្រើនប្រភេទ និយាយ​ឲ្យ​ចំអ្វី​ដែល​ទូរសព្ទ ​ដែល​ប្រើប្រព័ន្ធប្រតិបត្តិការ​ Android អាច​តំឡើង​បាន គឺ​កម្មវិធី Bluestacks នេះ​អាច​តំឡើង​បាន​ទាំង​អស់​ដូច​គ្នាដែរ ។

+ Free Mouse Auto Clicker: កម្មវិធីនេះ​សម្រាប់​ជួយ​ធ្វើ​ឲ្យ​ហ្គេម Clash of Clans ដែល​ដំណើរ​ការ​នៅ​លើ Bluestack នៅ​តែ​ Online ព្រោះវា​នឹង​ Click ដោយ​ស្វ័យ​ប្រវត្តិតាមរយៈ​ពេល​ដែល​យើង​បាន​កំណត់​ណា​មួយ ។

ពេលតំឡើង​កម្មវិធីទាំង​អស់​នេះ​រួច​រាល់​ហើយ សូម​បើក Bluestacks ហើ​យ Install ហ្គេម Clash of Clans រួច​បើក​ដំណើរហ្គេម។
បន្ទាប់មក​បើក​កម្មវិធី Free Mouse Auto Clicker ហើយកំណត់ចំនួន​វិនាទីដែល​ចង់​ឲ្យ​វាចុច​ដោយ​ស្វ័យប្រវត្តិ ។

ពេលអ្នក​ឈប់លេងគឺគ្រាន់តែបើក Clash of Clans នៅ​លើ bluestack រួច​ហើយ ដំណើរ​ការ Auto click រួច​ទុកចោល
>>> ហ្គេម Clash of Clans របស់​យើង​នៅតែ Online ហើយគ្មានអ្នកណាអាច Raid យើង​បាន​នោះ​ទេ!

សូមមើលផងដែរ៖ ខ្ញុំ​លេង​ហ្គេម Clash of Clans

អានបន្ត …

​ខ្ញុំ​លេង​ហ្គេម Clash of Clans

បាន​ដាក់​ប្រកាស​នៅ ថ្ងៃទី 3 ខែវិច្ឆិកា ឆ្នាំ 2014 មតិ 9

Screenshot_2014-11-01-05-39-11

Clan របស់ខ្ញុំ Full

ថ្ងៃនេះ​ចង់​សរសេរ​ប្រកាស​មួយ​ទាកទង​នឹង​ការ​លេង​ហ្គេម​បន្តិច​ ហាហា  :D រាល់​ថ្ងៃ​នេះ​រវល់​ណាស់​រវល់​ជា​មួយ​នឹង​ហ្គេម Clash of Clans លេង​ឡើង​ភ្លេច​ដេក​ភ្លេច​ពួន​​ ។
ខ្ញុំ​លេង​បានប្រហែល​បីបួន​ខែ​ហើយ ហេហេ គិតថា​ញៀន​តិចៗ​ដែរ ចេះ​តែ​លេង​ដើម្បីបំបាត់​ការ​អផ្សុក​តែប៉ុណ្ណោះ ។

តើ​អ្នក​ទាំង​អស់​គ្នា​ចូល​ចិត្ត​លេង​ហ្គេម​នេះ​ដែរ​ទេ? បើ​ចូល​ចិត្ត​លេង​ ខ្ញុំ​នឹង​ប្រាប់​វិធីសាស្រ្តដើម្បី Find Loots ឲ្យ​ឆាប់​បាន​ ។ ខាង​ក្រោម​នេះ​ខ្ញុំ​នឹង​រៀបរាប់​អំពី app មួយ​ដែរ​​ជួយ​​​ឲ្យ​​​អ្នក​​អាច​​កំណត់​ការ​​ស្វែង​​រក Gold នឹង Elixir បាន​ដោយ​ស្វ័យ​ប្រវត្តិ មិន​ចំបាច់​ចំណាយ​ពេល​អង្គុយចុចទៀត​នោះទេ ។ ខ្ញុំ​បាន​ប្រើប្រាស់ App មួយនេះ​ហើយ ឃើញ​ថា​វា​មាន​ភាព​ងាយស្រួល​មែន​ទែន ក៏​យក​មក​ចែក​រំលែក​ ដល់​អ្នក​ដែល​ចូល​ចិត្ត​លេង​ហ្គេម Clash of Clans នេះដើម្បីឲ្យបានដឹង ។

កម្មវិធីនេះ​មាន​ឈ្មោះ​ថា XModGames គឺ​អាច​ប្រើបាន​ទាំង​នៅ​លើប្រព័ន្ធប្រតិបត្តិការ iOS នឹង Android៖ អានបន្ត …

វចនានុក្រមអង់គ្លេសសម្រាប់ទូរសព្ទដៃ

បាន​ដាក់​ប្រកាស​នៅ ថ្ងៃទី 25 ខែមិថុនា ឆ្នាំ 2014 មតិ 3

វចនានុក្រម​ Oxford សម្រាប់​ទូរសព្ទ

ខាន​សរសេរ​អត្ថបទ​ថ្មី​រាប់​ខែ​មក​ហើយ ដូច​ជា​ស្ងាត់ណាស់ ដោយ​សារម្ចាស់​ប្លក់​កំពុង​ខូចចិត្ត អត់មានអារម្មណ៍​សរសេរ​អត្ថបទ​ថ្មីៗ​ចែក​រំលែក :-D ។ ថ្ងៃ​នេះ​ទើប​តែ​មាន​អារម្មណ៍ ​ក៏​នាំ​មក​នូវ​ជា​មួយ​វចនា​នុក្រម​សម្រាប់​ទូរសព្ទដៃមួយ​មាន​ឈ្មោះ​ថា Oxford Advanced Learner’s ៨ ជំនាន់ ៣.៦.៧ ដោយឥតគិតថ្លៃ ។ វចនានុក្រម​បើ​ទិញ​ក្នុង​ App Store របស់​ហ្គូហ្គល​វិញ​គឺតម្លៃ ៣១.១១ដុល្លារ​​ឯណោះ តែ​ខ្ញុំ​យក​មក​ចែក​ជូន​អ្នក​ទាំង​អស់​គ្នា​នេះ​គឺឥតគិត​ថ្លៃ​នោះ​ទេ :-)

វចនា​នុក្រម​ Oxford នេះ​ពិត​ជា​ល្អ​ណាស់​សម្រាប់​អ្នក​ដែល​កំពុង​រៀន​ភាសា​អង់គ្លេស ព្រោះ​វា​មាន​ការ​បញ្ចេញ​សម្លេង​តាម​បែប​អាមេរិកកាំង នឹង​អង់គ្លេស​យ៉ាង​ច្បាស់ ដែល​ធ្វើ​ឲ្យ​អ្នក​កំពុង​សិក្សា​ភាសា​អង់​គ្លេស​ងាយ​ស្រួល​ក្នុង​ការ​បញ្ចេញ​សម្លេង​បាន​ត្រឹម​ត្រូវ​តាម​ពាក្យ​ដើម​នីមួយ​ៗ​របស់​ជនជាតិ​ដើម​គេ ជា​ពិសេស​គឺ​មាន​ការ​ពន្យល់​ជា​រូប​ភាព​ទៀតផង ។

បើចាប់​អារម្មណ៍​អាច​ទាញ​យក​បាន​ដោយ​សេរី (សម្រាប់​តែ​ទូរសព្ទ​ប្រើ​ប្រព័ន្ធ​ប្រតិបត្តិការណ៍​អេនដ្រយ​តែ​ប៉ុណ្ណោះ)​ ខាង​ក្រោម​នេះ​ជា​តំណ​សម្រាប់​ទាញ​យក៖ អានបន្ត …

គម្រប់​ខួប ៤ឆ្នាំ​លើ​ WordPress

បាន​ដាក់​ប្រកាស​នៅ ថ្ងៃទី 4 ខែ​កុម្ភៈ ឆ្នាំ 2014 មតិ 4

4year on wordpressគ្រប់​៤ឆ្នាំ​គត់​ដែល​ខ្ញុំ​បានប្រើប្រាស់​ WordPress មួយ​នេះ តាំង​ពី​ដាក់​ប្រកាស​ដំបូង​គ្មាន​​នរណា​ចូល​មើល​សោះ រហូត​ដល់​មាន​អ្នក​ចូល​មើល​ប្លក់​របស់ខ្ញុំ​ជា​ហូរហែរ​មក​​។ ប៉ុន្មានខែចុង​ក្រោយ​នេះ​ខ្ញុំ​​ដូច​ជា​ឃ្លាត​ឆ្ងាយ​ពី WordPress ណាស់ព្រោះមិន​ដែល​បាន​សរសេរ​ប្រកាសអ្វី​ថ្មី​នោះ​ទេ ហើយ​ចំនួន​អ្នក​ចូល​មើល​ក៏​កាន់​តែ​ស្បើយ​ទៅ​ៗ​ជា​បន្ត​បន្ទាប់​ដែរ :D បើ​នៅ​តែ​ទុក​ចោល​មិន​សរសេរ​ប្រកាស​អ្វី​ថ្មីៗ​ទៀត​ច្បាស់​ជា​រក​អ្នក​ចូល​មើល​មិន​បាន​ទៀត​ទេ ។ ដូច្នេះ​ចាប់​ពី​ថ្ងៃ​ស្អែក​ទៅខ្ញុំ​នឹង​ព្យាយាម​បន្ត​នូវ​ការ​ចែក​រំលែក​របស់​ខ្ញុំ​នៅ​លើប្លក់​មួយ​នេះ ជូន​ដល់​អ្នក​ដែល​តែង​តែ​ចូល​មើល នឹង​អ្នក​ដែល​តាមដាន់​ប្លក់​របស់​ខ្ញុំ​ជា​ប្រចាំ :) ។ សូម​ជូន​ពរ​ឲ្យ​អ្នក​គ្រប់​​បាន​​ជួប​ប្រទះ​តែ​សេចក្តី​សុខ​ សេចក្តី​ចម្រើន និង​សុភមង្គល​សម្រាប់​ឆ្នាំ​ ២០១៤នេះ ជា​ពិសេស​បងប្អូន​ខ្មែរ​ទាំង​អស់សូម​ឲ្យ​រស់នៅ​ក្នុង​សុខសន្តិភាព​ជា​និរន្តន៍ ។

ជា​ចុង​ក្រោយ​ចង់​និយាយ​ថា​៖

រីករាយ​ខួប​គម្រប់​៤ឆ្នាំ​របស់​ប្លក់ផ្ទាល់​ខ្លួន​​ខ្ញុំ​មួយ​នេះ!!
Happy Birthday to my personal blog!! ;-)

4thyear

សូម​មើល​ផង​ដែរ៣ឆ្នាំនៅលើ WordPress

ខ្ញុំថ្ងៃនេះ!

បាន​ដាក់​ប្រកាស​នៅ ថ្ងៃទី 2 ខែមិថុនា ឆ្នាំ 2013 មតិ ១

463685_569631029726139_1597642404_o

Lundilay 02.06.2013

980317_492860734119236_2039331548_o

986970_10200665035782565_516561937_o

ថ្ងៃ​នេះ​ធ្វើ​​ជា​អ្នកស្ម័គ្រ​ចិត្ត​របស់​ JCI ដើម្បីអបអរសាទរ​ថ្ងៃ​ទិវារកុមារ​អន្តរជាតិ ។ ការ​ងារដែលខ្ញុំបាន​ធ្វើ​គឺលាបថ្នាំ​​ជញ្ជាំង​អគារ​សិក្សារ​ដែល​ចាស់​ទៅ​ហើយ​នោះ​ឲ្យ​ថ្មីឡើង​វិញ ដើ​ម្បី​ទុកឲ្យ​ក្មេង​ៗ​នៅ​ឯ​សាលា​បឋម​សិក្សា​ជ្រោយ​ចង្វារ​បាន​អគារ​ដែល​មើល​ទៅ​ថ្មី បន្ទប់​គួរ​ឲ្យ​ចង់រៀនជាង​មុន និង​មានសកម្មភាព​ជា​ច្រើនទៀត! :-) ថ្ងៃ​នេះ​ពិត​ជា​នឿយ​ហត់​ពេញមួយ​ថ្ងៃ តែ​សម្រាប់​ចិត្ត​វិញ​គឺ​មិន​នឿយ​ហត់​ទាល់​តែ​សោះ ព្រោះមាន​តែ​ការ​សប្បាយ​រីករាយ! :)

ជិះ​កង់លេង​នៅ​អង្គរ​

បាន​ដាក់​ប្រកាស​នៅ ថ្ងៃទី 13 ខែ​មេសា ឆ្នាំ 2013 មតិ ១

526497_498978406817264_720438240_n

ល្ងាច​ថ្ងៃ​នេះ​ជួប​ជុំ​មិត្ត​ភក្តិ​ទៅ​ជិះ​កង់​លេង​នៅ​តាម​ផ្លូវ​ ជិះ​ទៅ​អង្គរ​វត្ត ទៅ​ប្រាសាទ​បាយ័ន្ត​ លាន​ជល់​ដំរី ត្រលប់​មក​វិញ​ ហើយ​ទៅ​អង្គរ​ឃ្យុង​យូ… ។ នឹក​ស្រុក​នឹក​ស្រែ​ពេក មក​ដល់​ត្រូវ​ដើរ​លេង​ឲ្យ​ណា​ណី​ម្តង!! :D

រីករាយឆ្នាំថ្មី!!!

ទំនួញ​កោះ​ត្រល់ :'(

បាន​ដាក់​ប្រកាស​នៅ ថ្ងៃទី 10 ខែ​មីនា ឆ្នាំ 2013 មតិ ១

ទំនួញ​កោះ​ត្រល់

១. កោះ​អើយ​កោះ​ត្រល់​នៅ​សល់​តែ​ឈ្មោះ កោះ​មាន​សម្ភស្ស​ល្អ​ស្រស់​ម្លេះ​ទេ កាល​នៅ​ពី​តូច​ធ្លាប់​ទៅ​លំហែរ គយ​គន់​​កោះ​ខ្មែរ ចិត្ត​ខ្ញុំ​លួច​ស្នេហ៍​កោះ​ហើយ ។

២. ឥឡូវ​បាន​ត្រឹម​មើល​ពី​ចម្ងាយ ដួង​ចិត្ត​ខ្វល់​ខ្វាយ​សែន​ស្តាយ​ស្រណោះ ខែ​ណា?ឆ្នាំ​ណា? ខ្ញុំ​បាន​ជួប​កោះ​ទើប​អ្នក​វិល​មក​រួម​រស់​ រួម​សុខ​លើ​ដី​ខ្មែរ​វិញ ។

៣. កោះ​អើយ​កោះ​ត្រល់​អ្នក​យំ​រាល់​ថ្ងៃ អង្វរ​សុំ​ក្តី​មេត្តា​ សុំ​ខ្មែរ​ប្រុស​ស្រី​ផ្តល់​ក្តី​មេត្តា​ ជួយ​កោះ​ត្រល់​កំព្រា​វិល​មក​មាតុ​ភូមិ​ខ្មែរ​វិញ ។

៤. បើ​បាន​ជួប​​ហើយ​សន្យា​លែង​ព្រាត់ ថែរ​កោះ​កំសត់​ទុក​ជូន​កូន​ខ្មែរ គ្រាន់​បាន​ទៅ​លេង​កំសាន្ត​លំហែរ​ កោះ​ត្រល់​ដែន​កោះ​ខ្មែរ ស្រស់​ល្អដូច​គ៌ា​លៃ… ។

តាមដាន

Get every new post delivered to your Inbox.

Join 1,463 other followers

%d bloggers like this: