*****ពាក្យ​ស្លោក​ប្រចាំ​ថ្ងៃ*****

តើអ្នកចង់ ដឹងថា ប្រាសាទបូរាណរបស់ខ្មែរដែលនៅក្នុងទឹកដីសៀមសព្វថ្ងៃមានប្រាសាទអ្វីខ្លះ?
សូម​មើល​ទំព័រ: WWW.GORUPA.COM
========================================================================

អ្វី​ដែល​ខ្ញុំ​ចង់​និយាយ​សម្រាប់​ថ្ងៃ​នេះ៖ Nothing to say... Lol.. :)( ។

គម្រប់​ខួប ៤ឆ្នាំ​លើ​ WordPress

បាន​ដាក់​ប្រកាស​នៅ ថ្ងៃទី 4 ខែ​កុម្ភៈ ឆ្នាំ 2014 មតិ 4

4year on wordpressគ្រប់​៤ឆ្នាំ​គត់​ដែល​ខ្ញុំ​បានប្រើប្រាស់​ WordPress មួយ​នេះ តាំង​ពី​ដាក់​ប្រកាស​ដំបូង​គ្មាន​​នរណា​ចូល​មើល​សោះ រហូត​ដល់​មាន​អ្នក​ចូល​មើល​ប្លក់​របស់ខ្ញុំ​ជា​ហូរហែរ​មក​​។ ប៉ុន្មានខែចុង​ក្រោយ​នេះ​ខ្ញុំ​​ដូច​ជា​ឃ្លាត​ឆ្ងាយ​ពី WordPress ណាស់ព្រោះមិន​ដែល​បាន​សរសេរ​ប្រកាសអ្វី​ថ្មី​នោះ​ទេ ហើយ​ចំនួន​អ្នក​ចូល​មើល​ក៏​កាន់​តែ​ស្បើយ​ទៅ​ៗ​ជា​បន្ត​បន្ទាប់​ដែរ :D បើ​នៅ​តែ​ទុក​ចោល​មិន​សរសេរ​ប្រកាស​អ្វី​ថ្មីៗ​ទៀត​ច្បាស់​ជា​រក​អ្នក​ចូល​មើល​មិន​បាន​ទៀត​ទេ ។ ដូច្នេះ​ចាប់​ពី​ថ្ងៃ​ស្អែក​ទៅខ្ញុំ​នឹង​ព្យាយាម​បន្ត​នូវ​ការ​ចែក​រំលែក​របស់​ខ្ញុំ​នៅ​លើប្លក់​មួយ​នេះ ជូន​ដល់​អ្នក​ដែល​តែង​តែ​ចូល​មើល នឹង​អ្នក​ដែល​តាមដាន់​ប្លក់​របស់​ខ្ញុំ​ជា​ប្រចាំ :) ។ សូម​ជូន​ពរ​ឲ្យ​អ្នក​គ្រប់​​បាន​​ជួប​ប្រទះ​តែ​សេចក្តី​សុខ​ សេចក្តី​ចម្រើន និង​សុភមង្គល​សម្រាប់​ឆ្នាំ​ ២០១៤នេះ ជា​ពិសេស​បងប្អូន​ខ្មែរ​ទាំង​អស់សូម​ឲ្យ​រស់នៅ​ក្នុង​សុខសន្តិភាព​ជា​និរន្តន៍ ។

ជា​ចុង​ក្រោយ​ចង់​និយាយ​ថា​៖

រីករាយ​ខួប​គម្រប់​៤ឆ្នាំ​របស់​ប្លក់ផ្ទាល់​ខ្លួន​​ខ្ញុំ​មួយ​នេះ!!
Happy Birthday to my personal blog!! ;-)

4thyear

សូម​មើល​ផង​ដែរ៣ឆ្នាំនៅលើ WordPress

ទម្លាប់ដែល​ធ្វើ​ឲ្យ​ប៉ះពាល់​ដល់​ខួរក្បាល

បាន​ដាក់​ប្រកាស​នៅ ថ្ងៃទី 19 ខែធ្នូ ឆ្នាំ 2013 បញ្ចេញមតិ

BRAIN DAMAGING HABITS

. អត់​ទទួល​ទានអាហារពេល​ព្រឹក
អ្នក​ដែល​មិន​ទទួល​អាហារពេល​ព្រឹក​គឺ​ធ្វើ​ឲ្យ​កម្រិត​ជាតិ​ស្ករ​ក្នុង​ឈាម​ចុះ​ទាប ​បណ្តាល​ឲ្យ​​ការ​ផ្តត់ផ្តង់​សារធាតុ​ចិញ្ចឹម​ដល់​ខួល​ក្បាល​មិន​គ្រប់​គ្រាន់ដែល​ជា​ហេតុ​ធ្វើ​ឲ្យ​ខួរ​ក្បាល​ខូចខាតថមថយ ។

. ទទួល​ទាន​ហួស​កម្រិត
ការ​ទទួល​ទាន​ហួស​កម្រិត​ធ្វើ​ឲ្យ​​ប៉ះពាល់​ដល់​សរសៃ​ឈាម​ក្រហម​របស់​ខួរ​ក្បាល ជាហេតុ​បណ្តាល​ឲ្យអានុភាព​នៃ​ខួរក្បាល​ថយចុះ ។

. ការជក់បារី
ការជក់​បារី​គឺ​ធ្វើ​ឲ្យ​បាត់​បង់​កោសិកា​ក្នុង​ខួរ​ក្បាល​យ៉ាង​ច្រើនសន្ធឹក​សន្ធាប់​ រហូត​បណ្តាល់​ឲ្យ​កើត​ជម្ងឺ Alzheimer ។

. កម្រិត​ជាតិ​ស្ករ​ខ្ពស់
ជាតិ​ស្ករ​ច្រើន​ពេក​អាច​នឹង​បង្អាក់​ការ​ស្រូប​យក​ប្រូតេអ៊ីន នឹងសារធាតុ​ចិញ្ចឹម​ផ្សេង​ៗ​ ដែលជាហេតុ​បណ្តាល​ឲ្យខួរ​ក្បាល​ខ្វះ​សារធាតុ​ចិញ្ចិម​ហើយ​អាច​ឈាន​ដល់​ការ​បង្អាក់​ការ​វិវឌ្ឍន៍​នៃ​ខួរ​ក្បាល​ទៀត​ផង ។

. ការបំពុល​បរិយាកាស
ខួរក្បាល​គឺ​ជាកន្លែង​ដែល​ប្រើប្រាស់​អ៊ុកស៊ីសែន​ច្រើន​ជាង​គេក្នុង​ខ្លួន​របស់​មនុស្ស ។ ការ​ស្រូបយកខ្យល់​ដែលមាន​ជាតិ​ពុល​​គឺ​អាច​ធ្វើ​ឲ្យ​ប៉ះពាល់​ដល់ការ​ផ្គត់ផ្គង់​អ៊ុកស៊ីសែន​ដល់​ខួរ​ក្បាល នឹង​អាច​កាត់​បន្ថយ​ឥទ្ធិពល​របស់​ខួរក្បាល ។

. ការ​ដេក​មិន​គ្រប់​គ្រាន់
ដំណេក​គឺ​អាច​ធ្វើ​ឲ្យ​ខួរក្បាល​របស់​យើង​បានសម្រាក ការ​ដែល​មិន​បាន​ទទួល​ទាន​ដំណេក​គ្រប់​គ្រាន់​ជាប្រចាំ អាច​នឹងជម្រុញ​​ធ្វើ​ឲ្យ​កោសិកា​របស់​ខួរក្បាល​ងាប់ ។

. គ្របក្បាល​ពេល​កំពុងដេក
ការ​ដេក​ដោយ​គ្របក្បាល​គឺ​ធ្វើ​ឲ្យ​ថមថយ​កាបូន​ឌីអុកស៊ីត ហើយ​នឹងបណ្តុំ​នៃ​អ៊ុកស៊ីសែន ដែល​អាច​បណ្តាល​ឲ្យ​​មាន​ការ​ប៉ះពាល់​ខួរក្បាលកើតមាន​ឡើង ។

. ការ​ដំណើរ​ការ​ខួរក្បាល​ពេល​កំពុង​មាន​ជម្ងឺ
ការ​ខំ​ធ្វើ​ការ​ ឬ​ខំរៀន​ពេល​កំពុង​មាន​ជម្ងឺ អាច​បណ្តាល​ឲ្យប្រសិទ្ធភាព​នៃ​ខួរក្បាល​ចុះ​ថមថយ​​ ក៏​ដូច​ជា​ធ្វើ​ឲ្យ​ខូច​ខាត​ដល់​ខួរ​ក្បាល​​របស់​យើង​ផង​ដែរ ។

. កង្វះ​ខាត​នៃ​ការ​គិត
ការ​គិត​គឺ​ជាវិធី​ដ៏ល្អ​ដើម្បី​ហ្វឹកហាត់​ខួរក្បាល​របស់​យើង កង្វះខាត​ការ​​គិត​ភ្ញោច​ខួរក្បល​ ជាហេតុ​បណ្តាល​ឲ្យខួរ​ក្បាល​ចុះ​ថមថយ និយាយ​ឲ្យ​ចំគឺ​គិត​មិន​សូវ​រហ័ស ខួរក្បាល​ស្ទគ់!!

១០. អត់​សូវ​និយាយ​ស្តី
ការ​និយាយ​ស្តី​ច្រើន គឺ​អាច​នឹង​ធ្វើ​ឲ្យ​ខួរ​ក្បាល​រស់​រវើក និង​រហ័ស​រហួសបាន​យ៉ាង​ប្រសើរ!

របៀប​ទាញ​យក​ឯកសារ​ពី Torrent

បាន​ដាក់​ប្រកាស​នៅ ថ្ងៃទី 11 ខែសីហា ឆ្នាំ 2013 មតិ 3

Lundi Lay Torrent.2..

សួស្តី​អ្នក​ទាំង​អស់​ តើ​សុខ​សប្បាយ​ទេ? ខ្ញុំ​ខាន​ដាក់​ប្រកាស​ជា​ច្រើន​ថ្ងៃ​មក​ហើយ ប៉ុន្តែពេល​​នេះ​ខ្ញុំ​នឹងសរសេរ​ប្រកាស​មួយ​ដើម្បី​​បង្ហាញ​អ្នក​ទាំង​អស់​គ្នា​អំពី​របៀប​មើល​ហើយ​នឹង​ការ​ទាញ​យក​ឯកសារ​ពី Torrent ។ អ្នក​ទាំង​អស់​គ្នា​ប្រាកដ​ជា​ដឹង​ហើយ​ថា ថរ៉ិនថ៍ គឺ​វែបសាយ​ដ៏​ពេញ​និយម​ដែល​ផ្ទុក​ទៅ​ដោយ​ឯកសារ​ជា​ច្រើន​ដូចជា​ កម្មវិធី​កុំព្យូទ័រ ហ្គេម​កុំព្យូទ័រ វីដេអូ…. ជា​ដើម ប៉ុន្តែ​ការ​ទាញ​យក​ឯកសារ​ពី​ថរ៉ិនថ៍ គឺវា​ទាម​ទារ​ឲ្យ​មាន​កម្មវិធី​ជំនួយ​គឺ Torrent Download Clients ដូច​ជា Bit Torrent និង Utorrent ។ល។

Torrent គឺ​​ជា​កម្ម​វិធី​សម្រាប់​ Download និង​ Upload ឯកសារ​បាន​លឿន​ពី​អ្នក​ប្រើប្រាស់​មួយ​ទៅ​អ្នក​ប្រើប្រាស់​ផ្សេង​ទៀត ( Peer-to-peer )​ តាម​អ៊ីនធឺណិត​។ ដំណើរ​ការ​របស់​ Torrent គឺ​សម្រាប់​​អ្នក​​ចូល​​រួម​ប្រើ​​កម្មវិធី​បញ្ជូន(Upload)​ និង​ទទួល​ឯកសារ​ (Download) ពី​កុំព្យូទ័រ​ផ្សេងៗ​​ទៀត​ដោយ​ប្រើប្រាស់​កម្មវិធី​ Torrent client ។ កម្មវិធី​ទាំងអស់​នោះ​នឹង​បើក​ឯកសារ​ .Torrent ហើយ​​ភ្ជាប់​ទៅ​កាន់​អ្នក​ប្រើប្រាស់​ដទៃ​ទៀត​ដែល​ប្រើ​ Torrent ដើម្បី​ទាញ​យក​ឯកសារ​ពី​ពួក​គេទៅ​តាម​ទិន្នន័យ​ដែល​ផ្ទុក​ក្នុង​ ឯកសារ​ .Torrent ដែល​អ្នក​បាន​បើក ។ ដូច​នេះ​អ្នក​អាច​ប្រើ​កម្មវិធី​នេះ​សម្រាប់​ទាញ​យក​​ឯកសារ​ធំៗ​ ដូច​ជា​វីដេអូ​ ចម្រៀង​ ដោយ​ Download តាម​រយៈ​ Torrent file ។ ខាង​ក្រោម​នេះ​ខ្ញុំ​នឹង​បង្ហាញ​ចំណុច​សំខាន់​ខ្លះ​ៗ​នៅ ក្នុង​កម្មវិធី​ Torrent ដូច​ខាង​ក្រោម ៖

តើ​ Seed គឺ​ជា​អ្វី​នៅ​ក្នុង​កម្មវិធី​ Torrent ?
Seed គឺ​ជា​ចំនួន​កុំព្យូទ័រ​របស់​នរណា​ម្នាក់​​​ ( Peer ) ដែល​មាន​ទិន្នន័យ​ Torrent គ្រប់គ្រាន់​សម្រាប់​ចម្លង ហើយ​នៅ​តែ​ដំណើរ​ការ​ផ្ដល់​ទិន្នន័យ​នៅ​លើ​បណ្ដាញ​ Network របស់​ Torrent ។ ដូច​នេះ​ចំនួន​ Seed កាន់​តែ​ច្រើន​គឺ​កាន់​តែ​ល្អ​សម្រាប់​ទាញ​យក​​ឯកសារ​ពី​ Torrent បាន​ច្រើន ។

តើ​ Peer គឺ​ជា​អ្វី​នៅ​ក្នុង​ Torrent ?
Peer គឺ​ជា​ចំនួន​អ្នក​ប្រើប្រាស់​កុំព្យូទ័រ​ផ្សេង​ទៀត​ដែល​ទាញ​យក​ឯកសារ​ដោយ​ប្រើប្រាស់​កម្មវិធី​ Torrent ហើយ​ដែល​អ្នក​ភ្ជាប់​ទៅ​កាន់​ពួក​គេ​និង​ផ្លាស់​ប្ដូរ​បញ្ជូន​ទិន្នន័យ​ទៅ​វិញ​ទៅ​មក ។ ហើយ​ជា​ធម្មតា​ Peer មួយ​មិន​មាន​ទិន្នន័យ​ Torrent ពេញលេញ​ទេ​ គ្រាន់​តែ​មាន​ផ្នែក​ខ្លះ​ ៗ ប៉ុណ្ណោះ​ ។ តែ​យ៉ាង​ណា​ Peer ក៏​អាច​បញ្ជូន​ទិន្នន័យ​បាន​ខ្លះ​ផង​ដែរ ។

តើ leech គឺ​ជា​អ្វី ?
Leech សំដៅ​ទៅ​លើ​អ្នក​ប្រើប្រាស់​កម្មវិធី​ Torrent ដែល​កំពុង​ទាញ​យក​ទិន្នន័យ​ពី​ Torrent ប៉ុន្តែ​មិន​បាន​ផ្ដល់​ការ​Upload បាន​ច្រើន ឬ អ្នក​ប្រើប្រាស់​ដែល​បញ្ឈប់​ការ​ចែក​រំលែក​​បន្ទាប់​ពី​ការ​ទាញ​យក​ទិន្នន័យ​បាន​រួចរាល់ ។

Traker គឺ​ជា​អ្វី?
Traker គឺ​ជា​ម៉ាស៊ីន​មេ​ដែល​ឃ្លាំ​មើល​ចំនួន​ Seed និង​ Leech នៅ​ក្នុង​បណ្ដាញ​ Torrent ។

ខាង​ក្រោម​នេះ​ខ្ញុំ​នឹង​ប្រាប់​អ្នក​ទាំង​អស់​គ្នា​​ពី​របៀប​មើល​នូវ​ចំនុច​ខាង​លើ​នេះ​ដូច​ជាមើល Seed , Peer, Leech ដើម្បី​ធ្វើ​ឲ្យ​ការ​ទាញ​យក​ឯកសារ​ពី​ Torrent របស់​អ្នក​ទាំង​អស់​គ្នា​ប្រកប​ដោយប្រសិទ្ធិភាព និង​បាន​ល្បឿន​លឿន ហើយ​រហ័ស​មិន​មាន​បញ្ហាផ្សេង​ៗ ។ Read more…

កម្ម​វិធី​កុំព្យូទ័រ៣ សម្រាប់​ប្រើ Apps ហើយ​នឹង​លេងហ្គេមរបស់ទូរសព្ទ​

បាន​ដាក់​ប្រកាស​នៅ ថ្ងៃទី 23 ខែមិថុនា ឆ្នាំ 2013 បញ្ចេញមតិ

ថ្ងៃ​នេះ​ទើប​មាន​អារម្មណ៍​សរសេរ​ប្រកាសថ្មីៗ​ជូន​អ្នក​ដែល​តែង​តែ​មើល​ប្លក់​របស់ខ្ញុំ​ជា​ប្រចាំ ហើយ​ក៏​បាន​នាំ​យក​វិធី​ថ្មីៗ​ដែល​ទើប​តែ​បាន​ដឹង​តាម​គេ​ មក​ចែក​ជូន​អ្នក​ទាំង​អស់​គ្នា។ តើ​អ្នកទាំង​អស់​គ្នា​ចង់​ប្រើប្រាស់​ App ហើយ​និង​លេង​ហ្គេម​របស់​ពពួក Smartphone (ទូរសព្ទ​ឆ្លាត) នៅ​លើ​កុំព្យូទ័រ​ដែរ​ទេ? ថ្ងៃ​នេះ​ខ្ញុំ​និង​លើក​យក​កម្មវិធី​បី​មក​ប្រាប់​អ្នក​ទាំង​អស់​គ្នា។ យើង​​ដឹង​ហើយថាក​​ម្មវិធី​ទូរសព្ទ​ឆ្លាតម​ដូច​ជា​ Instagram, LINE, Viber, WhatApps… នឹង​កម្មវិធី​ជាច្រើនទៀត… គឺ​មាន​តែ​អ្នក​មាន​ពពួក​ទូរសព្ទ​ឆ្លាត​តែ​ប៉ុណ្ណោះ​ទើប​អា​ច​ប្រើ​បាន ។ តែ​ប្រសិនបើ​យើង​ពុំ​មាន​ថវិកា​សម្រាប់​ទិញឬ​ក៏​ពុំមាន​ទូរសព្ទ​ឆ្លាតប្រើ​ ហើយ​អ្នក​ចង់​ប្រើ​កម្មវិធីឬ​លេង​ហ្គេម​របស់​ទូរសព្ទ​​ទាំង​នោះ​នៅ​លើ​កុំព្យូទ័ររបស់​អ្នក​​ គឺ​សូម​មើល​ពីវិធី​ណែនាំ​ដូច​ខាង​ក្រោម​នេះ។

រាល់​ថ្ងៃ​​ខ្ញុំ​ប្រើ​កម្មវិធី​ទាំង​អស់​នេះ​សម្រាប់​ការ​កំសាន្ត​ ដូច​ជា​លេង​ហ្គេម ប្រើ Apps ផ្សេង​ៗ កម្មវិធីទាំងបី​នោះមាន​ដូចជា​ BlueStacks, Pokki ហើយ​នឹង iPadian ហើយ​កម្មវិធីទាំង​បី​នេះ​មាន​លក្ខណៈ​ពិសេស​ខុស​ៗ​គ្នា​ ដូចច្នេះ​ខ្ញុំ​នឹង​រៀប​រាប់​ប្រាប់​អ្នក​ទាំង​អស់​គ្នា​នូវ​លក្ខណៈពិសេសរបស់​វា​នីមួយ​ៗ ។

១. Bluestacks
កម្មវិធី​នេះ​គឺ​វា​ដូច​ជា​ប្រព័ន្ធ​ប្រតិបត្តិការ​ក្នុង​ទូរស័ព្ទ​​មួយ​អ៊ីចឹង ​មាន​លក្ខណៈដូច​ Android ដែល​អាច​ឲ្យ​យើង​តំឡើង​កម្មវិធី លេង​ហ្គេម​របស់​ទូរសព្ទបាន ។ ហើយ​យើង​អាច​ចូល​ទៅ​ Google Play ដើម្បី​ដោនឡូត​ហ្គេម App ជាច្រើនប្រភេទ និយាយ​ឲ្យ​ចំអ្វី​ដែល​ទូរសព្ទ ​ដែល​ប្រើប្រព័ន្ធប្រតិបត្តិការ​ Android អាច​តំឡើង​បាន គឺ​កម្មវិធី Bluestacks នេះ​អាច​តំឡើង​បាន​ទាំង​អស់​ដូច​គ្នាដែរ ។

Londilay Bluestacks1

២. Pokki
កម្មវិធីនេះគឺ​ផ្តោត​ទៅ​លើហ្គេម Online គឺថាយើង​អាចលេងហ្គេម Online របស់ទូរសព្ទ​បានយ៉ាង​ស្រួល ។ ហើយ​នឹង​មានហ្គេម នឹង​កម្មវិធីមួយចំនួន​ទៀត​ដែល​គេដាក់​ឲ្យ​ទាញយក ប៉ុន្តែ​វា​មិនដូច​ជា​ Bluestacks អាចឲ្យយើង​ចូល​ទាញយក​ហ្គេមឬ App ដោយ​ផ្ទាល់​ពី Google play បាន​នោះទេ គឺ​ថា​ត្រឹម​តែ​មាន​ App Store របស់​ Pokki ប៉ុណ្ណោះ! Read more…

ខ្ញុំថ្ងៃនេះ!

បាន​ដាក់​ប្រកាស​នៅ ថ្ងៃទី 2 ខែមិថុនា ឆ្នាំ 2013 មតិ ១

463685_569631029726139_1597642404_o

Lundilay 02.06.2013

980317_492860734119236_2039331548_o

986970_10200665035782565_516561937_o

ថ្ងៃ​នេះ​ធ្វើ​​ជា​អ្នកស្ម័គ្រ​ចិត្ត​របស់​ JCI ដើម្បីអបអរសាទរ​ថ្ងៃ​ទិវារកុមារ​អន្តរជាតិ ។ ការ​ងារដែលខ្ញុំបាន​ធ្វើ​គឺលាបថ្នាំ​​ជញ្ជាំង​អគារ​សិក្សារ​ដែល​ចាស់​ទៅ​ហើយ​នោះ​ឲ្យ​ថ្មីឡើង​វិញ ដើ​ម្បី​ទុកឲ្យ​ក្មេង​ៗ​នៅ​ឯ​សាលា​បឋម​សិក្សា​ជ្រោយ​ចង្វារ​បាន​អគារ​ដែល​មើល​ទៅ​ថ្មី បន្ទប់​គួរ​ឲ្យ​ចង់រៀនជាង​មុន និង​មានសកម្មភាព​ជា​ច្រើនទៀត! :-) ថ្ងៃ​នេះ​ពិត​ជា​នឿយ​ហត់​ពេញមួយ​ថ្ងៃ តែ​សម្រាប់​ចិត្ត​វិញ​គឺ​មិន​នឿយ​ហត់​ទាល់​តែ​សោះ ព្រោះមាន​តែ​ការ​សប្បាយ​រីករាយ! :)

ជិះ​កង់លេង​នៅ​អង្គរ​

បាន​ដាក់​ប្រកាស​នៅ ថ្ងៃទី 13 ខែ​មេសា ឆ្នាំ 2013 មតិ ១

526497_498978406817264_720438240_n

ល្ងាច​ថ្ងៃ​នេះ​ជួប​ជុំ​មិត្ត​ភក្តិ​ទៅ​ជិះ​កង់​លេង​នៅ​តាម​ផ្លូវ​ ជិះ​ទៅ​អង្គរ​វត្ត ទៅ​ប្រាសាទ​បាយ័ន្ត​ លាន​ជល់​ដំរី ត្រលប់​មក​វិញ​ ហើយ​ទៅ​អង្គរ​ឃ្យុង​យូ… ។ នឹក​ស្រុក​នឹក​ស្រែ​ពេក មក​ដល់​ត្រូវ​ដើរ​លេង​ឲ្យ​ណា​ណី​ម្តង!! :D

រីករាយឆ្នាំថ្មី!!!

ស្ថាន​ភាព​ស្រ្តី​ខ្មែរ​ក្នុង​រឿង​ទុំ​ទាវ​

បាន​ដាក់​ប្រកាស​នៅ ថ្ងៃទី 17 ខែ​មីនា ឆ្នាំ 2013 បញ្ចេញមតិ

ទុំ​ទាវ

កាល​ដើម​ឡើយ​សង្គម​ខ្មែរ​ជា​សង្គម​មាតា​ធិបតេយ្យ​​ពោល​គឺ​ស្ត្រី​មាន​​តួនាទី​ដ៏​សំខាន់​ ប៉ុន្តែ​ក្រោយ​មក​ដោយ​មាន​ឥទ្ធិ​ពល​មក​ពី​វប្ប​ធម៌​ផ្សេង​ៗ​​ទៀត​ដូច​ជា ​វប្បធម៌​ហិណ្ឌូ​​និយម វប្បធម៌​ចិន​ ជា​ដើម​ ស្ថាន​ភាព​របស់​ស្រ្តី​មាន​ការ​ប្រែ​ប្រួល​ច្រើន​។ វប្បធម៌​​ហិណ្ឌូ​និយម​ដែល​គេ​តែង​តែ​ហៅ​ថា​ព្រហ្ម​និយម​ចេញ​មក​ពី​គម្ពី​វេទ​​គឺ​ជា​គម្ពី​ម្យ៉ាង​ដែល​គេ​នាំ​ពី​ប្រទេស​អ៊ឺរ៉ង់​ចូល​មក​​ក្នុង​ភាគ​ឥសាន​នៃ​ទឹក​ដី​​ប្រទេស​​ឥណ្ឌា​​កាល​ពី​សតវត្ស​ទី​៤​មុន​គ្រឹស្ត​សករាជ​។ ជា​ការ​ពិត​ហើយ​ដែល​ថា​វប្បធម៌​​ហិណ្ឌូ​​និយម​​នេះ​ជា​ការ​វិវត្តន៍​នៃ​​គម្ពី​វេទ​គឺ​មាន​ន័យ​ថា​​គម្ពី​វេទ​នោះ​បាន​ត្រូវ​បក​ស្រាយ​​ទៅ​តាម​ជំនោរអា​​រម្មណ៍​ផ្សេង​​​​​ៗ​របស់​​​ប្រជា​ជន​ ហើយ​ដូច​នេះ​ឃ្លាត​ឆ្ងាយ​ចេញ​ពីអត្ថ​បទ​ដើម​រួម​​បញ្ចូល​ទាំង​លទ្ធិ​ព្រហ្ម​និយម​ទៀត​ផង​ ក៏​ប៉ុន្តែ​វប្បធម៌​ហិណ្ឌូ​​និយម​នេះ​រក្សា​ទុក​លោក​ទស្សនៈ​​ប្រកាន់​វណ្ណៈ​ដដែល​។ នៅ​ពេល​ដែល​ឥទ្ធិ​ពល​នេះ​ចូល​មក​ក្នុង​ប្រទេស​​កម្ពុជា​​តាម​លទ្ធិ​ទេវរាជ​ ដែល​​យោង​​ទៅ​តាម​ទ្រឹស្តី​នោះ​​ព្រះ​មហា​ក្សត្រ​ត្រូវ​គេ​ចាត់​ទុក​ថា​​ជា​អ្នក​តំណាង​នៃ​ពពួក​ទេវ​នានា​ ព្រះ​មហា​ក្សត្រ​​ពុំ​អាច​ស្ថិត​នៅ​ក្រោម​អធិបតេយ្យ​របស់​ស្រ្តី​​បាន​ទេ។ តាំង​ពី​ពេល​នោះ​មក​​ការ​ប្រយុទ្ធ​រវាង​​​ទំនៀម​ទម្លាប់​​មាតា​ធិបតេយ្យ​​ដែល​ជា​របស់​ខ្មែរ​យើង​សុទ្ធ​សាត​​នឹង​បិតា​ធិបតេយ្យ​ដែល​ជា​វប្បធម៌​របស់​ហិណ្ឌូ​និយម​​ចេះ​តែ​មាន​ជា​ហូរ​ហែរ​ ប៉ុន្តែ​នៅ​ទី​បំផុត​គឺ​គ្មាន​​ចាញ់​គ្មាន​ឈ្នះ​។ ស្ថាន​ប័ន​នយោ​បាយ​ជា​ផ្លូវ​ការ​​សំខាន់​ៗ​​ផ្អែក​ទៅ​លើ​​វប្បធម៌​ហិណ្ឌូ​និយម​ ប៉ុន្តែ​នៅ​ក្នុង​ជីវិត​ប្រចាំ​ថ្ងៃ​ស្រ្តី​នៅ​តែ​មាន​ឥទ្ធិ​ពល​ទៅ​លើ​បុរស​ដដែល​​ ទោះ​តាម​បែប​បទ​ណា​ក្តី។ ការ​ប្រទាញ​ប្រទង់​ឬ​បដិវេទ​កម្ម​នេះ​​មាន​រហូត​​មក​ទល់​សម័យ​ក្រោយ​ៗ​មក​ទៀត​​ដូច​យើង​បាន​ដឹង​ឃើញ​តាម​រយៈ​​រឿង​កាកី​​និង​តាម​រឿង​ព្រេង​ផ្សេង​ៗ​ ដែល​ស្រ្តី​តស៊ូ​យ៉ាង​តឹង​តែង​​តទល់​នឹង​អំណាច​​ឬ​សិទ្ធិ​ផ្សេង​ៗ​ដែល​ត្រូវ​បាន​បុរស​​ដណ្តើម​យក​ជា​ពិសេស​ព្រះ​រាជា​​ដែល​​ជា​អ្នក​តំណាង​​អស់​ទេវ​នានា​​នៅ​ក្នុង​ចក្រ​ក្រវាឡ​។

នៅ​ក្នុង​រឿង​ទុំ​ទាវ​​ពោល​គឺ​នៅ​សម័យ​លង្វែក​ នារី​សឹង​តែ​បាត់​បង់​នូវ​​សិទ្ធិ​ជា​មូល​ដ្ឋាន​របស់​គេ​ ប៉ុន្តែ​គេ​ក៏​សង្កេត​ឃើញ​ផង​ដែរ​ថា​នាង​ទាវ​នៅ​តែ​ខិត​ខំ​រក្សា​​សិទ្ធិ​របស់​នាង​យ៉ាង​ម៉ឺង​ម៉ាត់​ នាង​សុខ​ចិត្ត​បោះ​បង់​​ព្រះ​រាជា​ចោល​ហើយ​​រត់​មក​រក​ទុំ​វិញ​។ ​នៅ​​ពេល​​​​​ដែល​​ទាវ​ត្រូវ​ម្តាយ​នាង​​ផ្តាច់​នាង​ចេញ​ពី​ទុំ​​ឲ្យ​ទៅ​រៀប​ការ​ជា​មួយ​ម៉ឺន​ងួន​វិញ​ នាង​ទាវ​ក៏​បាន​សម្រេច​ចិត្ត​ខ្លួន​​​ឯង​ធ្វើ​តាម​​បង្គាប់​របស់​ម្តាយ​នាង​ គឺ​ហាក់​បី​ដូច​ជា​ទុំ​គ្មាន​អំណាច​អ្វី​​មក​លើ​រូប​នាង​ដូច្នេះ​ដែរ ជា​ការ​ពិត​​ហើយ​ដែល​ថា​ទាវ​​ស្ថិត​នៅ​ក្នុង​ការ​គាប់​សង្កត់​របស់​ម្តាយ​នាង​​ប៉ុន្តែ​ការ​សម្រេច​ផ្សេង​​ៗ​ក៏​ស្តិត​នៅ​លើ​​នាង​ដែរ​។ Read more…

តាមដាន

Get every new post delivered to your Inbox.

Join 1,319 other followers

%d bloggers like this: